مــاالــذي أنجــزته؟؟‍What have you Done

[asf4ever]

بسم الله الرحمن الرحيم
والصلاة والسلام على أشرف الأنبياء والمرسلين
إحم..
كني بديت خطبة...

كلكم تعرفون إننا في منتصف الإجازة الصيفية وباقي مثل إلي راح عالنهاية
وشاركنا بمواضيع عرضنا فيها مخططاتنا الصيفية...
لـــكن من منا أنجز إلي فكر فيه؟؟
هذا هو الموضوع بختصار "شو أنجزت من مخططاتك في الإجازة الصيفية؟؟"
بعضكم ممكن يفكر إذا كان هذا الموضوع بوقته وإنه ممكن يكون أحسن لو كل حد تكلم عن إلي أنجزه في نهاية الإجازة
ولكن الهدف من هذا الموضوع بالضبط إنك تنتبه للي أنجزته وما أنجزته وتحاول تعدل باقي الإجازة "يعني إنسى إلي راح وفكر بلي ياي"
أعترف إني طولتها وهي قصيرة بس أحب أتفلسف-__-
+=+=+=+=+=+
المووهم أبدى بنفسي^^
خطتي في أخذ رخصية قيادة الحاسب الآلي (نص فشلت) لأنه الديوان المبجل كنسل السالفة وممكن أخوي يدفع ثمن دورة لي..

وأما خطتي في تعلم السواقة بعد(نص فشلت)لأني ما سقت السيارة غير مرة وحدة بس-__-

وكنت افكر أخذ كمبيوتر يديد بس بعد (فشل تام) لأسباب إقتصادية لا دخل لها بسياسة العراق

ولكن ولله الحمد تعلمت شوي في الفوتوشوب والشكر كله للمنتدى في منتدى "دورة الفوتوشوب الصيفية"
وبعد دخلت السينما لأول مرة في حياتي هالصيف
أول فلم شفته هو فلم مصري إسمه"زكي شان" وحلو الفلم
ثاني فلم هو فلم "باتمان بجينز" وهو أول فلم لباتمان عجبني لهدرجة
وثالث فلم هو فلم"وور أوف ذا وورلد" وبالنسبة لي كان فلم عادي جدا جدا

وفي هالإجازة لعبت"زيلدا:ماينش كاب"لعبة رووعة/أتلر آيرس رسم ثنائي أبعاد بس لعبة تستاهل/ستار أوشن..ما لعبتها وايد بس كبداية ما شدتني كثير..

وفي عالم الأنمي شفت kimi Ga Nozomu Eien وإذ خلينا -اللقطات الماصخة-على جنب فالأنمي قصته حلوة ودرامي ومحزن بشكل ولكني أفضل الأنمي الكوميدي>.>
+=+=+=+=+
نعم هذا ما أنجزته...كله لعبان بلعبان

ولكن ناوي إن شاء الله أعدل الوضع
وأول شي اسويه بإذن الله إني اشترك في مسابقة للأسهم ومضمونها
يعطونك مليون درهم"وهمية"تدخل فيها بالأسهم لمدة نص شهر وبكون فيه 15 رابح في المسابقة
تاريخ التسجيل بيخلص 9-7 إن شاء الله ألحق بس (إذا حد من الإمارات فكر يشترك يخبرني..)
وغير هذا في الوقت الحالي ما عندي شي أسويه
+=+=+=+=+
الحين ممكن تجاوب على السؤال:
شو إلي أنجزته في الإجازة للحين؟؟

ونشوفكم على خير يالطيبين...

P.S:ما أحب أسوي مواضيع-__- بس هذا إلي يسمونه "في السنة حسنة" والموضوع هامني بعض الشيء

[Xo0oX]

اهلاً ..

والله يمكن سويت شي من مخطاطاتي بس طفشت وتركتها ..

كلكم تعرفون إننا في منتصف الإجازة الصيفية وباقي مثل إلي راح عالنهاية

ياخي لا تقول انتصفنا بالإجازة تونا بالبداية .. والله يوم قريت هذا ضاق خلقي مرة ..

