السلام عليكم
تتبعة لحكاية نمله
ماذا حدث في الجابتر السابق <<<<<
قام آنجل بتجميع الأصدقاء والانطلاق إلى كوكب سبيجة بعد ما أتتنا الأخبار بأنها سوف تسجن من خلال الهاتف الخليوي <<<< أكيد توكي ما تفهم عربي فصيح XD
القصة :
بعد الوداع والانطلاق إلى كوكب سبيجة في باص العمة Angel whisper ومع الأصدقاء وهم: Angle , Amidamaru , Toki , King Sarab , Shadwo11 , Hime-sama ( حق الطربه XD )و بالغلط alamal 13 ليش :
1 ) لأنها نست تطلع من الباص
2 ) واحد في موضوع اسأل غربلها وخلاها تقعد 24 على النت مال الباص خبرك واير لس XD
3 ) أو كانت متسللة
الإجابة هي الأولى, نست طلع من الباص وسبحان الله نفس الجلسة ما تغيرت بس هل المرة قالت لي وين سبيجة و قلت لها القصة فقررت أنها تساعدنا عن بعد هي بتعطينه كل المعلومات عن أي شيء من خلال الكمبيوتر ( ما صدق احل لها دور T_T ) المهم
خبركم انا مأدب فاجلس في المقاعد الاولية وما فريت راسي وره إلا هيلة وطقطقة خبرك فريق الطبابيل جالسين وره وتوكي جالسة ريل على ريل وجايبة معها عشرين الف مانجا تقرئه في الدرب أنا ما نرفزني إلا شادو رجلة تاكلة قاعد يراكض في الباص XD.
ولما وصلنا الى الكوكب ولكن بعد تاخير والسبب هو :
1 ) الاكل كمل
2 ) شادو من السرعة فر الباص
3 ) خلص البنزين
الاختيار الثالث, البنزين كمل و ما فكرنا الا بتوكي خبركم ساحرة XD فقلنا لها يالله استخدمي سحرج وطلعي لنا بنزين و ردت علينه : ان اشء الله ^^ , بس الله يستر وبعد محاولات عديدة صار الباص متروس مشروبات من العصير و البيبسي و الشربة XD لما طلعت لنا البنزين XD وواصلنا الدرب.
ولما نزله على الكوكب لا قتنه الاخت Rory وهي ساحرة قوية , فقالت توكي وهي تعرف انها ساحرة : انا بتولا امرها انتو روحوا وانقذو سبجو , رديت عليها : لا لا زم نروك كلنا مع بعض , ما اشوف الا بوكس على وجهي وصادني طق وتقولي : يالغبي هذي روح السحرة اشدراك انت >< , قلت خلاص نعتمد عليج قالت :ايه , قلت لها : تر بنرجع لج , ابتسمت وقالت : الله يوفقكم ^^.
ولما مشينه بدئت Rory تستفز وتسب توكي وتقول لها : يالدبه وزنج وصل 100XD , اهني توكي خلاص على طول سوبر سيان 100 مافي رحمة XD
القتال الاول :
Toki VS Rory
وتبدأ Rory بالهجوم وطلع كرة نار من خلال السحر وتوكي يازعم بتصدها وتسوي سحر غبي بدال ما تسوي حائط طلعت بوطل بيبيسي وينكسر ويطفي النار , وتجيك توكي و تسوي كرت نار بالغلط سوت سحر غبي طلعت سندويش كرات لحم من سبوي XD و ما شفنه الا Rory وتوكي يتذابحون على السندويش ويوكس مني وكعب مناك XD وآخر شيء Rory تاكل السندويش , توكي خلاص تبي تاكل بس ما تقدر هي كلما تبي تسوي سحر اكل يطلع سحر قتالي و توكي خلاص انقضى عليها و Rory بس سحر وراء سحر كل اكل وفجاه سوت Rory اكلت توكي المفضلة بس كانت طعم حيث كانت مسمومه وكانت الاكلة Pan cake , خلاص توكي راح تنفجر بس قدرت تستحمل ليش :
1 ) مسوية رجيم
2 ) كانت عارفة انه مسموم
3 ) مافي عسل
الاختيار الثالث , مافي عسل فقدرت تستحمل فقالت : خلني اسوي سحر عسل مسموم علشان تكاله وتسمم هي وقامت وسوت سحر غبي وتطلع موليخية بالارانب بس مسموم بس Rory هذي نقطة ضعفها !! وما كانت توكي تعرف , ما تشوف Rory الا طيران حق الموليخية وبعد فتره الا هي طايحة مغشي عليها.
النتيجة :
المعركة الاولى
فوز توكي
الطريقة :
موليخية بالارانب و مسمومة
التقنيات :
والله مافي بس اقدر اقول تقنيات غبية
وبعد هذا القتال الرائع بين توكي و Rory واصل الاصدقاء طريقهم من خلال الاخت alaml 13 حيث كانت تدلهم على الطريق وفجاه وقفوا :
1 ) مرو على مدرسة بنات XD
2 ) شافوا محل لبيع البراتا
3 ) نسو المفتاح في الباص
الاختيار الثاني , وقفوا شوي يتريحو في محل البراتا وكل واحد طلب له براتا على صالونه وقعد ياكلها من اطرافها حتى جذورها دعية شمبو بانتين بروفين XD المهم ولما كانا ناكل وجبتنه اللذيذة دش علينا واحد متلثم و عنده سيوف وقام يتمهزل على King sarab بس تعرفون سراب ابرد منه مافي ولا كان صار شيء بس ذلك الشخص تمسخر على مكانس سراب و سراب شوي تاثر مو كثير بس حرك رمش XD بس مشاها بس يوم جاء وقعد يغلط على الفانتم جروب خلااااااص على طول سراب شال مكانسة وقاله تبي تتسطر امش اطلع برع .
يترى شنو بصير ومن هذا الملثم هذا مراح نعرفه في الجابتر الجاي
وشكرا ^^
رد مع اقتباس
المشاركة الأصلية كتبت بواسطة مشـاري
حلوة حلوة 
اهااا اي زين تبينا انصدقك يعني .... 
اصلــــــــــــــــــية
