السلام عليكم جميعاً
وأنا قاعد أكتب العنوان بتاع موضوعي تذكرت جمله ظريفه قالها سلوم العماني اللي في قطعة ثلطعش (ثلتعش على قولة الكواوته)، يوم سألوه عن طموحة إذا كبر
قال : أنا أبي أفتح محل حلوى مسقطيه، في كل دوله خلی?یه، وأبيع حلوا وا?د وا?د هئ هئ هئ
على العموم، موضوعي اليوم عبارة عن موضوع رأيسي وخبرين قلت ألزقهم معاه (صغار ما يحتاجون ثريد لحالهم)
________________________________
موضوعنا الأول
Gifts Gifts Gifts
ومن منا ما يحبها أو يحلم فيها...لكن السؤال هو ما هي نوعية الهديه اللي صج تحبها، أو أيش هو أكثر شي تحبه في الهديه، وما هو الشي اللي يخلي هديه تتميز عن غيرها في نظرك؟؟؟
خلوني أقول لكم عن نظرتي الشخصيه للهديه.
أنا في نظري الهديه أولاً هي عباره عن طريقه لأبداء المحبه أو الأعجاب أو التقدير للشخص أو الطرف الثاني، وحتى تقدير من منظمه سواء كانت تعليميه، ثقافيه إلخ لشخص تقديراً على مجهوده وتميزه.
لكن صراحةً الهدايا اللي فعلاً حبيتها وبينت لي مدى حب وفهم أصدقائي لي هي هدايا جداً جداً عاديه، يمكن البعض يشوفها سخيفة، لكن الحلو فيها أنها تبين لي مدى فهم صديقي لي ومعرفته بأشياء ممكن تكون عاديه لكن هو يدري أنها راح تعجبني
ولأحلى من هذا كله أنها كانت تجي فجأة و من غير مناسبات
هذا الشي يخليني أفكر: أشلون فلان فكر فيني لما شاف هالشي وعرف أني بحبه؟
أعطيكم أمثله (كالعادة مصوره) لهدايا وايد أعزها
_____________________________
Her kitty kitty kitty
هذي قطوه يابها لي my best friend عبدالله، يومها كنت في غرفة مشروع التخرج في الجامعة وكان الوقت متأخر في الليل، ذيك الأيام كنت ما أشوفهم وايد بسبب أنشغالي في المشروع، ذاك اليوم كلمني وقال لي بيجيب لي عشى وبيقعد معاي 10 دقايق. ولين اليوم هي معاي وقاعدة في سيارتي مثل ما تشوفون (عاد أنا ما أموت ألا على هالأظافر)
___________________________________
Tum Kai Sa Hai Pakistani Bai
ما أدري ليش بس من صغري وأنا أموت في لبس البتان (الباكستانيين) ولا عاد البنجابي مال حريمهم (يذبححححححني) المهم أنا دايماً أقول لربعي أني أحب البنجابي بس عمري ما فكرت أشتريه، مرة كنا طالعين رحلة وطلع لي رفيجي خالد وقل لي (أمسك يا ولد البتان، هاك ثيابك) عاد أنا طرت من الفرحة لأني كلش ما كنت متوقعها..
بس شرايكم مب راكب علي......
_________________________________
Chibi Maroko
هذي الهديه وصلتي من اليابان بالبريد مع كيس حلاوه على شكل ويه ماروكو
وايد حبيتها، طرشتها لي صديقتي اليابانيه "شيوري تناكا" (البنت اللس واقفه جنبي في الصوره)
هذولا هم شلة اليابانيات كانو معاي في أيران لما رحت أدرس في الصيف هناك بعد ما تخرجت من الجامعة، المهم كنت دايماً أتكلم معاهم عن الرسوم المتحركة اليابانيه و مرة جبت لهم سيرة ماروكو وماتو من الضحك. وبعدها بسنه طرشتلي أياها على شكل ميداليه.
________________________________
Magnetized Dogs
ميداليه ثانيه بس هذي عباره عن ميداليتين معلقين فيها كلبين وفي فم كل واحد مغناطيس
How cute جاتني هالهديه من تانيا مارينكوفيتش صديقه صربيه (أيضاً من شلة الدراسه في أيران)
____________________________
Fountain of Friendship
نافورة ضغيرة تشتغل بالبطارية (من عبدالله) من غير مناسبة
______________________
Wake up Lazy Friend
ساعة منبه من صديقي راشد (واحد هادي وكلاسيكي) وذوقه هادي مثل ما أنتو شايفين..
____________________________
friendship plate
هدية وداع تذكارية من (تينا درخشان) كانت من ضمن المنضمين في دورة اللغه في الجامعة الأيرانية
____________________
هذي كانت الهدايا البسيطة اللي جاتني من أصدقائي
الحين ننتقل للهدايا اللي أنا أشتريتها لنفسي
هذي المزهريه أمووووووووووون عليها أشتريتها من أصفهان (هديه مني لنفسي بعد ما خلصت الدورة التدريبية) بس لين الحين ما أمسا صاحب المحل، :vereymad: رفع ضغطي وأنا أحالول أنزل السعر وهو مب راضي. أول مرة أنهزم في المكاسر (ولو أنه هوايتي المفضله) بس لما شفت هالمزهريه I wasent able to resist the temptation
_____________________________________
Do Ra Me Fa So LA Si
صندوق موسيقي من فرنسا......عليه لحن حلووووووووو
عموماً هذا كان موضوعي الأول ننتقل للي بعدة
______________________________________________________________
Which one of you is the noisy one???
من يومين أنا وأصدقائي نتمشى في الكارفور ومرينا على رف الساعات هذا
واحده من هالساعات كانت ترن.....وقفنا 3 دقايق ندورها والناس قاعده تطالع فينا.......موقف غبي.
______________________________________________________
الموضوع الأخير
OoPs I did it again
في مثل عندنا يقول (بو طبيع ما يوز عن طبعه)
وهذا طبعي أيش أسوي؟؟؟
Here comes another Victim
,اعتذر لكم جميعاً على الأطالة وأسمحو لي إذا كان فيه خطأ أملائي
المشاركة الأصلية كتبت بواسطة Rory
.
.