Smile...You Are in Saudi Arabia

[Da S.O.S]

صبااااااح ومسااااااااااء وعصر الخير يا جماعة الخير..
والسلام على من اتبع الهدى..
طبعا بما ان الصيفية فيها من الفائدة التي لا توصف.. من نوم ونوم ونوم ونت ونت ونت..
قلت خل نكتب للجماعة وش صار لي من كم يوم..

طالع اخوكم هو وأحمد الساعة تقريبا 6 المغرب بطريق الامير عبدالله ورايحين نشتري ديفيدي رايتر من جرير .. نبي نشوف نوروتو على التلفزيون الكبير ..
شريناه وكلش تمام.. ركبنا وجايعين والله.. رحنا قدام شوية الين ما وصلنا داجن.. مقفل صلاة
لقينا الطازج مفتوح الحق على الطازج واخذنا من الدرايف ثرو .. ووقفنا على جنب نبي ناكل..
قاعد ناكل واخر فلتيشن ومبسوطين على الديفيدي رايتر,..
الا ونشوف فجئة كامري وقف من ورانا ..
ونزل واحد منه وطق القزاز بكل احترام.. طبعا اشكالهم ما كانت تساعد اننا نتناقش معاهم اصلا..
جينا نبي نرجع ورا ولا الاخ لف من الحارة لفة كاملة وجا ووقف بوجهنا ..
وحاولنا نعط مافي.. هم ثلاثه كانو..
وخويي ما كان قدامه الا انه يرجع ريوس .. مافي غير هالطريقة..(علما اننا كنا بحارة ...!!!)
واحنا وراجعين ريوس والكامري ماشية بجهتنا.. الا BOOM!!! .. قام يصدمنا الاخ:7:
الييييييين ما انحشرنا بجدار ورانا.. واستسلمنا للأمر الواقع .. الا ونشوف اثنين نزلو من السيارة وواحد معاه سكينة !!
يدق بقوة يبي يفتح الباب والقزاز ما انفتح.. راح مسك حجر وجا من جهتي وانا قاعد جنب السواق.. ويرميه .. تجرحت يديني ووجهي شوي من القزاز.. غير صكه الحجر الي جت براسي وكتفي..
انا جا ببالي انه سالفه شذوذ جنسي ولا شئ من هالشكالة الي تصير اغلب هالمشاكل بسببها ..
تخيلو ايش طلعو يبغو بعد كل هذا ؟!!!


يبغو جواااااااااااااالااااااااااااااااااااتنا !!!!!!!!
والله شئ مقرف هالبلد.. جوالي كان كيوتيك.. والاخ الثاني اي ميت pda2k شارية قبل الاختبارات بالتمام ب 2700 ريال!!!

سرقة بوضح النهار.. والمشكلة هم كان عندهم عنصر المفاجئة والسكاكين الي معاهم .. ما خلتنا نتحرك ولا حتى ننزل من السيارة... تحجير تام !!
اشك انهم ماخذين دورة..
يالله.. ما اصابك لمن يكن ليخطئك وما اخطئك لمن يكن ليصيبك.. عوضنا عند ربنا ..


طولت عليكم بالهرج شوي.. بس وش اسوي والله لسه محرور والسالفة قاهرتني مرة..
طبعا هالكلام صار قبل 4 ايام تقريبا...
وسلملم..

[ODIN]

ياللله ! قسم باللله حرة بقلبي لما قريت موضوعك



وش ذا ؟!



عادي عادي عادي .. من أمن العقوبة اساء الأدب ...



مثلهم مثل غيرهم ... يسرقون آلاف وملايين من البيوت والقصور ولا احد عمره مسكهم ؟!



نظام امني تافه ووضيع لابعد حد .. ما عمرهم صادوا حرامي !!



اصبر اصبر ما شفت شي .. بنشوف اشياء اعظم واعظم


والله يعوضك بالي راح منك ...


جزاءهم عند الله ..




طيب ما حفظتوا رقم لوحة الكامري ؟



( سبحان مافي كامري الا ويسوقها طعس )

[Da S.O.S]

المشكلة يا بدر.. ما امدانا حتى نطالع ببعض انا وخويي..يعني السالفة صارت بثواني بالتمام.. الين ما وعينا على نفسنا اننا انسرقنا وان راسي مدمي والقزاز بكل مكان ..
وصدقني.. السيارة اكيد مسروقة..
وصدقني بعد.. لو جبنا لهم اسم الي سرقونا الثماني.. ما جابوهم ....!!!
فما حتفرق كثير ..

[ODIN]

ههههه صح وش راح تفرق


زين ما كلفت على عمرك وحفظت الرقم على الفاضي


وما تشوف ان شالله على الضربه الي جتك



المرة الثانيه الواحد لازم يمشي ومعاه سلاح كلاشنكوف وياله يأمن على نفسه

[Rory]

سرقة ومحترمة بعد
يعني ماشي شغل ولا هي هواية
والله شي يقهر الصراحة ..
يعني ينزل ويدق زجاج السيارة بعد ..
ما يخافون ربهم -__-'

معوض إن شاء الله ..
ويزاهم عن ربهم.

[Justine]

شوهت سياحة دولتنا يا عزيزي =_= << اي سياحة وسط كثبان الرمال و الوزغ و الضبان

بصراحة ما عندي خبرة في المناطق الوسطى و ما حواليها .. تعاللي في الحجاز على الاقل .. عندنا في مكة تأكد انك تستأجر حارس قبل ما تسافر سفرية بسيطة .. و إلا راح يتنظف بيتك مجانا .. لا تحاول تسحب قرشين من الة الصرف ( وقت الليل ) اللين تتاكد انه الشارع فاضي و انه ما في احد راح يباغتك ..

