-
المقابلة الشخصية في الطب ..... افيد و استفيد
ابغا اي واحد عنده معلومة عن المقابلة الشخصية في الطب ( الملك فيصل خاصة )
يتكلم عنها و ايش التجهيزات الازمة قبل المقابلة ........
-
مشاركة: المقابلة الشخصية في الطب ..... افيد و استفيد
اهلا وسهلا بك
انا لما سويت مقابله و الحمد لله تم قبولي كانت اسئله عاديه يعني يشوف هل انت حاب انك تدخل طب والا ما عندك رغبه ويشوف خلوك من الاعاقات و سلامة النطق و فيها يشوف كيف تفكر ويسالك عن تمكنك من اللغة الانجليزيه وثقتك في نفسك
طبعا سالني سؤال بالانجليزي تحدث عن ديرتك الاصليه وعموما ما طولت يمكن مو اكثر من 10 دقايق .
نصيحه..
اهم شي اختبار الكليات الصحيه يوم الخميس ذاكر الاحياء او على لااقل اقراها علشان تاخذ فكره لان اسئلتهم اغلبها سهل وحرام ما تحلها مثلا اجهزة الجسم
.......................................................
واي اسئله او استفسار رح نكون متواجدين في مبنى عمادة القبول و التسجيل للمساعده من يوم الثلاثاء الى الاربعاء
...يعني اسال و لا يهمك
-
-
مشاركة: المقابلة الشخصية في الطب ..... افيد و استفيد
مشكورين يا شباب على المعلومات القيمة ..........
و جزاكم الله خير
-
مشاركة: المقابلة الشخصية في الطب ..... افيد و استفيد
السلام عليكم ..
الله يجزاك أخوي اكس نيون ..ما قصرت بالاجابة والتوضيح ..
وبصراحة ما قصر النادي الثقافي ..شغلهم مرتب ومنظم .. 
-
مشاركة: المقابلة الشخصية في الطب ..... افيد و استفيد
بالنسبة لي ... خذيت مقابلة في جامعة وايل كورنيل في قطر ...
وفي الجامعات الأمريكية يعتبرون المقابلة أهم جزء في القبول!
المقابلة عبارة عن ثلاث مقابلات كل مقابلة توصل 40 دقيقة .. تكلم فيها دكتور أمريكي ( ما بتفيدك العربية لأنه ما يفهمها)
بيبدأ يسألك الدكتور عن أسئلة شخصية وعن أسباب دخولك هذا المجال (أتوقع عشان يشيل عنك التوتر )
وبعدين يسأل عن أسئلة علمية
طبعاً على حسب تخصص الدكتور يقعد يسألك أسئلة .. كالأحياء أو الفيزياء أو الكيمياء ( لازم تكون عارف المصطلحات بالإنجليزي )
من الأسئلة إلي جات هي " ما تأثير حمض الأميني جلوتامين لمن يكون في الدم ، علماً أن الpH للدم 7.4 ، ولازم توضح بالرسم ؟" بس قول أنه الهيدروجين مال حمض الكربوكسل ينفصل ويتحد مع الNH2 ويحول الحمض الأميني إلى موجب والكربوكسل إلى سالب ... ومن هنا يتحول إلى حمض مما يساعد على تقليل الpH ويرجعه إلى 7
أكره سؤال جاني " إذا عندك مريض وأنت وزملائك تناقشتوا وأكتشفتوا أنه مصاب بالسرطان وما بيعيش إلا 3 أشهر ، أشلون بتقول للمريض هذا الشي ؟" >.<'
وبعد ما تخلص من المقابلات الثلاث ... يعطونك جوله حول المبنى على يد طالب من الجامعة .. وبعدها الغداء ... أنا توقعت لمن وصلت هذي المرحلة أنه المقابلات خلصوا ... لكن لا .. طلع أنه وأنت تاكل يقعد جمبك دكتور ويقعد يسألك ( أسأله عامة وليست علمية )
عموماً ... أحسن شيء تسويه قبل المقابلة بيوم أنك تراجع الأحياء على السريع .. ونام مبكر عشان تكون مركز .. ولاتنسى تستعين بالله
أرجو أن أكون قد أفدتك ولو بشيء
-
مشاركة: المقابلة الشخصية في الطب ..... افيد و استفيد
الحمد لله اليوم سجلنا ......... و النادي الطلابي من جد تنظيم واخلاق من غيرهم اظن التسجيل صار كارثة
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
عضو جديد
....
