زيلدا ـ ماجورا ماسك

[كوبامارو]

عندي سؤال في لعبة زيلدا ماجورا ماسك zelda majora mask

أنا لقيت كل الأقنعه ماعدا قناع واحد mask of truth

طبعا ما استسلمت ، رحت طلعت الحل من النت ، لكن يوم طبقت كل التعليمات ما قدرت آخذ القناع مدري ليش؟

الشرح المفصل : أول شي رحت لـ spider house ( بيت العناكب) و قتلت الثلاثين عنكبوت وبعدين يوم جيت أطلع شفت واحد عند الباب يتلفت يمين ويسار .. بعدين كلمته و قالي إنه يبي يشتري البيت مني وعطاني 100 ربيه ( علما بأنني أنهيت هذا المكان قبل كذا و أعطاني محفظة فلوس كبيره) وغير هذا الشخص ما لقيت و جلست أدور على الشخص اللي مفروض يعطيني القناع ولكن ما لقيته ( للأسف )

مختصر ذا الكلام كله : اللي يعرف كيف أجيب القناع يقولي ( ملاحظه : لا أحتاج حلول من مواقع كمبيوتر لأني جربت ولا نفع )

ـــــــــــــــــــــــــــــــــــــــــــــــــــــــــــــــــــــــــــــ
وشكرا..

[كوبامارو]

ههههههههههههه
كنت داري إنه محد بيرد على الموضوع عشان كذا ما كان ودي أحطه من البدايه

بس ما يخالف أصلا لقيت الحل بروحي و بدون ما أحد يساعدني و رح أحط الحل هنا عشان المساكين اللي يعلقون في نفس المكان ولا يعرفون وش يسوون و بعدين يكتبون موضوع و يلاقون 13 زائر للموضوع و 0 ردود و يجيهم إحباط نفسي و تقرح بالمعده

المهم الحل هو إنك تروح لـ swamp لكن ما أعرف اسم المنطقه بالضبط عند المكان اللي فيه رجال تعطيه صوره و يوديك رحله بالقارب في البحيره ..

المهم إذا رحتا هناك أعط الرجال صوره و خليه يخاذك رحله بالقارب و بعدين بيوقفك في مكان اللي هو قصر الملك

أو قريب من القصر أنت اترك القصر خلفك و خل البحيره أمامك و رح تلاقي في البحيره أوراق شجر من النوع اللي تقفز عليه الضفادع أنت حط القناع الخشبي deku scrub

و اقفز على الورق ورقه ورقه و آخر شي رح توصل لخلية نحل كبيره و بابها عليه شبكة عنكبوت تسد الباب احرق الشبكه و ادخل و بعدين خلص المهمه و تحصل على القناع

و إذا تحتاج أي مساعده في زيلدا سواء ماجورا ماسك أو أوكارينا أوف تايم أو ويند ويكر أنا في الخدمه لا تتردد