نظام امني تافه ووضيع لابعد حد .. ما عمرهم صادوا حرامي !!

من جد .. يتبطر علينا وقت التفتيش و وقت مخالفات السرعة

عموما يعطيك الله خيرا من اللي كان معاك ..

[snorlax]

سلامات ما تشوف شر زين على سرقة جوال .. الحمدلله انه الجرح خفيف .. بس الصراحة شي غريب أول مرة اسمع بناس زي كذا ! ... لكن ابتسم انت في السعودية !

( سبحان مافي كامري الا ويسوقها طعس )

لا تغلط -_-

[Musou]

لا.. و يدق القزاز بعد...

ربي سلمكم يا شيخ
و معوضين في الجوالات ان شاء الله

صدق... نظام امني تافه..
تصدق بالله ان واحد اعرفه كان في جدة يوم من الأيام
و شاف واحد -يحلف لي بالله- قاعد يروج حبوب في مواقف سوق الكورنيش
المهم شاف دورية واقفة في الشارع و راح يبي يبلغ...
اتعرفون مازا قال اخينا الشرطي؟؟

"والله انا مرور بس مالي دعوة... ايش اسوي انا؟"

ايش تسوي؟؟؟!؟؟!! :vereymad:

( سبحان مافي كامري الا ويسوقها طعس )

اي والله
و الدداسن الغمارة بعد...

[Master ArNab]

لا حول ولا قوة إلا بالله !!

سلامات سلامات !! .. ما تشوف شر ..

ويبي يجي يومهم .. what goes around , comes around


بعد هالكلام الواحد صار يخاف على روحه وأهله .. but now i will go to plan B


المشكله . سيارتي كامري ._. .. الله يستر بس


والله قهر ! .. طيب وش أشكالهم .. تقدر توصفهم لنا أو ترسمهم لنا ..

والله يعوضكم خير

-

حطني بغرفه مع هذولا الـ thugs وأنا أوريك فيهم .. sharpen ones teeth

[asf4ever]

سلامات أخوي وما تشوف شر إن شاء الله
بس صدق والله شوهت السياحة عندكم
سوالف السرقة موجودة في كل بلاد بس شكلها زايدة عندكم حبتين
بس والله تحس بقهر هب طبيعي لما تنسرق
الله يعوضلك ويجازيهم إن شاء الله..
بعدين تعلم من هالمرة ولا توقف بحاراتP:

[smigle]

ويع

من صجك أنت.....الحمد لله على سلامتك عموماً وما تشوف شر.

أنا سمعت أن الأمان عندكم مب لين هناك بس مب لهالدرجة

تدري عاد أنا قاعد أقرا الموضوع وأقول في بالي (الحين بيقول أنه حلم) بس

وهالأغبيا مسويين كل هالدراما بس علشان جوال؟؟؟


عموماً ما تشوف شر مرة ثانيه

[snorlax]

زين ما اخذوا الديفيدي رايتر !

[Trapped Inside]

-________- ..

انا نفسك .. فكرت اول شي انهم يبون يتحرشون جنسياً .. لوووووول وقلت يمكن انهم مشبهين عليكم بأخوياهم ..

ولله قمطتني .. انا واخوياي دايم نسوي هالحركه .. نطلب درايف ثرو ونوقف بحارة وناكل ..

نبي نشوف نوروتو على التلفزيون الكبير

صح علييييييك ..

اي ميت pda2k شارية قبل الاختبارات بالتمام ب 2700 ريال!!!

يحمد ربه >.> .. انا شاريه اول ما نزل بـ4 -_-" ..

( سبحان مافي كامري الا ويسوقها طعس )

لوووووووول الظاهر ان ما عمرك جربت تفحط عليها ..

والمطعسه عندكم الكامري شي خيالي .. انا مره كنت طالع معهم .. اذا مرينا ببي ام ولا سياره حلوه وفخمه .. اقوله شف السيارات .. يقول ابك وين الكامري بس -____- " .. وان شاف وحده يخخخق ..

سلامات صلوح -__- .. وخيرها بغيرها ..

بالعكس كان جبت رقم اللوحه ازين .. يعني احتياط .. انا اعرف واحد من اخوياي مره لاحقوه مطعسه .. بس هذي اللمره للتحرش .. دق على اخوياه ولعنوهم .. >>>> هعععع شغل Gangstaz XD ..

[Angel whisper]

lol @ snorlax XD XD

المهم ..

الحمدلله على سلامتكم والله ..
فعلا على هالدراما كلها توقعت انك تقول انها نصبه او حلم ..
بس ان هالشي حقيقي؟
حسبي الله عليهم .. يعني تيرحون اوادم وشوي وبتذبحونهم حسب تسرقون؟
لكن جزاهم عند الله ..
الحمدلله على سلامتكم شباب وما تشوفون شر والله

[Trapped Inside]

عاد تصدق اني اعرف واحد كذا -____- ..

حياته كلها سرقات .. بس يسرقون سيارات وتدري شلون ؟ ..

دايم الرجال الكبار اذا نزل محل بقاله او شي ينزل ويخلي السياره مفتوحه .. يجونك هذول وياخذونها بذا الوقت -_- .. يفحطون فيها يوم يومين ويرجعونها ..

بس بيني وبينك ياهو يعرف يفحط ذا الولد .. اذا شافوا بنت على نفس الشارع .. يسحب جلنط ويخلي وجهية السياره مواجه لباب البنت ويقعد يكبس .. لوووووووووووول xD ..

وياما لاحقتهم دوريات .. وكالعاده عندهم قاعده " دوريه = حاره " .. ومثل ما قلت ماشاءلله .. الي يسوق طااااااره -_- .. كم مره راح القسم ..


عالعموم سلامات مره ثانيه -_- ..