رحله على خط بحر الكويت

[MLoOoKA]

السلام عليكم ورحمة الله وبركاته

اليوم بوديكم رحله على خط البحر ... وبوريكم مطاعم الكويت المتاخمه على خط البحر ..الحمدالله عندنا خوش مطاعم على البحر وعندنا شاطئ جميل جدا جدا ... ويعتبر من احلى الشواطئ في الدنيا العالميه ...

نبتدي من صوب دوار البدع و نرجع مره ثانيه اوكي ؟؟

*********************

مطعم أس أس دانه



نبتدي في اول مطعم ... وهو مطعم الدانه طبعا من بره الشكل عجيب .. لكن تدشون داخل كله ريحة زفر .. خو بعد مايبيله كله مأكولات بحريه والناس مصدقين نفسهم جنه صج



لاصق في مطعم الدانه مطعم ثاني اسمه زوربا من اسمه يقول انه مطعم اهوازي ... اوبس اسف اقصد مطعم يوناني اوكراني شي من هالقبيل .. طبعا الكويتيين نادر ماتلاقيهم في هالمطعم .. انا انصحكم نصيحه حق اللي بيروح هالمطعم يقعد على طاوله يجابل البحر وخل يشوف المنظر الخلاب ههههههه .. اي طل خلاب انتوا روحوا وشوفوا شنو أكو يم المطعم صار دفان دفان ماكو بحر ماتلاقون الا حفريات وماي ناقع صارله ربع قرن

*****************

بيتزا هت



نطلع من الدانه انروح شوي جدام .. راح تلاقون 2465050 بيتزا هت للتوصيل زاهبين ... اي بس هذا اللي زاهبين فيه حق التوصيل واخرتها الطلب يوصل بارد لا ويقولولك ترى انييبه لك حار اي خير ان شاءالله ... بس فالحين اتدقون علي وتقولون ترى انت عميل مميز وفزت معانا بعرض بيتزا ثنتين بسعر واحد ... خو شسوي فيهم ؟؟ خو محد ياكل بيتزا في البيت الا انا المهم نتكلم شوي عن رواد المطعم واهمه من النوع العجيب الغريب مره تلاقيهم اي شي ومره تلاقيهم سنع وزينه اسم الله عليهم مثلي انا ههههه

طبعا غالبيه رواد المطعم من الحجم العائلي اقصد الاكس لارج مادري اهم يحطون شي بالبيتزا اتمتن او شي ... الله اعلم

********************

مطعم كريباوي



انكمل شوي جدام انلاقي مطعم كريب اوي طبعا هالمطعم عاد هذا تحفه الصراحه نظام بارات ... رواد هالمطعم حدهم عايشين الدور من امه تلاقي الواحد غتره وعقال وقاعد على البار شكو؟؟؟ يعني منهم يالحبيب ؟؟ مممم لن اتكلم اكثر من جذي عشان لااسوي دعايه للطعم ... بس انتوا جيكوا على اللي قاعد عند الباب بو غتره وعقال

************************

برجر كنج



برجر كنج البلاجات ... هذا انا اسميه المطعم الدايخ اللي مايدري وين الله حاطه خو مايبيله بعد مبين من العلم الغلط اللي معلقه طاح حظه .. على فكره يومها ماكان عند المطعم الا سياره وحده واقفه يمه ... لاوشكلها بعد السياره مو له نازلين يتمشون على البحر

****************

سوليدير بالاس



مقهى ومطعم ومنتزه ومادري شنو سوليدير بالاس ... هذا يكون عند بافلوز كافيه ... طبعا الشباب على ابو انهم ماكو مواقف كافيه عند المطعم يرزون سياراتهم الكشخه جبال المطعم يعني ترى هالسياره لي ها ؟؟ يعني ياللي يايه المطعم او ماره جدام المطعم ترى هذي سيارتي ويحط له طاوله يم سيارته يعني ترى لي .. ماعلينا نقدر انسمي هالمطعم ماكو شغل

************************

بافلوز كافيه



بافلوز كافييييييييييه .... ايييييييييه شغل كاوبوي ماكو؟؟ جذي السالفه اتدش كله بقر وخرابيط ومادري شنو .. الدور الارضي ناس تكانه قاعدين وعوايل وماكو ازعاج ... تصعد فوق صيحه ونجره ولويه وعفسه وصراخ جنك قاعد بحراج سيارات

***********************

دجاج تكا



دجاج تكا ... هذا مسكين ترى ... مكانه روعه الصراحه وقعدته فيري نايس بس الاكل من بعد ماتاكل مااييلك نوم بالليل
... ياناس اكل فيه 6 طن دهن؟؟؟ اي ليش عاد؟؟ شنو ماكله بقره انا ؟؟؟

****************************

ماكدونالدز



ماكدونالدز المطعم المفضل عندي وعند غالبيه رواد البحر ...



