• 0
  • مالي خلق
  • أتهاوش
  • متضايق
  • مريض
  • مستانس
  • مستغرب
  • مشتط
  • أسولف
  • مغرم
  • معصب
  • منحرج
  • آكل
  • ابكي
  • ارقص
  • اصلي
  • استهبل
  • اضحك
  • اضحك  2
  • تعجبني
  • بضبطلك
  • رايق
  • زعلان
  • عبقري
  • نايم
  • طبيعي
  • كشخة
  • النتائج 1 إلى 15 من 15

    الموضوع: فتاه عاريه امام شاب غريب؟

    1. #1
      التسجيل
      09-05-2001
      الدولة
      هجر
      المشاركات
      236
      المواضيع
      20
      شكر / اعجاب مشاركة

      فتاه عاريه امام شاب غريب؟

      هذي قصة واقعية بقووووة .. ================================ القصة حصلت قبل ثمان سنوات .. كانت البنت تدرس في الجامعة وكان عندها اختبار .. وأهلها ذاك اليوم بيطلعون للمزرعة .. فقالت لهم ابي اجلس بالبيت أدرس .. وفعلاً راحوا
      اهلها للمزرعة وخلوها تجلس بروحها بالبيت ..

      بعد كذا كانت متأكده ان اهلها كلهم في المزرعة البعيدة عن البيت .. خصوصاُ إن فيه

      تليفون في المزرعة .. ولذلك فهي متأكدة أنه ما راح يجي أحد للبيت في هذا الوقت ..

      ومتطمنة تماماً من هالناحية .. وهي جالسة تذاكر جا على بالها انها تاخذ لها دش بارد

      علشان تصحصح مع المذاكرة .. وبما إن أنسب حمام وانتم كرامة في بيتهم هو حمام

      مجلس الرجال فيه بانيو وحركات .. والبيت زي ما قلت لكم فاضي وما فيه خوف ان أحد

      يجي .. كل اسرتها كانوا في المزرعة .. وابواب البيت مقفلة ..

      البنت فصخت كل هدومها في غرفة الجلوس وراحت للحمام ربي كما خلقتني ..بعد ما

      كانت منسجمة بالحمام .. وفي هالوقت بالذات جا اخوها اللي يدرس في مدينة ثانية

      ودخل للبيت وكان معاه واحد من أصدقائه ..رغم انهم كانوا بوسط الاسبوع يعني من غير

      المتوقع انه يجي في هالتوقيت .. ولا فيه خبر انه بيجي ..

      ابو الشباب دخّل خويه بالمجلس وراح يدور بالبيت يشوف فيه أحد ولا لا ..ما حصل أحد

      بعدين راح للمطبخ يسوي شاهي وقهوة وحركات لخويه ..

      بهالوقت طلعت البنت من الحمام عريانة ولا على بالها إن فيه أحد بالبيت .. يوم راحت تبي

      غرفة الجلوس شافت اخوها في المطبخ ارتبكت وبلشت وين تروح ..( المطبخ كان بطريقها

      لغرفة الجلوس يعني لو حاولت تروح لغرفة الجلوس بيشوفها اخوها) .. على طول رجعت

      ودخلت للمجلس ومسكت الباب وصارت تويق من المجلس من فتحة صغيرة بالباب

      ما يطلع الا عيونها .. وما أخذت بالها من اللي جالس وراها بالمجلس اللي هو صديق

      اخوها ... الرجال انصدم بالموقف وش هالبنت اللي واقفة قدامه بدون ملابس ربي كما

      خلقتني تماماً وجلس بدون شعور يطالع في جسمها شوي يوم استوعب الموقف ان البنت

      متغبيه عن اخوها وانها ما درت عنه نزل عيونه بالارض وكتم النفس وصار ينتظر الفرج

      من الله ينتظر الموقف يعدي على خير .. هو كان بقمة الاحراج وده تبلعه الارض فما بالكم

