هلا شباب
كنت اكتب رساله خاصه لنواف ولد جيراننا .....
احكي له فيها عن احزاني بعد الحادث ....
ولما ارسلتها له ..... وصلني وصل استلام يقول (ولا يهمك رسالتك دزيناها لسيلفي بدون ماتتعب نفسك وتقول لنا)..
انا رحت على طول عشان امسح تتبع الرساله ... عشان بعض الناس مايقرونها ...
بس تذكرت اني لو مسحتها .... لازم اكتبها من جديد ...
قلت سيلفي حبوبه وطيبه قلب .... وبكلمتين براضيها وبالعب عليها واخليها ترجع لي الرساله...
وهي ماقصرت ....
المهم بما ان الرساله خلاص انكشفت (احلى يا خطير) .....
قلت ليش احرمكم منها .....
انت ووجهك ..ماتستهال مين يفزع بك
المهم ........ وعدتك اعطيك القصة بالتفصيل ....
استلم\
خلصنا من مناقشة المشروع ..... وتتذكر ماجد اللي جبته معاي ...
نشب لي في حلقي يقول تعال نتمشى ونطلع اللي في روسنا....
خذينا واحد معنا (يوسف اللي كنا نحش فيه) ....
وركبنا في سيارته لومينا ss سوداء ..قسما بالله روعة >>> متحسف عليها
وهو كان طفشان ..... مسكين انا وماجد اخذنا A وهو اخذ C
فقال لي اسوق عنه ..
المهم انا ماصدقت خبر (تعرف مهبول وجات معاه سيارة رياضية) ....
وقسما بالله مااطلع من لفه الا وانا معرضها على البيبان....
وكل مايمدحوني الزفت ماجد ويوسف ..ازيد السرعة >>>> مخفه
المهم ..... وصلنا عند دوار ..... وانا لسه على سرعتي ...
فجاءة طلع قدامي كلب ابن كلب سيارته موقفه بنصف الخط
والحمدلله ان قير السياره عادي ... رفعته بالثاني وسحبت لك عكسيه طولها عشر امتار بنصف الشارع .....
وعدلت السياره ....
لو تشوف وجه ماجد وقتها ........ قسما بالله تموت من الضحك ...
عاد تعال خذ مدح .. ياسواق انت يا فنان انت يا طاره انت يا حركات انت ...
يا .....
يا فرحه ماتمت
سياره ثانيه (كان صادم هو وخوينا الأول .... والكلاب موقفين بنصف الخط ينتظرون المرور)
وبالعربي ....... جبت العيد في اللومينا
وبصراحه ....صدمه مالها داعي من جد ...
بايخه لآخر درجة ...
كأنها صدمه واحد بزر اول يوم يسوق السياره ...
تعرف مثلا ..فيه صدمات الواحد يفتخر فيها ...
صدمات رجال .......
تلاقي الماكينه طارت عشر متر عن السياره ..
اما صدمتي ......
تقول كأنه بزر شاف قدامه سياره .....وماعرف وين الفرامل
بس الحمدلله اننا نظاميين ومربطين حزام الأمان ...
طبعا مثل ماقلت لك .. جمالي تشوه بسبب قزاز السيارة
والقهر انه ماجد ويوسف ماجاهم شيء ....
طلعنا وجلسنا ننتظر المرور ....
واقول للزفت المصري خذ هاذي ثلاثة الالاف ريال .... بس فكني انا زهقان وواصله معي >>>>>> قسما بالله ان سيارته ماتسوي الف ونص اكيد تعرف سيارات المصاريه
المهم ... ميت من العطش .......
وبصراحه مستحي اتصل على واحد من الشباب اقول له يجيب لي عصير او اي شيء ..... مستحي يشوفون هالصدمه البايخه اللي مثل وجهي ..مع انهم عارفين ان سواقتي حلوه
اتصلت انت ....... وتذكرت انك بزر مامعاك سياره ... وماتعرف تسوق ... واكيد ماراح تفرق معك لو تشوف صدمتي .... على بلاطه
فقلت لك تجيب لي معاك عصير ......(على بالي انك بتجي مع سواقكم) ...
يوم قلت لي انك بتجي مع صديقك ...... قلت لايروح صديقه يفهمه ..ونواف مايقصر يفضحني قدام المنتدى كله ...
صرفتك وقلت لك المرور جاء خلاص ....
لا عاد ..واللي زاد الطين بله ......
ورانا بميه متر ... صار حادث قوي ... وواحد من اللي فيه ماتوا ...
عشان كذا جحدنا المرور وراح لهم ...
ومن الساعة عشر الصبح .......الى الساعة سته المغرب .....
واخيرا وصلت بيتنا وانا مااشوف شيء .....
خلاص خلصت .......
تذكرت ...... مره ثانيه ياغبي لاتخلي اخوك الدبدوب الصغير يطلع في الشارع وهو حافي .....
وشغالتكم تراها تحب تطلطل على الفلبينين اللي يمرون في الشارع ....
وبس ....
ايه باقي واحده ...... تتذكر اسامه اللي اول شيء كان يقول لي ترى ممنوع دخول اكواب القهوه للمحل وكان مسوي زحمه
في الأخير (بعد ماطلعتوا انتم يالبزارن ...انت وولد عمك واخوي) ...
اسامه جلس معانا وسهرنا للساعة 2 بالليل ..... قسما بالله ساعة صدر ..
هو انقلب 180 درجة .. طلع وسيع صدر ... وجالس اربعة وعشرين ساعة يعلق علي (يقول لي وجع وش زمزميه القهوه هاذي اللي انت شايلها في يدك... قصده كاس القهوه الكبير) ...
المهم ...انا طلعت برى الموضوع ...
اللي كنت اقوله ..انه انا وماجد صرنا نداوم كل يوم في مقهى الرياضه .. وفكيناها ميانه مع اسامه
وهو كان يسألنا عنك ... ويقول ليش مايجي >>> الظاهر عاجبه شكلك يالمخفه يوم قطعتك تعليق ..وهو ناوي يكمل عليك ..
بس الصراحه هو كان يسأل عنك كثير .... حتى انه سأل ولد عمك وهو صرفه ..قال انك ماتحب الكوره ..
_______________
اغرب رساله بين واحد لولد جيرانهم ...