**********************

مطعم كارينوز



مطعم كارينوز .. هذا ماعمري دشيته المطعم الصراحه بس ماادري كل ماابي ادش ماالاقي احد عنده مادري اهو في شي ينوكل والا لأ ؟؟؟ يمكن جذي بس مبطلينه زينه



********************

مطعم برج الحمام



برج الحمام ... هذا توه يديد والصراحه مادخلته لكن قيل لي والعهده على الراوي انه الاكل عادي جدا ولكن القعده حلوه جدا وكل شي جدا جدا .... بس فيه عيب شرعي انه مو بكيفك يعني متى ماطق براسك اتروح تتعشى في هالمطعم هذا بالذات ... قولوا شلون عاد لاتصيرون بايخين؟؟؟

المهم انا اقولكم شلون ... يعني مثلا طق براسك بيوم من الايام تبي اتعزم أحد ... أو طق براسك بيوم تتعشى من هالمطعم بالذات شتسوي عاد النفس وماتشتهي ... اتروح هناك والا يقولولك مو بكيفك يالطيب تاكل على مزاجك اهو؟؟ تقولهم ها عيل شلون؟؟ يقولون حط رقم تلفونك واحنا اندق عليك متى مااشتهينا احنا انوكلك دقينا عليك وقلنا لك تعال هههههههههههههههههه خو الحين انا اللي باكل مو انتوا ؟؟؟ يقولون والله عاد احنا جذي تبي والا اقلب ويهك لووووووووووول ... حتى الاكل صار بالدور والحجز .... وعجبي على زمان ماقمنا ناكل براحتنا لووووووووول



***************************

[+SasSy+]

انشاءالله يوم بيي الكويت بزور كـــــــــــــــــــــــــــــــــــــــــــــــل هالأماكن ....

مشكوووووووووووووورة ملوكة على الموضوع الحلو و الروعة ....

[INTERawee]

لووووووووول على برج الحمام ...

اهو يعني لا برج ..ولا فيه طيور..يمكن فيه حمامات مختلط بس..

والله ملوكه تسلمين على هالجم مطعم..من شارعنا المشهور عالميا ودنيويا..

شارع الخليج...

انتي ما ذكرتي كل المطاعم ولا حتى ربعهم...بس نعطيج مهلة يوم تكتبين..

لان الموضوع عجبني...

و خوش دعاية للكويت والله ...مرة ثانية عطيهم ..(اقولج بعدين).

ثنكووو عالموضوع..

[MLoOoKA]

نكمل

دجاج كنتاكي



كنتاكي البحر هذا توه يديد بقراطيسه ماشفت عليه شي

*************************

مطعم نينو



مطعم نينو مممممممممممم من المطاعم المفضله عندي الصراحه ... عليه ستيك مو طبيعي يمي يمي يمي ... والاوادم اللي تقعد فيه شوي راقيه ... الالمان يروحون هناك الله يستر منهم ... نصيحه حق الالمان اكو مطعم جريب صوب الابراج توه يديد خلوكم عليه

*********************

مطعم فرايديز



فررايديز العالمي لوووووووووول مادري شاللي مقّوم حظ هالمطعم ؟؟ اهو زين احسن من غيره الصراحه بس فيه عيب شرعي ياناس

طبعا رواد هالمطعم كل شي سياكل اغتر وعقل برمودا تنانير بناطلين بلايز ...

المهم العيب الشرعي اللي في هالمطعم ياجماعه ... وانت قاعد تاكل تلاقي قطو والا عتوي مار صوبك يقولك السلام يالحبيب شلونك طال عمرك ؟؟؟ ممكن حتتة استيكه والا قطعه مكرونه ههههههه شوفوا الصوره اليايه وانتوا عاد الراي لكم



في هذي الصوره بس اربع قطاوه ماتتخيلون اللي طلعوا من درام الزباله واللي كانوا يتمشون طاقين فره على المطعم جم قطو ... يالله ماعليه خيرها بغيرها اشوفكم بالمطعم الياي

**************************

فدركرز



مطعم فدركرز ... أنا أموت على أكلة

************************

لونوتر



لونوتر ... طبعا الاشاعات هني بالديره على أفا من يشيل اذكر قبل طلعت اشاعه انه هالمطعم مايدشه الا اللي لابس رسمي عاد انا قلت بعاند وبروح فنكي هههههههه حلوه هذي فنكي ها ؟ ماعليه طوفوها عاد رحت وييت عند الباب انا قلت الحين بيقولولي وين رايح والا مستقبليني من عند سيارتي جنه محد اييلهم ولاياكل عندهم ... وين اللي تقول مايدشه الا الرسمي ؟؟ ويومها بس انا ورفيجاتي اللي قاعدين ناكل وجم واحد مطشرين مني ومناك



ياعيني على المناظر الجميله الرائعه هههههههه ... معلومه مفيده اتفيد الكل ترى هالمطعم مو لنا

