تنس طاوله --

[Mada Mada Dane]

السلام عليكم


رجعت البيت لازم بكره اروح ارامكو لتقديم الـ CPC الله يعين

بما ان طاوله التنس طاوله بالجبيل اشتقت لها ,لي حول شهر مالعبت عدل

ففكرت وحبيت اسالك في احد هنا يلعب تنس طاوله ؟

وخصوصا لاهل الشرقيه , وش رايكم نسوي تحديات تنس طاوله , طبعا مااتوقع ناس كثار بتحدون ماهي رياضه مشهوره زين القى واحد اثنين , لكن وش خسران فقلت اكتب الموضوع ...

وشكريا

[الموهوب]

انا مالي خص بهالموضوع ولا انا من الشرقيه


لكن حبيت ابدي شعوري من ناحية هاللعبه


والله صراحه من افضل الرياضات.تحدي حماس,,حركه..



كبسات



فعلا لعبة جميله....بس ودي اسألك سؤال



هل ياترى تلعب بمضراب معين,, ولا اي مضراب


وهل فيه فرق عندك






الموهوب..والله يعينك عالسفر وتعبه

[snorlax]

ping pong !
اذا جيت الشرقية اعلمك اللعب

>> ياخي الوجه هذا عاجبني

[Prince Of Darkness]

لوول ،، تنس الطاولة من رياضاتي المفضلة ,,

خخخ بس وين إنا ووين إنتو

Good Luck ^^

[gr8_man]

انا ما العب تنس طاولة

لكن اذا شفت صينين يلعبون بطولات ياخي تحس بالحماس مدري شلون ما تطيح منهم الكورة

[Mada Mada Dane]

انا مالي خص بهالموضوع ولا انا من الشرقيه


لكن حبيت ابدي شعوري من ناحية هاللعبه


والله صراحه من افضل الرياضات.تحدي حماس,,حركه..



كبسات



فعلا لعبة جميله....بس ودي اسألك سؤال



هل ياترى تلعب بمضراب معين,, ولا اي مضراب


وهل فيه فرق عندك






الموهوب..والله يعينك عالسفر وتعبه

بخصوص المضرب , عندي مضرب بالبيت خاص فيني , اذا تغير تتغير وزنيه اللعب , لكن ماتهمني بقدر ماتهمني نوعيه الطاوله =_=

انا المشكله بالبيت عندنا طاوله اسبانيه , تمتص الضربات تجي نازله و الـ Spins يجي اقل او بالاصح صعب تطبيقها عليه , انا الحمدلله اسويها بالراحه وقوية ...

اذا رحت لنوع طاوله ثانيه مثلا الالمانيه , احس ان البرمات تجي معاي اسهل واقوى بكثير , =_= لكن اتوهق بالوزنيه , يعني تجي برا , خصوصا ان لعبي شوي سريع يعني حتى الارسالات مرات كثيره اردها بكبسه , لكن ان تغيرت الطاوله يبي لي وقت لين مااضبطها ... هذي اكثر مشكله تواجهني ...





سنور / يارجال مافي منافسه <<< مصدق نفسه


لوول اخخ اغلب الشباب بعيدين >_< والي يتحمس معهم بس مايلعب , مااستفد شئ

لوول سلام

[7_Dark Soul]

انا من الشرقية

بالأصح من الدمام

بس فاشل في التنس طالولة

اذكر يوم كنت صغير كنت اعرف شوي لها

اما الحين

هالله بالخير....بالهلاك اسوي ارسال صح

[BOOOB_2002]

والله الحمد لله لا بأس بلعبي على ما اتوقع لكن مع الأسف انت بالشرقية وانا بالرياض


ولا كنت كسرت راسك <<<<< يمزح


ودي اباري واحد من شرق آسيا صيني ولا كوري

[toooo]

مشكووووووووووووووووووووووووور

[aoks]

... والله يا خالد رديت هنا علشان ال cpc ... انا رحت اليوم .. ويا ليتني ما رحت

خدمة نجمة وحده

موقفينا كلنا بالشارع بالشمس ... ويدخلونا على 10 طلاب ... وبعد 40 دقيقة 10 طلاب ثانين ... تشوف الناس متزاحمين عند الباب ..

والشمس نار o.o ...

احباط صراحة .. موعدي 7 ما دخلت إلا 10 ونص

[Yamato]

تنس طاولة.. -__-
ياخي اقلب عالبليارد ابركلك من هاللعبة.. تعور العين.. ويباله ردة فعل سريعة..
لعبتها شوية بالجامعة.. وحسيت اني ببرع فيها.. لاااكييين.. قرف.. يجيك ناس يمسحونك مسح.. -__-

بس بالبليارد.. Im a KING

[الموهوب]

بس بالبليارد.. Im a KING

انا ابي اعرف وش الرابط بين هاللعبيتين



اش قاب لقاب


يمكن عشانها تجتمع هي والبلياردو في نفس المكان.,,



عمومتا عمومتا انصحك تجربها ...البياردو تجيب الهم,,مافيها حركه,,فيه بعض التفكير صحيح..

لكن التنس تفكير وحركه وكلش

[M.C.C]

السلام عليكم

أول مشاركة في هذا القسم

لكن الموضوع شدني وسحبني سحب .. لأني من عشاق تنس الطاولة

عندي مضرب Mark V .. يعني الكبسة يمكن تعطب طاولة

فرق المسافة بيننا يمنعنا من التحدي

ولكن لا يمنعنا من تبادل وجهات النظر حول هذه الرياضة المليئة بالحيوية والحركة .

[Yamato]

انا ابي اعرف وش الرابط بين هاللعبيتين



اش قاب لقاب


يمكن عشانها تجتمع هي والبلياردو في نفس المكان.,,



عمومتا عمومتا انصحك تجربها ...البياردو تجيب الهم,,مافيها حركه,,فيه بعض التفكير صحيح..

لكن التنس تفكير وحركه وكلش

ياخي هي الرياضة الوحيدة اللي امارسها.. >.<
اضافة الى انه فيها تفكير هندسي.. يخليني احس عمري ماشي صح XD

[Mada Mada Dane]

نادرا اشوف شخص يحب التنس طاوله والبلياردو بنفس الوقت =_= شئ غريب

انا ماادري ليه ماتعجبني البلياردو احسها لعبه بارده ...

تلعب دورك , تروح تشرب بيبسي و بيتزا وتتعسى وتصلي , بعدها تتسنن ركعتين , ويمكن يمديك تقرا سوره الكهف , مو اكيد يعني بعدها يجي دورك مره ثانيه

LoOL

عموما احب اللعب السريع , احمس xD