      بالبنت المسكينة لا درت فيه ... البنت حست كن فيه احد ..كوّش جلدها.. يوم التفتت

      وراها شافت الشاب الغريب وراها على طول طلعت من المجلس من غير فكر ودخلت

      بالحمام مرة ثانية وهي تبكي ومنهارة تماماً من الموقف .. اخوها بعد كان حس بالموقف

      قبل تطلع من المجلس وما قدر يتصرف ما يدري وش يسوي .. انتظر لين طلعت من

      المجلس ( لاحظوا ان كل الموقف صار بلحظات ) .. بعدين وبعد وقت ما هو قصير تحامل

      الاخو على نفسه وراح لزميله اللي جالس بالمجلس يوم دخل للمجلس ما حصل زميله اللي

      راح بتصرف يدل على ذوقه ما يبي يقابل زميله بهالموقف البايخ .. والاخو بعد يوم شاف

      زميله راح طلع هو بعد وما رجع الا بعد كم ساعة وجلس يهدي اخته اللي لقاها حالتها

      حالة ..

      البنت بعد كذا صارت بحالة نفسية مايعلم بها الا الله وما راحت للاختبار من بكرا .. وحتى

      بعد كذا استمرت حالتها النفسية ميب زينة .. واخوها ما شاف خويه بعد كذا ..

      وبالنسبة للشاب اللي شاف البنت .. صار على طول يفكر بالبنت والموقف اللي صار بينهم

      وما قدر يشيل صورتها من عينه .. صار يفكر فيها بشكل ثاني .. بعد كذا صار شي رائع

      وحل كل الاحراج .. الولد واهله تقدموا لخطبة البنت .. وبعد كذا صارت الملكة ..

      وفي يوم الملكة كان الاخو يقول لصديقة الناس توري الخاطب وجه البنت .. وحنا وريناك

      البنت كلها ...

      القصة زي ما قلت لكم صحيحة بكل تفاصيلها ... أرجو انها تعجبكم .. وتحرك من الجو شوي




      نبي تعليقاتكم ,,,,,,,,,,,,,,,
      أنا و ليلى

      http://www.montada.com/games4arab/showthread.php?s=&threadid=103668

    2. #2
      التسجيل
      15-09-2001
      الدولة
      في الجبال
      المشاركات
      22
      المواضيع
      4
      شكر / اعجاب مشاركة

      Lightbulb

      والله القصة مرررررررة حلوة وزين انهم انخطبوا

      والا كان الاحراج الى الحين ....
      الي يبي يتفاهم عندكم المسنجر
      ــــــــــــــــــــــــــــــــــــــــــــــــــــــــــ
      bn_ladin33@hotmail.com



    3. #3
      التسجيل
      30-07-2001
      الدولة
      الظهران
      المشاركات
      1,207
      المواضيع
      114
      شكر / اعجاب مشاركة

      Lightbulb

      اووووووووه القصة قلق في بدايتها

      وحلوة في نهايتها

      يعني لو تسير اي ما أقول لأ....

    4. #4
      الصورة الرمزية Rewayah
      Rewayah غير متصل The Chara Designer
      رايق
       
      التسجيل
      29-08-2001
      الدولة
      دبــــــــــي
      المشاركات
      5,763
      المواضيع
      111
      شكر / اعجاب مشاركة
      بطاقات الألعاب

      Gamertag: Rewayah PSN ID: Rewayah

      Thumbs up

      وايد حلوة وتوتر بالأعصاب... ^_^ !!

      النهاية وايد اتفرح القلب -_^ !!

    5. #5
      التسجيل
      27-05-2001
      الدولة
      عالم بايخ و ملعون.
      المشاركات
      6,663
      المواضيع
      152
      شكر / اعجاب مشاركة
      حسبي الله عليك .....



      طاح قلبي في بطني !!!!:واو:



      الا من المطبخ الى الصالة ومن الصالة الى الحمام



      لعبت في اعصابنا لعب ؟؟؟؟؟


      والقصة حلوة ...ولو ما تزوجوا في النهاية










      كان الاحراج في البنت والحالة النفسية الى الحين
      الصف الأول ماهو بصفي و لا الصف الأخير .::. أنا من حيث أجلس يبدا الرقم

    6. #6
      التسجيل
      07-02-2001
      المشاركات
      878
      المواضيع
      46
      شكر / اعجاب مشاركة
      أبن حلال والله ..لو واحد ثاني نذل كان انهى حياة البنت بلسانه ..
      [لاتنسو كفارة المجلس :-
      سبحانك اللهم وبحمدك اشهد ان لااله الاانت استغفرك واتوب اليك