^_^



*******************

ابل بيز



ابل بيز ... والله قعدته حلوه بس عاد انت وحظك مع الاكل مره زين ومره الله بالخير يالحبيب ... طبعا في اماكن ظلمه داخل يعني وانت تاكل ماتدري شنو طايح بالاكل عاد انت وحظك يا يشيلونك المستشفى والا تسلم على روحك واتكمل يومك سليم

********************************

مطعم تشيليز

[img]القيمة[/img]

جيليز المطعم العائلي والامريكاني بنفس الوقت مرات يحوشه طشّار من الالمان اللي خبركم يدشون ياكلون منه بس شوي على ذرابه هذيل عاد مو مثل احم احم ماشاءالله هالمطعم اذا رحت له يوم اليمعه والا الخميس من الساعه تسع ماتلاقي مكان كله يقولون انطر خو ليش عاد ؟؟ من الزحمه ترى ها ؟؟ ... نروح للاكل اول ماييبلك الاكل تشوفه حاااااااار طششششش طشششش من حرارته دقيقتين والا صاير قلاص بيبسي بارد

بس زين انصحكم فيه



*******************

مطعم روبي تيوزدي



روبي تيوزدي ... احنا مانخلص من روبي بالتلفزيون تطلع لنا هني بعد على شكل مطعم؟؟؟ لا والاعلان بعد بالاحمر جنه القوملق اللي لابسته في اغنيتها ليه بداري كده ولاهو بيداري كده والله يغربلج كده ... طبعا هذا اهو مطعم الالمان اللي اقولكم عنه عند الابراج توه يديد يعني ماادري شسالفته فلاتعليق



************************

مطعم ميس الغانم



ميس الغانم ... هذا المطعم يم قصر دسمان امطيحين فيه اغلب شعراء الكويت الفطاحل ... شدعوه عليكم شباب يعني ترى كووول ؟؟؟ خو اشفيها المطاعم الهنديه الجباتي والسمبوسه؟؟ هاااااااا؟؟ نسيتوها؟؟؟ اييييييي الله يعز ايام الفقر صمونة فلافل وبطاط من مطعم الجمعيه الحين ميس الغانم

**********************

قصر البردوني



والحين نروح ولا أقولكم
تعالوا معاي نشوفه

V

V

V

V

V

V

V

V

V



واااااااااااااااااو عجيب غريب هالمطعم افضل مطعم بالدنيا العالميه مطعم بدر البدور ... انصحكم بالكباب وصمونة الفلافل والبطاط المدور لوووووووووووووووووول

هذا موقعه في منطقة بنيد القار ... بعد مايبيله تعرفون شنو يعني بنيد القار اتشوفون شكله من بره تلوع جبدكم لكن تاكلون منه شي عجيب ماودكم تروحون منه شدعوه فندق السعاده مو بدر البدور ... قائمه الاسعار جدا رخيصه عشر صمونات فلافل وبطاط بدينار واحد فقط ... يعني بـ 3 دنانير اتعشي فريج كامل على العموم اذا بتروحون له راح يلوع جبدكم اللي اييب الطلب ساعه اتحرقه بالهرن على مااييلك مو عاجبه ولد التبن لووووووووول ودك اتطقه لكن تشوف شكله يكسر خاطرك ههههههه

المهم هذي كانت رحلتنا اليوم على مطاعم خط البحر في دولة الكويت الحبيبه الغاليه ...

يالله سلام

[MLoOoKA]

مشكورين على ردودكم
انتراوي انطر مافيك صبر حطيت باجي المطاعم باقي مطعم أبراج الكويت والتباب ماعندي صورهم
اذا عندك حطهم

[HeRo]

ياااااه الكويت حلوه حيييييييييييييييييييييييييييييييييييييييييل

مشكور ملووكة على الصور

[شوق- الصحارى]

ماشالله على الكويت ...

فيها مناطق واماكن حلوة ...

تسلمين ملووكة على الرحلة ..

[MLoOoKA]

العفو يلا ننتظر منكم زيارة على الكويت
علشان تنور

[KENSHEI]

مشكووووووورة ملوكة على هالموضوع
وإنشاء الله بستفيد من هذا الموضوع.

[princess sakura]

مشكورة ملووكة على الرحلة الحلوة..
والكويت واااااااايد حلوة .....
وتسلمين ..

[THE KILLER]

موضوع حلو
تصلحين دليل سياحي
بس وش أحسن مطعم فلافل بالكويت<----------- حده ههههههههههههههه

[Forlan]

والله اللي يشوف ذي المطاعم يقول انها حلوة مرة .

على العموم الف شكر.

[pEc!al $wEetY$]

اهلييييييييين ملووكه ..

دعااااااااااااااااااايه حلوووه ...

تسلمين ياا عسل ....

لاازم تعزيمنا اذا جيناااكم ....>>>> بأوووهقك : )

انا زرت الكوويت مرره وحده وان شااء الله نزورها قرريب ...

ثااانكيتوو