[smigle]

هلا بحبيبي عصفور.

تراك على فكرة تذكرني بنفسي، مسألة السواقه وايد تأخرت لين سقت السيارة، أو بالأحرى سرقتها قبل ما أقدم على الليسن بيوم واحد بس،بل أذكر أن أهلي واااايد كانوا مأمنين علي أني ما أبوق السيارة (خبرك الأبن المثالي) لدرجة أن خالي بدأ يخاف علي ويطلب مني أني أسرق السيارة وأسوقها "علشان ما يتفشل جدام الضابط لما أروح أقدم على ليسن وما أعرف شي"
وأيضاً سالفة الفايننشل بروجكتس دائما أنخذل فيها، لأني ما عندي مدخل مالي خاص فيني، بس بصراحة أخوي وأخواتي ما قصروا فيني.
أنا للأسف (أو يمكن لحسن الحظ) ما عندي شي أسمه إجازة صيفيه، لأني موظف وأحدد إجازتي وقت ما أبي (بشرط ما تتعارظ مع أحد زملائي في القسم).

إجازتي باخذها في 13/8/2005 ومخطط على بلاوي. بس مخلنها مفاجئه لأهلي في البيت وأصدقائي في المنتدى، أنا من الحين بادي في التجهيزات وإذا مشى كل شي على ما يرام، تأكد أنكم أول ناس راح يعرفون عن المفاجعه "الفاجعة" هؤ هؤ

[الموهوب]

اكسترا******* هع هع

[Trapped Inside]

اي ولله حتى انا ضاق صدري -_-

وش الي سويته ؟ ..

ادخل الحمام من دون ما اسكر الباب .. هعععع XD ..

كله لعب .. فضاوة .. نوم .. طلعات .. وانا مرتاح بذا الوضع مو مثل البعض الي هنا همهم يسوون شي مفيد ..

وموفقين للي يبغون اسوي اشياء يبون يسوينها >.> ^^ ..

مشكور اسفوه عالموضوع ..

[Macho Man]

ياخي لا تقول انتصفنا بالإجازة تونا بالبداية .. والله يوم قريت هذا ضاق خلقي مرة ..

مثلك تماماً ..


--


والله انا حتى الان ماسويت اي شــي ولا أبــي اسوي بـعـد احب اعيش كذا لا مشاغل ولاهموم يكفـي الدراسـة 4 شهور متواصلــة ..

[Rory]

المشكله إني الوحيده من ربعي مب ماخذه كورس صيفي
فالكل يقول "ليش ماخذتي؟" أو "مب أحسن الحين لو إنتي مخلصتلج مادتين من هاي الفضاوة؟"
الصراحة عاد أنا عايبني وضعي
خلصت تقريبا أشوف كل الأفلام إلي كانت في بالي وأبغي أشوفها ..
خلصت كم أنمي كنت متحمسه لهم .. وكم مانجا .. ولا ننسى القصص طبعا ..

وسجلت في نادي .. مع إني أسير متى ما أبغي
رتبت جدولي حق بداية الكورس الياي وسجلته ..
اممم .. شو بعد ..
الليسن للحين الأهل مب مقتنعين واايد .. فلذلك أنا تقريبا فقدت الأمل لأني ماحب أعيد وأزيد وأحن ... I get bored >_>'
فخلهم متى ما يقتنعون إني جاهزه للسواقه بسوق ..


