مهزلة والله ...... :(

[aoks]

السلام عليكم

كيفكم ؟

لي مدة طووويلة ما كتبت موضوع ...يمكن اخر موضوع كتبته كان في العيد مو الماضي .. الي قبله ... ^^

المهم ..إلى ضعفاء القلب ... نصيحة عدم قراءة الموضوع
زي ما انتم عارفين اليوم اول يوم للتسجيل في الكليات الصحية ... ^.^ ...

جهزت اوراقي ومستنداتي امس ... على اساس اني اطلع من الساعة 9 ونص وعلى الجامعة ..

وفعلا طلعت ووصلت الجامعة ورحت عند الموظف الي يعطيني استمارة التسجيل .. ويقولي : عفوا اخوي .. رقمك مو مطابق ..
انا قعدت اناظر فيه .. واقول في نفسي : نكتة حلوة بس مو وقتها

وفعلا اشوف والقى الرقم الي على شهادة الثانوية العامة يختلف عن الرقم الي في الأحوال ... O_O انا شوي وبنجن وقلت راح علي اول يوم تسجيل >_<....

وقالي لازم تروح ادارة التعليم بالملز وترسل لوزارة المعارف ويصدقون لك الشهادة ..
انا صرت كذا

ما عندي وقت لكل هذا -_________- ابي اسجل بأول يوم

واتصل على الوالد ويقولي تعال واروح معك لإدارة التعليم ...

وارجع البيت ... واحنا جايين نطلع من البيت واحد ساد الباب حقنا ما قدرنا نطلع ... يعني سبحان الله ... ما عمره احد جا يسد علينا .. ما لقى يسد إلا الحين :/

.. وندور السواق ونلقاه ونقوله يلف شوي ... ونطلع ... وشوي واشوف السيارة ما فيها بنزين -______________-

وقت رهيب صراحة .. واروح اعبي بنزي(م)

ونروح ادارة التعليم .. في الملز وكل مكتب ينطلنا على الثاني لين سويت كل شي وصححت الرقم ...

بعدين قالوا لنا : يله روحوا المدرسة علشان يختمون لكم

واااااااااااااااااااوك انا وين والمدرسة ويييين ... المدرسة في قلايع وادرين

وقرب يأذن الظهر ... وابي اصور الشهادة المصححة بعد -_-

الحمد لله صورت الشهادة قبل الصلاة وطيرررررران على المدرسة ... قالوا لي المدير مو موجود .. تعال بكره

انا وش يصبرني لبكرررررررررررررررره >__________________<

جا واحد من الموظفين في المدرسة وقال : الختم عندي

واختم الشهادات .. وكان باقي اقل من نص ساعة على انهاء التسجيل ...

والحمد لله لحقت وسجلت ..

بس صراحة .. ما توقعت كل هذا يصير اليوم O.O

والحمد لله .. عدت على خير ^_^

سي يو

[Trapped Inside]

يا شين الجامعات يا شيخ >.> ..

[Xo0oX]

والله ياخوي فعلاً مهزلة..

اجل في احد يغلط في الأرقام حقت الأحوال ..

والحمد الله لحقت التسجيل ..

[Mada Mada Dane]

الله يخلي التقديم على النت

قدمت على البترول , والـ CPC وبعثات الحكومة لامــريكا ...

يمكن يوم السبت اروح لجامعه فيصل , رغم انه مالي نيه ادرس فيها بس احتياط

[aoks]

انا قدمت على البترول واختباري اخر يوم

والحين ابي اقدم على ارامكو بس موقعهم عليه ضغط مااقدر -_-

[Mada Mada Dane]

بدامك فاضي وجالس ماعندك شئ تشارك هنا

http://www.mohe.gov.sa/usa/Application.aspx

قدم على البعثات يمكن يتعثونا مع بعض لول

[aoks]

هع هع ..

ابوي قالي ... من قبل ماادخل ثالث ... رح الي تبي ... بس امريكا ما في

[Mada Mada Dane]

لوول انا ابوي يقولي , اذا ماقلبتك جامعه زينه هنا , نق الي جامعه الي تبيها برا =_=

بس جالس اسجل في كل شئ زين ولا مو زين احتياط ماتعرف وش يصير

بس عموما سجل احتياط , يمكن ماتقبلك ولا جامعه هنا والبعثه تقبلك بيضطر ابوك يسلم نفسه للامر الواقع ويخليك تروح

[Lena]

اووووووف

مجموعه نحس مب صاحية مع بعض>< تحس يومك صار طويييييل هههههه

بس حمدلله عالسلامة عدت على خيرXD

عقبال ما تدخل احسن فرصة متوفرة لك

وانا اعتقد الابتعاث حلو مو لسبب دراسي لكن لسبب نفسي

البعد والاعتماد عالنفس تطلع خوش ريال على قولة الكوايته

وليه ابوك على امريكا خايف عليك تصير ارهابي>.>;;; ؟؟ ههههه

[snorlax]

مشالله كل هذا بيوم واحد ! ... اتوقع لو كنت مكانك كان فقدت اعصابي ...
بس زين الوالد وقف معاك ... تشعر بالاطمئنان شوي !
سجل برا زي ما قالك مادا مادا احتياط بس ..
بالتوفيق ..

[aoks]

والله يا سنور قدمت ولا ما قدمت ما راح تفرق ... لا يعني لا -..-;;

الحمد لله قدمت ارامكو >_> بس مستعجلين يبيوني اجي بكره

... اقول .. وين مكتب ارامكو في الرياض ._. ؟

[الموهوب]

هذي قصة يبيلنا ناخذ منها عبرة ,,والله يعينك

[gr8_man]

يالله انشالله مقبول وجهز نفسك لاختبار الكليات الصحية

[Macho Man]

هههههههههه .. والله انا قلت في نفسي وانا في نص السالفة شكل التسجيل فاتـة لكن الحمدلله عدت على خير ..



وللمعلومية ترى المشكلة اللي صارت لك تصير كثيــر والسبب من نفس المدرسة اللي تخرجت منهـا لانهم ما تأكدوا من ارقام شهاداتكم وطابقوها مع الاحوال ويصير الضحية انت ..


والله يوفقك وشد حيلك المرحلة الجايـة

[cubelover]

السلام عليكم

أغلب السباب توهم متخرجين من الثانويه

الله يوفق الجميع

و الله ياaoksهذي مغامرات شكلك طيران بالسياره

الله يوفقك

بس لازم تحط ببالك أنت تبي طب ولا غيره

أنا من يوم طلعت من الثنويه و الولد كل شوي طب وطب وأنا أقولNO

عاد الله يعنيك على CPC ون حصلت لك الله يوفقك السنه ذي تراهم مسهلين لكم بالحيل
أختبار القابليه ألغوه و حطو تخصصات جديده

السنه الماضيه الي قدموا يقال و الله العالم 6000 و الي قبلوا 80


و نتبه لا يكون أختبار البترول متعارض مع أختبار أرامكوا

و الله يوفك