عندنا اسأله في Max Payne منو عنده الحل؟

[RichMan]

السلام عليكم


وصلت Chapter 8 وفي آخر المرحلة اعتقد يكون ماكس واقف في شارع ثلجي وفيه سيارتين لونهم ابيض مميزات عن باقي السيارات اللي مغطيها الثلج ... لكن مافي اي حركه هناك !!! ورحت لكل مكان مالقيت ابواب ولا شبابيك ... منو خلص المرحلة هذي يساعدنا بجتيازها؟


بالتوفيق للكل

[PCman]

انا خلصت اللعبة من زمان واي سؤال انا حاضر.
بس انت تتكلم عن اي Part ?
الاول او الثاني او الثالث ؟
وياريت تعطينا صوره للمكان اللي وصلتله (علشان نتذكر)

[RichMan]

السلام عليكم

شكرا للتجاوب وتقدسم المساعده

انا طال عمرك في
Part1 Chapter 8 Ragna Rock

و المرحلة هذي فيها خدعه مميزه شوي-اذا كنت استخدمت الخدع من قبل- واهي ان ماكس اذا صعد الى غرفة التحكم في المسرح وضغط على الاجهزه هناك تطلع العاب نارية على المسرح ... والمكان اللي فيه بشكل عام كأنه ديسكو .

اما بالنسبة للصور قولي شلون آخذ صورة وانا مستعد

بالتوفيق والله لا يحرمنا منكم

[PCman]

توني لعبة Chapter 8 كله وصلة 9 كنت ادور شي صعب بس للاسف مالقيت لو تحددلي الماكن اكثر

اما شلون تصور:
اضغط على زر Print Screen الموجود في الكيبورد بجانب F12 بعدين اذهب لإي برنامج رسم واضغط Paste ثم احفظها .

[RichMan]

السلام عليكم


هذي صور اخذتها من المرحلة ...





http://mypage.ayna.com/vbnet/max1.JPG
http://mypage.ayna.com/vbnet/max2.JPG

بالتوفيق

[PCman]

المكان اللي تتكلم عنه مو موجود
يعني موجود خارج السور! متقدر تطلع منه بس انت طلعت شلون !؟ (احتمال انك ناط من السطح .)

عندي لك كم سؤال علشان اشوف وين الخطأ.
1- هل رأيت مجموعه من العصابه معهم شنط فيها فلوس ؟
2- هل مشيت فسطح ؟
3- وين نهاية السطح ؟ (دخلت من شباك او قفزت من اعلى او خرجت من الباب)
4- هل رأيت هذه الصوره ؟

[RichMan]

السلام عليكم

انا دشيت عادي ورحت لكل مكان وواجهة افراد من العصابة .. بعدين دشيت عليهم اعتقد لابسين بدل وعندهم شنط فيها فلوس .

بعدين استمريت بالصعود الى السطح ومشيت فيه ... فجأه طاح ماكس من فوق ( زلق ) ولقيت نفسي داخل السور اللي وراه السيارات هذي نطيت السور وصرت بالمكان اللي فيه السيارات بالصور اللي عرضتها.

اما الصورة اللي انت وضعتها ما شفتها ... اعتقد انها ورى ستارة المسرح وانا كنت امام الستاره ولا رحت وراها....

افهم من كلامك ان المخرج او العمليات كلها تدور داخل البناية مو خارجها صح ؟.


بالتوفيق

[PCman]

صح داخل المبنه

والخطأ كله من (الزلقه) يعني اللعب مره ثانيه وتأكد انك ماتزلق ":"

[RichMan]

ولا يهمك يعني حتى السطح مالي شغل فيه ؟


بعدين شنو احلى لعبة طيران ؟ حربي والا غيره بس تكون حلوه وتشغل عليها الجويستيك فلايت

بالتوفيق

[RichMan]

السلام عليكم


الحمدلله خلصت المرحلة بس شلون تقول لاتروح فوق السطح !!!! انا رحت فوق السطح ودشيت بشباك صغير ومشيت على عمود ( طبعا و انت على العمود تشوف تحت شنات الفلوس اللي اول شي مريت عليهم ) ولما اعترض لي عمود ثاني مشيت معاه وطلعت من دريشه ثانيه للسطح من جهة ثانية بعدين ركبت على عمود غيرهم ومشيت شوية ونطيت على حافه بناية ومشيت معاها الى لقيت باب ودشيت منه ..>>> كملت عادي لحد مالقيت الطبول اللي انت حطيت صورتهم وخلصت المرحلة

بس Part II اول شي لما تروح بالدهلييييز الطويل وبعد ماتسمع زوجة ماكس ويتقفل الباب عليها بخشب وبعدين تسمع بنته تبجي ولما تروح لغرفتها تطيح في مكان مظلم !!!!! شلون تطلع منه ؟؟!!!؟

بالتوفيق للكل

[PCman]

السطح من ظمن المبنى وليس خارجه
اما عن Part II هذا نفس الحلم حوس حوس لما تطلع

[RichMan]

السلام عليكم


والله تعبنا هالحلم حست لما تعبت مالقيت باب ولا حتى شباك انحاش منها خلصت كل الاسلحة وانا ارمي بكل اتجاه

هذا كابوس مو حلم !!! منو يدش بنفس اللعبة ويروح لماكس يقعده من النوم


المخرج باب والا شباك والا طيحة ثانيه بعد ؟؟!؟؟؟

[thief]

اتبع صوت البنة التى تصيح وكل ما رتفع اصوط فعلم انك قريب من المخرج

مع تحيات thief

[RichMan]

مو الله يسلمك المشكله اهي اذا البنت قربت منها ودشيت غرفتها تطيح في مكان مظلم !!! على العموم المشكلة انحلت طوفت الChapter هذا ورحت للي عقبه

وانا واصل الحين Chapter 4 ودشيت في مطعم .... فجأة احترق المطعم باللي فيه لكن بس خلني اطلع من هالمكان وامسك اللي شب النار اولع فيه واطفيه بنعالي يكرم السامع


اذا في اي ملاحظات على هذا الChapter وخاصة بالمطعم لاتخلونه

بالتوفيق

[thief]

اسف والله يا خوك افتكرتك في الحلم الي بعد هذا الحلم

اما المطعم فيجب اتحرك بي سرع وعدم الوقوف لحض واحده

مع تحيات thief