السلام عليكم مرة أخرى ... للي جاي متأخر هذا الموضوع عبارة عن تكملة الموضوع السابق .. احم بعد الجمهور والصدى الاعلامي اللي احرزه الموضوع السابق قررت اكتب بقية الاحداث والمواقف في موضوع جديد ببساطة لان الموضوع هذاك سار زحمة ...
محدثكم من Nashville /TN مرة أخرى ... يزودكم بآخر الأخبار و المغامرات ...
صورة من الجامعة لطلاب يدرسون !
احم احم ... لاني حاس اني جبت العيد في اختبار اليوم بطلع حرتي .. سوف أكتب و أكتب حتى تتعب أصابعي وتكرهني الكيبورد !
دلاغات
جوارب ... شراريب ... socks ..اختار الكلمة اللي تعجبك لكن ببساطة هنا في الجامعة كل شي تسويه لازم تعتمد على نفسك .. من تجهيز السرير الى الحساب البنكي .. اعيد واكرر مافي ماما ولا بابا ولا اخويه الكبير ... يعني انت بنفسك تنظف غرفتك وتغسل صحونك و تكنس وتغسل ملابسك(الزوج المثالي.. ناقص أرضع بس
سعودي غريب (2) مرة أخرى !
شخصيتكم المفضلة ! he is back again !
احم هذي المرة لازم تشوفوا صورته ... طبعا هذي الصورة في مركز تعليم اللغات يعني كل الطلاب أجانب
الحمدلله قعدت فيه شهر وطلعت ...
هذي الصورة .. cough "I Wonder what he is looking at " cough
رمضان
أحلى شهر عندي .. لكن اعذروني مو لمن يكون المغرب الساعة 8 ! ... المشكلة انه الشمس ما تغيب بسرعة وعندنا يكون شتاء يعني برد .. جوع غير طبيعي .. تكون في الكلاس ودك يخلص .. اصوات بطنك ما تقصر ونظرات الناس اللي حواليك ! ... بس انشالله كله بأجره ... اللي نسويه اننا كل يوم نتجمع في شقة واحد مختلف .. بعضهم يعرف يطبخ .. انا ما اعرف .. اسهل شي انك تطلبلهم من مطعم ! ... طبعا الجو مو مثل ما تكون بين اهلك وبلدك وتنتظر الأذان بشوق جااااااامح (من زمان عن صوت الاذان صراحة) ! ... نعرف الوقت عن طريق رزمانه جبناها من المسجد ! .. وبعدها نروح ندرس ونرجع مرة ثانية وقت السحور وطبعا لازم البلايستيشن يكون شغال !
الرجوع الأول
شعور غريب والله ... أطول مدة قعدتها بعيد عن البيت ! ... 6 شهور .. نص سنة وأول رجوع لي كان في الـChristmas
الرحلة حسيتها طويلة مرة من كثر الشوق ! ... رجعت واشوف ابوي وامي واخواني مرصوصين قدامي رص .. تركت الشنطة طبعا ورحت اسلم عليهم .. كانت لحظة لا تنسى ... غير عن كذا اصدقائك يزهقونك بالاسئلة وانت مالك نفس تعيد الشريط لكل واحد .. اتذكر اني طلعت حرتي ما كنت آكل من مطاعم فاست فود كثير .. كلهم على الرز والدجاج والكبسات ... أكل صححححححححح !
لحظة الوصول
نسيت مين سألني ايش كان شعوري وقت وصولي في الموضوع السابق لكن مو مشكلة .. المهم كان شعوري ممزوج بالخوف والسعادة فنفس الوقت .. سعيد اني بالجامعة وخايف لاني ما اعرف ايش اللي راح أقابله قدامي ... الفضل يعود للطلاب العرب اللي قبلنا مهدولنا الطريق ... مساعدة ما يقصرون .. ويقولولك الكلاسات الحلوة والصعبة !
وطبعا منهم نعرف المنطقة والمطاعم ( اهم شي بطني لا تمزح معاها ) .. سمعت قصص من القدامى في الجامعة انه في البداية كان في 15 سعودي و 8 امارتيين .. الحين العدد تقلص الى 3 سعوديين و 6 اماراتيين وواحد كويتي .. وفي نهاية هذي السنة راح اكون انا السعودي الوحيد مع 4 اماراتيين ! .. وطبعا مهمتنا اننا نهيئ الطريق للجدد الواصلين.. الله يعيننا .. وهذي صورة خريجي السنة اللي راحت .. كانت بمطعم ناسي اسمه ...
صورة لخريجي هذي السنة الفين وخمسة ! .. 3 سنين وبكون معاهم باذن الله !