    7. #7
      التسجيل
      27-12-2000
      الدولة
      الرياض
      المشاركات
      1,605
      المواضيع
      226
      شكر / اعجاب مشاركة
      ياللللللله ،،، سبحان الله شف كيف صارت الأحداث

      لكن عز الله ان صديقه اثبت انه رجال وعرف يتصرف ويشيل هالتفكير من راسه



      هههههه لكن اما اخو البنت والله منسم في قولته خليناك تشوف البنت كلها
      اللهم إن أمريكا قد طغت وبغت وأكثرت في الأرض الفساد ، اللهم فصب عليها سوطاً من العذاب

    8. #8
      التسجيل
      29-01-2001
      الدولة
      اديلي البي
      المشاركات
      1,053
      المواضيع
      70
      شكر / اعجاب مشاركة

      Unhappy لالالالالالالالالالالالالالالالالالالالالالالالالالا

      صراحة موقف محرج ونص
      =-=-=-=-=-=-=-=-=-==-=-=



      مشكور على القصة الحلوة
      **************************


      طيب كل واحد يتخيل أنه بمكان هذاك الشبا .... وشراح يسوي (يعني أنت ) ؟؟؟



      ^^^^^^^^^^^^^^^^^^^^^^^^^^^^^^^^^^^^^^^^^^^^^^^


      وكل وحدة تتخيل نفسها بمكان البنت هذيك وشراح يكون موقفها ؟؟؟؟
      تشاوو

    9. #9
      التسجيل
      02-06-2001
      الدولة
      خفسون in الرياض
      المشاركات
      3,310
      المواضيع
      204
      شكر / اعجاب مشاركة

      Talking

      ههههههههههههههه....
      .....
      والله موقف محرج جداً جداً ...
      .....
      اول ماتزوجوا اول سالفه بتطلع بينهم اكيد هي ... مافيه غيرها...ههههههه..
      ..
      ...
      ..
      اخوكم MoM_CoM3.

    10. #10
      التسجيل
      10-03-2001
      الدولة
      Mr.M 2003
      المشاركات
      4,315
      المواضيع
      125
      شكر / اعجاب مشاركة
      موقف محرج
      ::Moaed :: Tarutaru :: WHM75 :: BRD73 :: RNG60 :: BLM60 :: THF&NIN38 :: Rank10 Bastokan :: Ragnarok::

    11. #11
      التسجيل
      29-07-2001
      الدولة
      جنّةٌ ضائعة ..
      المشاركات
      3,977
      المواضيع
      392
      شكر / اعجاب مشاركة
      يوووووه والله المسكينه والمسكين لو ما اعرسوا كان ما ت البنت والولد بحاله نفسيه
      لا تفهموا غلط:": :":

    12. #12
      التسجيل
      18-08-2001
      الدولة
      Saudi Arabia
      المشاركات
      1,450
      المواضيع
      78
      شكر / اعجاب مشاركة

      Arrow !plus

      ولاه ان الرجال بن حلال واخلاقه زينه ولا زا كان صار كذا وعرس عليها تخيلوا نفسكم في ذا الموقف المحرح ولاه مشكله عويصه جدا.

    13. #13
      التسجيل
      20-08-2001
      الدولة
      حارةالسان سيرو ملعب الجيوسبي ميازا
      المشاركات
      1,658
      المواضيع
      82
      شكر / اعجاب مشاركة
      شباب الظاهر اذا كتبت قصدي نسخت من الساحه لازم تكتب انها منقوله ولا لا?: ?:

      هذا هو أفضل لاعب وسط في العالم


      وهذا هو أفضل مهاجم في العالم

    14. #14
      التسجيل
      21-04-2001
      الدولة
      الامارات
      المشاركات
      2,345
      المواضيع
      83
      شكر / اعجاب مشاركة
      لاتعليق

    15. #15
      التسجيل
      07-01-2001
      الدولة
      KSA - Riyadh
      المشاركات
      2,201
      المواضيع
      241
      شكر / اعجاب مشاركة
      رهيبه وشكراً لك

    ضوابط المشاركة

    • لا تستطيع إضافة مواضيع جديدة
    • لا تستطيع الرد على المواضيع
    • لا تستطيع إرفاق ملفات
    • لا تستطيع تعديل مشاركاتك
    •