قصتي يوم كنت الفارس المغوار بالبر احم احم
--------------------------------------------------------------------------------
كان ياماكان في وقت من زمان منذ مبطي يعني الف وحطبه وخشبه وقوطي بيبسي فاضي
يوم كنا في البر وكان القطعه اللي كنا فيها مليانه عرب واجد المهم <<< متعوب على الجمله
بما ان توفرت فيني كل مواصفات الاقوياء <<<<< بالحيل قووووي تراك كيس رز 10 كيلو منت قادر عليه
كنت صقار <<< افلقني اذا شاف صقر على الطبيه حده في التلفزيون ويخب
وكنت اعطي دروس خصوصيه في الصقاره
المهم يعني كنت اقوى واحد في شارعنا وكانت سمعتي زينه وش الطاري على الشارع توك في البر يابو
اجتمعوا القبيله علشان يختارون فارس القبيله على وش ما ادري
طبعا ذاك الوقت مافيها انتخابات ولا فرعي ولا وجع راس كان الرجل المناسب في الرجل المناسب في الشخص الميرندا برتقال <<<<< عاطبها الرجال
وقع الاختيار علي علشان اصير الفارس المغوار واصير فارس القبيله
ياحظي بس شوف صورتي طالع كني راشد الماجد في اغنيته الجديده مو كذاااااا
طبعا وش على بالكم ماعرف اسوي حفله يوم اختاروني؟
واقوم اركض وامسك ذاك القعود من بين عيال عمه عقب ماسويت له حركه كرتيه واسدحه وانحره واعشي الربع
طبعا تعرفون البدو فسقه
المهم واجيب لهم دي جي علشان نفرفش <<<< عاد في ذاك اليوم اخبر ماخليت احد ماهديت له
ومن بكره الصبح وانا غابش ومودي بزارينا للكتاتيب يدرسون ومن وراي مريت الغدير
وطبعا انا الحين صرت اشهر واحد والكل يعرفني
وبدينا في شغل التحرش
كل بنات حارتنا يخزوني ويظهرون مفاتنهم لي
طبعا المفاتن سابقا هو السروال المخطط الابيض والاحمر مابعد طاحوا في السليكون وتنفيخ الخدود
وتعرفون الواحد اذا انشهر كثروا اعداءه فطلع كلام في القبيله اني راعي غزل ومااستحي الحق النساوين عند الخياط
طبعا كلها اشاعات
وصرت سوالف الضحى
بالامانه شوفوا شكلها وتعرفون انها اشاعه وبقوووووووووه بعد
هههههههه
المهم
اجتمعوا اخواني وعيال عمي علشان يوقفون الاشاعات
وفي واحد منهم جاب العيد وقال احسن شي نزوجه ياااااااااويل حالي مابي اعرس
وزوجوني نمشه بنت ابوها لأه مش ممكن مستحيل خالص مالص انتم شوفوها واحكمو
رضيت بالامر الواقع
لو ان حنا بالوقت الحالي كان زوجوني وحده مثل هذي
تهقون وش عزوة ابوها والا يمكن ماعندهم ابل
المهم غزى علينا مشعان الاحول اشهر هكر ابل في المنطقه وسرق ابل القبيله كلها
وقتها كنت زام ليل ومارجعت الا الصبح ويوم جيت الا الابل مجلدها والحاره يرثى لها الحليب قده بيخلص معاد بقى من المخزون الاستراتيجي الا سطل واحد
والبزارين مئيسين وماحولهم والي
يوم جيت الا كلن يطنب بالصياح تكفففففففففففففففى يا مضييييييييع يافارسنا المغوار
قلت لهم خلوها العصر انا بنام شوي وبريح
الا هددوني بسحب المميزات مني ومنها اشتراك انترنت مدى الحياه خصم 50% في مطعم برج الحمام بالاضافه الى خط ذهبي وبلايستايشن لعيالي
المهم واعتزي ذيك العزوه اللي مابعد سمعها احد
والله نسيتها والا كان قلتها لكم
والحقه لحق ولا جاء المغرب الا انا عند اهلي بالابل كلها
واستانسوا الربع كلهم
لا فيه وحده جاتني وقالت ولدي ذا ترى بسميه عليك
انا بغيت اكمل لكم السالفه ونسيت الباقي
المهم شلونكم عساكم بخير
هذي سالفتي يوم كنت من زمان
عشق بدوي لاشك ماهو بكذاب .. يوفي ولو جرحه تجدد
وتوتي توتي خلصت الحتوته
مشاركة: قصتي يوم كنت الفارس المغوار بالبر احم احم