أصلا أحلى ما في الإجازه إنه مب لازم تسوي شي!
مادري ليش يقولون ملل ..

i just totally am lovin' it
وإن شاء الله الباجي بعد يمشي نفس الحال .. ويمكن نطلع من الشارجة لراس الخيمة أو بوظبي .. مب متأكده وين


ثانكس أسف عالموضوع و ..
enjoy those lazy hazy crazy days of summer

[leopard_1]

هلا اسف ... اشحالك

اممم ... والله الاجازه عندي روعه بمعنى الكلمه .... الحين اداوم <<<< اسوي علاقات ومشاكل خخخخ
بس شكلي بفنش مليت اوووف .... واتريا السفر 20/7 .. اتخيل بسير بريطانيا ويمكن فرنسا بالقطار على حسب المزاج ... بس الحمدلله مابسير ويا الاهل <<<< فكه منهم نياااههاااا... بسير ويا شباب <<< اخاف ارجع بمصايب لوووول ... بتم شهر انشاءالله ... اممممم وبس هاي اجازتي .... طبعا شهر 6 كان لعب في لعب وسيرات دبي وبوظبي وهياته في الفريج
هاذي اجازتي

بعدين تعال شو سالفة المليون درهم <<<< سال لعابي

[Lena]

(tadadaaa coming from the no where peeking at the montada)


روعه الموضوع وبالعكس اكثر شي شدني كلامك الي اول شي والي تقول عليه فلسفه بالعكس عندك هدف نبيلXD

بما اني سوف ادوخ قريبا من النوم سوف اسرد ماعملته بالعطله على شكل نقاط مع القليل من بهار "تحشيش النوم^^;"

علما بانها اكثر عطله اتوقع سويت شي فيها مفيد للحياة

"يالله اسلوبي صاير اسلوب كتب-_____-"

اني ويز :

-بدايه العطله ظروف الله لا يعديها فما انجزت كل شي وكان حوسة وانتهت بحاله ربو الله لا يبلاكم وسقطت طريحه الفراش

-بدا عمل ترميم في بيتنا فكان طول الوقت طلعات عشان نختار البلاط والاشياء هذي وقعدت اصمم اشكال الحمامات وكان شي حلو ونافع ومفيد بنظر اني شاركت في جزء في البيت

-في وسط كل هذا حاولت اني اسوي الاشياء الي كنت ابيها من رياضة - اعتناء بنفسي الخ (خرابيط بنات وش تبون؟ )بس بالنسبه لبنت هذا شي مفيييييد مرة

-ااخيرا وليس اخررررا اهم حدث في هالعطله وفي حياتي حتى الان واعتبره عملي ومفيد اني شاركت بمشروع مع شركه والمشروع عن الرسم وهالشي اموت فيه

والله شي رسمي وحركتات وطول العطله من يوم اجزت ولحتى الان وانا مسافرة لابتوبي معاي اكرف عليه بس وناااااسه يا اسفوه هالكرف لاني احس اني اسوي شي مفيد في الحياه اترك بصمه وكذا مليان الوقت مايضيع وقتي هبااااء

-لما ارجع للدمام ولما يخلص المشروع سوف يبدا مشروع اخر وهو : "الطناش"

من جد من يوم عطلت كلها ظروف وتعب وخياس ماستهبلت ولا فهيت ولا طلعت وجيت وانبسطت فابي افرغ شحنات هالرغبه عشان لا تصير عقده نفسيه ههههههه

وسلامتكم ^_____^

[Lena]

إجازتي باخذها في 13/8/2005 ومخطط على بلاوي. بس مخلنها مفاجئه لأهلي في البيت وأصدقائي في المنتدى، أنا من الحين بادي في التجهيزات وإذا مشى كل شي على ما يرام، تأكد أنكم أول ناس راح يعرفون عن المفاجعه "الفاجعة" هؤ هؤ

بتتزوجi knew it i can sense it <==وجه معبر

(her head is damaged because of the million weddings she went to this holiday)

[smigle]

بتتزوجi knew it i can sense it <==وجه معبر

(her head is damaged because of the million weddings she went to this holiday)

Lina.........Lomg time no see

Regarding mirrage!!!!!well we'll see if you are right or not

but notice that I said that it is a surprize to my (Family ) & friends in the Montada, do you think that I'll surprise my family by getting married

and regarding the million weddings.....the same here
my family is going like EVERY DAY to wedding parties
they are even in Kuwait now attending a wedding and left me home alone, I kind of like it any way

[Angel whisper]

هلا آسفوه ..

