Mr.بدوي و Mr.حضري
في احد ايام الاحد المغيمة كنت جالس في واحدة من ذيك القهاوي اعسل فراولة و بينما انا آخذ نفس عميقا و بغت تطلع روحي من خشمي يوم اني شفت جوالي طلعت عليه كلمة (جاك الموت يا تارك الصلاة)
و بينما انا اكحكح من الدخان اللي راح لعيوني بدل ما يروح رئتي رديت على الجوال
وقلت : سم يبه
فقال لي ابوي صاحب النبرة الجميلة : سم الله بدنك ... وينك حتى الحين ؟
انا : في المكتبة قاعد آخذ كتب مهمة في تخصصي
ابوي : بطل كذب ... انا في الجمس الليقدام القهوة يالداشر
انا : صدق يبه ..... ؟
ابوي حسابك عندي بعدين بس الحين خذ سيارتك الجربانة والحقني
انا : سم ... و فجاة صكر ابوي بوجهي .... لا و الله .. صدق متضايق .. عادة يعطيني كلمتين قبل كذا
المهم وانا على الطريق قعدت افكر ... وش ممكن يبي ابوي من واحد يعتمد عليه مثلي ؟ (رزت الفيس من طبايع التيس) ولما وصلت للبيت لقيت ابوي عند الباب .. طفيت السيارة و نزلت وقلت لابوي : وش السالفة ؟
فقال لي : ابيك تروح تخلص لي معاملات الارض هذي ..
انا: بس انت تعرف ..
ابوي : انك رخمة بهالسواف .. ادري عشان كذا بارسل معك واحد .. ارجع للقهوة و بتلقاه
انا : طيب وش اسمه ؟
ابوي : اسمه رمزان
انا : طيب تامر شي؟
ابوي : لا
انا : طيب ابو داحم ودي تعطيني كم قرش
ابوي : كم يعني ؟
انا اللي يطلع من خاطرك طيب
اعطاني ابوي ٢٠٠ ريال ورحت
و لما وصلت القهوة مرة ثانية قعدت انتظر و كل دقيقة اطلب شيء الشاهي و القهوة صارت تجي حتى بدون ما اطلبها .. عاد انا مليت و زهقت فلما جا الهندي سالته : تعرف واحداسمه رمزان هنا؟
فاشر لي الهندي على واحد فلبيني منتف شكله يكسر الخاطر و من نحفه شكله هو و عمود النور سوى ..
انا عاد رحت و سالته .. انت رمزان ؟
فقال لي وهو نافخ صدره : ايه انتا وش يبي ؟
انا : انا من طرف ابو داحم و انا ولده الكبير داحم
رمزان : يا هلا و ياغلا...جيب القهوة و المتازيز يا ولد
انا عاد كبر راسي .. على بالي اول انهم بخلا لكن و الله الرجال ما قصر..جاب كل شيء و على حسابه بعد
انا بس قلت له عن المعاملة و الارض فقام وطق صدر وقال :ولا يهمك انا موجود... انتا الهقني في سيارت انتا الجربان هزا وانا خلص كلو شغل
وطلع رمزان صدق له هيبة .. المعاملة خلصت بنص اسبوع ولما خلصنا المعاملة رحنا نشوف الارض
اللي قال رمزان انها بالشمال الاونلقى بها بدو ساكنين و ماخذين راحتهم .. رحت انا عند البدو عشان اطلعهم
انا : هيي لو سمحت انت .. هذي ملكيات خاصة
البدوي التفت علي و الله لو تشوفون وجهه .. عيون قطو عدواني .. شنبات يوقف عليها الصقر .. شعر تقل عش عصفور المهم التفت علي و قال لي
Mr.بدوي : ايه .. عاوز ايه ؟
انا ما قدرت اتكلم و بدون ما احس نط رمزان و قال: انتا زف وجه من هنا
Mr.بدوي : و بامر مين ؟
انا : ب .. ب ب ب .. امر صاحب الارض طال عمرك
Mr.بدوي : و الله انا مش حخرج من هنا .. الا بامر الحكومه
رمزان : انتا انقلع من هنا يا حمار .. وراح رمزان يضارب .. البدوي اخذ موقف رمزان على انه موقفي بعد فقام و حاسنا الاثنين و طردنا من الارض
رمزان : انا في فكرة
انا: عطنا
رمزان : احنا في ناخز( ٦ فلبيني ) و ناخز رشاش و نطلع هزا الدب (فاهم المهايطة غلط)
انا: وييييين .. احنا ما نبي نقتله .. اصلا ما بنقدر نقتله حتى لو حاولنا
رمزان: اجل ايش سوي ؟
انا : نتصل على الشرطة
رمزان : لا لا لا لا .. انا مافيه اقامة
انا : والحل؟
رمزان : احنا ناخز غنمة هق هزا ارهابي و قول لازم طلع و الا يادين بدل غنم يجي مفطح
انا : و الله فكرة .. نتقابل الساعة ١ الليل
رمزان : اوكي
و في نص العملية
انا : رمزان .. اشوف الغـنم
رمزان : و هزا بدوي وين ؟
انا :مايهم الحين .. لكن شل يدك من فوق قفاي
رمزان : انتا فك انا فك
انا : بس انا ما مسكتك
و من بين الظلام و اللي كنا محسبينه عمود من عماميد الخيمة طلع
Mr.بدوي : بتسرئوا البهم يا بهم طب و الله لتنيلوا بستين نيله
وكان نتيجة الضرب اللي اكلناه اني خسرت الشعور بيالجلد في منطقة الذراع و ان رمزان دخل العناية المركزة .. و اول ما صحيت من الغيبوبة لقيت ان ابوي ضربني كف طير لي ضرسين و ناب
وقال لي : الحين وش اللي موديك ارض بالشمال و ارضنا بالجنوب ؟
و آخر شيء اتذكره هو اني كنت اضرب رمزان بغرفة العمليات
الفوائد
١- الشيشة مثل المالبورو على بالك انها مرجلة لكن و الله ما تقدر تضرب زي الناس لو شيشت
٢-لا تكذب على ابوك قسم بالله تروح فيها
٣-البدو ناس طيبين و كرما لكن احذر منهم لما يعصبون
٤- لا تخلي فلبيني يقرا الخريطة الالو ما عرفت تقراها
٥- القصة كلها تاليف في تاليف
٦-التدخين و الشيشة سبب رئيسي لسرطان القلب و الرئة
-----------------------------------------------------------------------
مع تحيات : بنوتة الإمارات
منقول
المشاركة الأصلية كتبت بواسطة بنوتة الإمارات
