عندي مشكله وابغى الحل بسرعه؟؟؟؟؟؟؟؟؟؟؟

[rone_2005]

السلام عليكم ورحمة الله وبركاته

انا قبل يومين حصلت بيني وبين واحد من اصحابي مشكله ودقيته بالسياره بس الحمدلله جات بسيطه المهم انا رحت البيت وابوي عرف بالموضوع وزعل وارتفع عنده الضغط وامي صارت كل بعد شوي ترفع صوتها علي واخواني كلهم كرهوني حتى صاحبي اللي دقيته حاولت اعتذر منه مو راضي وصاحبي الثاني اللي بيني وبينه عشرت عمر زعل مني ومايبي يكلمني وكل مااروح لواحد يقلي انت الغلطان ويصرفني ويمشي وبقيت انا لوحدي مااحد يبي يكلمني ولا احديبي يسمعلي وبالذات صاحبي اللي بيني وبينه عشرت عمر دائما كان هو الوحيد اللي يسمعلي بس هاذي المره مو راضي يسمعلي ارجوكم ابي حل وبأسرع مايمكن...

[hossam gabr]

أنا من رأيى بما أنك صديق عمره أكيد تعرف وش أكتر شى يبي يسويه ونفذله رغبته أو جيبله هدية ما كان يتوقعها منك وأنا تقدمهالوا في مفاجأة من غير ما يعرف أنك هتقابلو في هذا المكان !!!!هذا رايى

[كوبامارو]

طيب قبل ما نساعدك لازم تعطينا تفاصيل عن المشكله أكثر ..
يعني يومك تقول.. ( صارت مشكله بيني و بينه و دقيته بالسياره ) .. هل كنت تقصد :

1). تهاوشت أنت وياه و صارت خناقه بعدين دقيته

أو

2). المشكله أساسا هي إنك دقيت الولد بالسياره

وبعدين يوم دقيت الولد بالسياره هل كنت قاصد يعني متعمد ولا جت بالغلط ..

و بعدين تعال شقصدك بـ دقيته يعني دعمته .. دعسته .. صدمته ؟!

وكيف جت آثار الصدمه على الولد يعني كسور ولا رضوض ولا ما فيه شي ينط زي القرد ؟!

لا تزعل يا أخوي من الأسئله أعرف إنك ما ودك تجاوب عليها بس لازم نفهم الموقف زين عشان نقدر نساعدك بالحل الأفضل لهذه المشكله

و الأمر راجع لك أنت إذا تبي تجاوب ولا لأ

ومع السلامه

[rone_2005]

مشكور اخوي حسام على حلك وراح احاول
اما بالنسبه لأخوي كوبامارو راح اجاوب على اسئلتك
انا تهاوشت معاه ودقيته بقصد بس الولد اصابته بسيطه (يعني بس يعرج ) ومعنى دقيته دعسته وارجو انك تجاوب لي بسرعه

[+SasSy+]

الاعتذار أخوي يكون بطريقتين .....

1- الاعتذار بالقول ...
2- الاعتذار بالفعل ....

و لا تسمع كلام الناس يوم يقولون الاعتذار يقلل من فيمة الواحد ...
اذا كنت تعتذر من قلبك خلاص عادي لا تشيل هم ....

و الرسول عليه الصلاة والسلام قال:
لا يحق للمسلم أن يهجر أخاه فوق ثلاث ليل فيعرض هذا و يعرض هذا و خيرهما الذي يبدأ بالسلام ....

بس كان بيكون أفضل لو حطيت الموضوع في المنتدى الاسلامي .....

[rone_2005]

مشكور اختي roze flower على انك ذكرتيني بالحديث

[rone_2005]

مشكوره اختي roze flower على انك ذكرتيني بالحديث

[NOBUNAGA]

مشكور اخوي حسام على حلك وراح احاول
اما بالنسبه لأخوي كوبامارو راح اجاوب على اسئلتك
انا تهاوشت معاه ودقيته بقصد بس الولد اصابته بسيطه (يعني بس يعرج ) ومعنى دقيته دعسته وارجو انك تجاوب لي بسرعه