الليسن - تكنسل "حاليا" بما اني تعقدت نوعا ما من السواقه ..

افلام وانمي اكثر ومانجا - ناجحين للغاية ..
ووور اوف ذا وورلدز كان رهيب .. وعيبتني نهايته .. والفلم له كم معنى خلوني افكر وايد ..

رياضة - وقف مؤقتا لانه ظهري يعورني ..

القراءة - ناجح بعد ..

الشوبينق - ناجح للغاية

[Prince Of Darkness]

ممم ، أهم شي ممكن القول إني أنجزته : بناء جسمي XD أو بالأحرى وصّلت جسمي لمرحلة جيدة من القوة والتناسق والجمال "-_-

طبعا عن طريق : رفع حديد + سباحة ...

والشي التاني : قوّيت نفسي بالفوتوشوب ، وصرت أصمم عالخفيف

أما باقي الشغلات اللي بسويها بالإجازة لا تضر ولا تنفع
Movies , TV , Internet , etc ....

مشكور آسفوه

[DreaM]

السلام عليكم .....

أولا احب اوضح ان هناك فرق بين الانجازات و اللي تعمله بشكل يومي أو اسبوعي ...
و فرق معنوي بين ( What have you Done ) و ما انجزته .. فرق كبير جدا ...
وإذا كنت تلعب لعبة ما يعتبر انجاز , أو تطالع انمي ما يعتبر انجاز , أو تروح السينما ما يعتبر انجاز .....

أفضل الانجازات اللي تفيدك و تفيد غيرك و المجتمع ..
فلو تلتحق باي عمل صيفي تقدمه دولتك راح يفيدك ماديا و معنويا , تبي نفسك بنفسك , بدون الاعتماد على غيرك .
او تحاول ان تتعلم ما هو بصالح و ما ينفع عمرك , فلو كنت فوق ال 18 سنة فهنا تكون لديك الفرصة بتعلم القيادة لو لم تحصل عليها ..
او ان تلحق باي معهد صيفي و تحصل على شهادات اجنبية مشهورة , مثل شهادات كامبريدج في عدة تخصصات
كادارة الاعمال المكتبية , او اللغة الاجنبية , أو تقنية المعلومات , او الدراسات في مجال المال والاسهم .
و إن كنت لا تستطيع تحمل نفقات هذه الانواع من الدراسات و كنت تتابع الانترنيت حاول التعلم النفسي
عن طريق دروس المواقع والمنتديات , كمثال دروس احتراف الفوتوشوب الذي وضعها الاخ حسان النجار .
او تصميم المواقع وتطوير المنتديات , فلها مستقبل كبير و مجالات عمل واسعة .
بالفعل ها هنا تستطيع ان تعتبره انجاز كبير لإثبات النفس و الشخصية .

والسلام عليكم .

[7_Dark Soul]

كلكم تعرفون إننا في منتصف الإجازة الصيفية وباقي مثل إلي راح عالنهاية

هي هي اجازتك هي الي في النص احنا مالنا شغل فيك

انتو الاجازة وصلت نصها عندكم !!!!

الاجازة يالرجال توها بادية

لا تقعد تحطمنا


احم ....

المهم

الانجازات الي سويتها في ذي العطلة اعتقد ان اهمها

اني عن قريب جدا راح اشتري سيارة
يعني انجاز غير مكتمل

و بعد تقويت في الانجلش و دخلت معهد و كثرت العاب و قمت اطالع افلام امريكية و انيمي علشان اتقوى زيادة

نصيحة: لا تعتمد على الافلام الامريكية علشان تتقوى قي الانجلش لان اكثر كلامهم........(طووووووووط)

و لياقتي البدنية زادت و اشتدت قوت جسمي بسبب النادي


هذا الي اعتقد قدرت اسويه في ذي الفترة القصيرة