صباح الخير جميعاً ومرحباً بكم
صار لي مدة ما كتبت......والله مب وايد بس كان هالأسبوع شوي ثقيل ومليان شغل واليوم آخر يوم لنا في الدوام قلت
Let me reward my self by writing something to me little adorablefriends
ندخل في موضوعي الخفيف اللطيف
___________________________________________________
Brith
من يومين كلمني خلودي( واحد أوف ماي بست فريندز) وتواعدنا نطلع مثل كل يوم لكن هالمرة الوعد كان عند محل أسماك الزينة
عاد أنا أموت في أسماك الزينه من يوم كنت صغير لكن الحوض اللي كان عندنا أنكسر وما قدرنا نشتري غيره لفشلنا في أقناع الوالدة في هالأمر
عاد يوم كبرت شريت لي واحد من سنه تقريباً و ربيت السمك وأستناست عليهم كم شهر وبعدين ماتوا، بعدين فكرت أروح أشتري غيرهم بس بعدين كنسلت لأني بصراحة شفت الموضوع من نظرة ثانيه ألا وهي:
1- سميجل صديق الحيوان يحب السمك
2- السمك يعيش في البحر أو النهر
3- سميجل يحصل على السمك من بائع الأسماك بعد أن يدفع له ما أوتي له من مال
4- سميجل يستانس على السمك (زي الأهبل) كم شهر
5- السمك يموت بعد كم شهر ويتقطع قلب سميجل
6- سميجل يخرج من حالة الأكتأب ويروح يشتري أسماك غيرها
من النظريات اللي فوق نستنتج التالي:
أولاً: صاحب محل الأسماك يستخرج السمك المسكين من بيئته علشان يحطه في أحواض ويبيعه
ثانياً: سميجل المسكين قاعد يساند هالتجارة الجائرة والنظام الظالم بشرائة للأسماك وما قاعد يحصل ألا على عوار القلب.
قانون سميجل الأول: قاطعوا شراء أسماك الزينة علشان يعيش السمك في بيته وأنتو ما تتعور قلوبكم والتاجر الخايس يبيع كيما أحسن له....HOW CLEVERRRRR
المهم نرجع لخلودي صديقي اللي ركبت معاه في السيارة وقعدت أعطيه محاظرة عن نضريتي وأنه لازم ما يساند هالنظام الجائر، عاد أنا مسكت الكيس اللي فية السمك ودار بننا هذا الحوار
أنا: شوف هالمساكين أنك بشرائك لهم قاعد تساعد الخايس أنه ياخذهم من بيئتهم ويبيعهم لك علشان يومتون
هو:
أنا : صج أيش فيك أنت يعني ما راح يعورك قلبك لو ماتوا؟
هو:
أنا: شكلك ما فيه منك فايدة......المهم قول لي كم سمكة شريت وحكمت عليها بالموت؟
هو : 4
أنا: قعدت أعد وحدة ثنتين ثلاث.....هاااااااااااه (شهقه)
هو: شفيك؟؟؟
المهم أنا فتحت حلجي دقيقة كاملة بدون كلام وبعدين
أنا:
هو: الله يشفيك، تبي تعلمني نضريه وما تعرف تعد لين الخمسة؟؟؟
أنا: تـرى وحدة منهم ربت الحين بين يديني
هو عاد قرب راسة عند الكيس وشاف المشهد التالي
وحليلها، ملاحظين النقطة السودة......هذي هي، عاد أنا حبيتها من أول نظرة لا وبعد سميتها
بلاكي
المهم ننتقل للمقطع الدرامي اللي يعور القلب واللي ذبحني....
وأنا قاعد أتمقلفي الحلوة السنيورة ?ان يغارون السمكات الثانيات ويبدئون بالهجوم عليها يبون ياكلونها...عاد أنا كفاية علي عوار قلب، قعدت أهز الكيس وأظربة وأقول لهم: كفاية كفاية ( تعلمتها من المضاهرات المصرية ضد شسمه هذيه مالهم)
مثل ما تشوفون في الصورة حكم الكبير على الصغير
عاد النهاية كانت دراميه حيث وكالعادة ينتصر الشر.
وأدخل في حالة الأحباط مرة ثانيه
والحلو خلودي:
النهاية
___________________________________________
