محتار ومحتاج رايكم

[Marzouqi]

السلام عليكم..
أريد اشتري سيارة بس محتار بين الـ BMW الفئة الثالثة والمرسيدس فئة C
أريد اعرف أي وحدة احسن من ناحية الكفاءة.. يعني أي وحدة مشاكلها اقل .. لاني سمعت ان المرسيدس صارت تطلع فيها مشاكل..
شوروا علي.. شو الاحسن..
ومشكورين ..

[MR.أستبنه]

اخوي
انا اعرف واحد اشترى المرسيدس سي
بس والله ما يمدحها
كله يعيبها
بس ما ادري العيب من السياره ولا منه
على العموم السياره حساسه ولا تتحمل الكرف

[Marzouqi]

مشكور اخوي على ردك..
وهذا اللي انا بعد سمعته .. يقولون كل يوم والثاني طايحة في الوكالة من كثر مشاكلها.. مع اني احب المرسيدس..
والبي إم... تتحمل الكرف والا لأ؟؟
لان انا في رايي أهم شي ..سيارة تتحمل الكرف وما تطلع منها مشاكل..

[MR.أستبنه]

اذا انت راعي كرف
ابعد عن الالماني
دور لك ياباني ولا امريكي
لانها سيارات كررررررررف

[راعي الجي تي آر]

الفئة الثالثة الجديدة حلوة
خذها

[Dark Watch]

والله شو رايك تاخذ لك افالاون ولا لومينا اس اس