يا ساتر

يا اخي الشيطان شاطر بهذي المواقف

اهم شي تثبت لهم انك ندمت .... لأن يا اخي حركتك ماهي بسيطه


اذا مانفع معهم الأعتذار حاول تنقطع عنهم فترة

(يعني بالكثير شهرين ) بحيث تهدى اعصابهم وبنفس الوقت ماينسونك


واكرر واقولك اثبت انك ندمت

وبالتوفيق حبيبي

[كوبامارو]

ردك على الأسئله ساعدني كثير و شوف ما أدري إذا هاذا الحل ينفع ولا لا

المهم : أنت تقول الوالد و الوالده زعلو منك

أهم شي لا تخليهم يزعلون منك يعني ... روح للوالده في وقت يكون أبوك مو متواجد و تسامح منها و حب راسها و قلها إنها لحظة غضب و أنا آسف ما كان قصدي و أنا متندم من كل قلبي على اللي صار و من ذا الكلام .. الوالده عادة قلبها حنين و ما ترضى تشوف ولدها متضايق ومهموم

و إذا كان أبوك لا يزال زعلان منك قلها تحكي معاه و تقوله إنك ندمان و مستحي تشوف وجهه ..

يعني حاول تراضيهم .. و أي حل يقترحون إنك تسويه عشان تنحل المشكله حاول إنك ما تعارضه و وافق على كل شروطهم


مختصر هاذا كله أهم شي أهلك لايزعلون منك لأنهم هم اللي بيطلعونك من الورطه ذي .. و إذا تحس إن طريقتي في إنك ترضيهم ما تنفع حاول تغيرها لأنك تعرف أهلك أكثر مني و تعرف الاسلوب المناسب معهم

بعد ما يرضون أهلك يبقى الولد .. و عاد عليك التقييم يعني مثلا هل السبب كان كبير لدرجة إنك تدقه بالسياره أو السبب بايخ و أنت تهورت لدرجة انك صدمته ..

و انا اعتقد انك تهورت و لو كان السبب كبير و الولد يستاهل كان ما كتبت المشكله في النت!!

الولد .. حاول تتسامح منه و اذا ما رضى اتركه فتره يهدى و ينسى السالفه و اذا نساها وما صار يجيب طاريها لا تذكره فيها واذا كنت تحس انه لازال يتكلم عنها تسامح منه ثانيه وثالثه .. لان الصراحه السبب موبسيط عشان يسامحك عليه بسهوله ..

و بعدين أكيد أعصابك تعبانه روح سافر كم يوم و ارتاح وانسى السالفه و تشوف شلون بترتاح ..

و لي رجعه على الموضوع..

[rone_2005]

مشكورين على الردود الحلوة
وان شاء الله بجرب الافكار الاخيره

[ملاك الامل]

السلام عليكم ورحمة الله وبركاته..

اخي الكريم ساعدك الله على مشكلتك..

لو كنت انا مكتنك ,ولا اريد فعلا ان اخسر صديق عمري

احاول قدر الاستطاعه الالتقاء به وان ابرر له ما فعلت ,, استسمح منه

ولكن ليس الى درجه اني اذل نفسي امامه

المهم احاول ذالك قبل فوات الاوان

ولا اترك المشكله تكبر مع الوقت

اقصد انني لا اترك الحل للزمن

فان طال الوقت كبرت المشكله في نظري



ولا تدري عندي حل ثاني

هو










روح برنامج افتح قلبك

هههههههههه


والسلام

[كوبامارو]

هذاني رجعت زي ما وعدتك و اللي كنت بقوله هو ..

إني أعرف واحد صارتله مشكله قريبه من مشكلتك بس كان الولد صاحب المشكله صغير بالعمر شوي ..
المهم إنه بعد المشكله صار انطوائي وما يتكلم مع أحد و طول الوقت في غرفته .. وبعدين أجبره أبوه إنه يسافر بره عشان يغير جو .. و بالفعل بعد ما سافر الولد و رجع كان شخص ثاني تحسنت نفسيته كثير ..
فأنت جرب سافرلك كم يوم أي مكان مو مهم وين المهم تغيير المكان و تشوف شلون قول كوبامارو ما قال ..

و أتمنى إن مشكلتك تنحل إن شاء الله و مع السلامه

[rone_2005]

مشكورين على المساعده والمشكله ان شاء الله حتنحل خلال اليومين هاذي بس ادعولي

[ملاك الامل]

قلوبنا معك

وبالتوفيق

تحياتي

ملاك الامل