لا للغش
ما راح اكذب واقول اني ما غشيت ابدا في اختبارات الثانوية للأسف .. لكن على طاري الغش في أول يوم من كل سنة هناك حفل اسمه Honor Code Ceremony ببساطة يتجمعوا كل طلاب الجامعة الجدد في صالة كبيرة ما ادري كم ألف يكون موجود هناك ... واللي يسير انه طالب يردد شعار معين ومعناه اننا نحلف اننا ما راح نغش ابدا وبعدين في لوح كبير كل طالب يوقع فيه ... وايضا في الاختبارات لمن تجي تكتب اسمك في فراغ جمبه لازم توقع فيه عشان يتأكدوا انك ما غشيت ... والله الصراحة بعد الحفل ضاق صدري .. أشوف الحال عندهم من ناحية الأمانة احسن مننا واحنا عرب مسلمين .. ما اعرف السبب ... اذا تعرفوا يا ليت تقولولي !
My first Date
هههههههههههههه لا يروح بالكم بعيد خلوني أكمل.. ويقولي
You got some magic working on !
انا : what do u mean ؟
I saw you with that chick last night
انا: ya man if u give me an A I’ll give you some helpful tips !
هههههههه طبعا انا ما اعرف كيف شافني وما ادري ايش مسهره بس هي از أكول بروفسيور !
Double the price
من أحلى طلعاتنا اننا نروح المطاعم .. عرب نحب ناكل .. لكن في واحد من الشباب الله يستر عليه كنا لمن ندفع الفاتورة بالكريديت كارد .. يحط ال Tip .. نفس مبلغ الوجبة ! ... وانا كنت مستغرب ليش اللي يشتغلون في المحل يتسابقون عشان يجون طاولتنا ! ... بس بعدها علمناه وسار يضحك على نفسه كل ما نروح مطعم ..
High Speed Internet
من احلى الاشياء بالجامعة الانترنت الصاروخ .. من كثر ما هو سريع حسيته تلفزيون ! ... سريع لصورة ما تتخيل بس اللي يقهر فيه انك اذا نزلت اكثر من 100 ميجا في اليوم يسير كانه دي اس ال من ناحية السرعة ولكن يرجع سريع بعد الساعة 12 الليل ! اتتركم مع هذي الصورة اللي للحين مو مصدق لمن شفت سرعة الداونلوود قعدت افرك عيوني لين ما عقلي قرر يصدق !
لاحظ الـ Download Rate
House of Kabob
أحلى شي لمن تسمع أمريكي يتكلم عن الأكل العربي .. لمن تسمعه يلفظ كلمة Shawerma - homos - flafel !
تموت من الضحك .. ما راح تفهم قصدي الا لمن تسمعها .. المهم بيت الكباب هذا احسن مطعم في منطقتنا ونروحله اسبوعيا كل يوم جمعة لدرجة اننا سرنا نعرف اسماء اللي يشتغلون في المحل .. ديكور المكان مو حلو لكن الأكل مقبول ... بعيد عن هذا الموضوع في مرة كنت بالسعودية في مطعم بابا نواس في واحد امريكي رجع الشاورما وكان شكله زعلان ويقول ..
More shatta please !
انا ما استوعبت في البداية بس لمن فهمت قصدة "كثر شطة" تسدحت ضحك !
what we do for fun
بجانب الطلعات الى الاسواق والموفيز ! .. للاسف مدينتنا لا تطل على بحر لكن واحد من الشباب اكتشف بحيرة تبعد 20 دقيقة بالسيارة ونقدر نستأجر قارب وجتسكي ونركب البنانا عليهم ... good times !
نروح تقريبا مرة كل شهرين ... اقل شي نسويه هنا اننا نلعب كورة واكرر البلايستشن دائما شغال .. مجرد كوننا مع بعض يكفي ...
Do yu want marihuana؟
هذي السالفة ما حصلتلي أنا بس واحد من الشباب يقول انه في مرة واحد مر عليه في الشارع وقاله اذا يبغا ماريوانا ولا لا .. وصديقنا هذا سوى الشي الصح وتظاهر انه ما سمع وكمل طريقه ... انا عادة اقابل شحاتين لكن مو بايعيين مخدرات .. يجيك واحد مثلا يقولك:
you got change sir
can you throw a dime
ومن هذي الاسئلة .. احسن شي تسويه انك تتظاهر انك ما تسمع لان هذول الناس عادة يكونوا homeless!
بلا مأوى ..
هذا كل اللي اقدر افكر فيه حاليا .. أرجوا انه الموضوع يكون نال اعجابكم .. ولا تبخلوا علينا باي ملاحظات ... تعليق .. موقف .. قصة ... المشاركة مفتوحة للجميع !
