سلام..شكلو ع آخر الزمن صرنا نحكي لبناني !هيثم+نسرين
فتحت المسنجر وما لقيتها اونلاين..
وسلولارا صلو طالع من الخدمة يومين..
اتصلت عالبيت وسألتن: وينها يا عمي وين..
قلولي ما نعرف واعطوني للسلولار نمرتين..
دقيت عليه.. وكان يرن رنتين رنتين..
قلت يا الله! مع مين عم تحكي صلا ساعتين..
يا ويلو! يا ويلو مني بدي اخبطو كفين..
رجعت دقيت.. وعدت التجربة مرتين..
بالاخر ردت علي وقالتلي مرحبتين..
الانتين من رقة صوتها اهتز هزتين..
وما بين الميم والنون قلبي خفق خفقتين..
قلتلا يسلم هالصوت والك مني تحيتين..
ضحكت هي والتلفون عليت حرارته درجتين..
وبالجامعة كل يوم بسأل عنها شاب او شبين ..
بيني وبينكم..انا بخاف عليهم من جفاف العينين..
ببحلقو فيها وجفونهم ما ترمش ولو رمشتين..
وفجأة قلتلي انو سامعه جنبك صوت صبيتين..
طلعت حولي..لقيتن ببعدو عني كيلومترين..
قلتلي وقف تقولك! بلش يلعب بعبي فارين..
