شباب اي كرت افضل ؟؟؟

[ahram]

شباب انه جريب انشاء الله اشتري لي كمبيوتر .. و هاي الكمبيوتر اكثر شي بكون معتمد عليه حق الالعاب طبعا طبعا
بس انه محتار شنو الكرت الي اشتريه
رحت سئلت محلات بس معظمهم ما يعرفون وايد فهالسوالف وو الكروت قديمة عندهم
انه الصراحة فالمحل الي بشتري منه الكمبيوتر انشاء الله راواني الهندي ثري دي تم يمدح فيه يقولي ذي قوي و بيشغل لك الالعاب على مستوى قوي >>> لا تخافون الهندي حسيته خبير ... اسم الكرت هو Geforce PCX 5300 كان اب79 دينار

المهم و بعد فترة لقيت محل ثاني ما عنده اله ذي الكرت قوي الي اهوا اسمه Geforce PCX 5750 و كان اب73 دينار
و انه الصراحة محتار اي الكرتين آخذ لاني الصراحة ناوي اشتري شي عدل من
البداية عشان اتهنى فيه

و سألت ناس و جذي في واحد خبير في هالسوالف قالي: بعطيك مجموعة اسامي كروت ... رتبهم لي بالترتيب حسب القوة و اهما :
ATI Radeon X800 256MB 256 Bit

ATI Radeon X700 256MB 128 Bit

ATI Radeon X600 256MB 128 Bit

ATI Radeon X300 256MB 128 Bit


و شباب انه كلش كلش يمكن اطلب لي كرت من النت .. فأبي تعطوني موقع مضمون 100% انه يوصل الكرت لي لين البيت و ما يبوقني خبركم انه واحد على قد الحال

و مواصفات الكمبيوتر الي بيركب عليه الكرت اهي :
Intel P4 3.2 GHz HT cpu (EQUAL TO 6.4 GHz)
Intel® Desktop Board D915
1 MB cache/800 FSB
1024 MB DD Ram with 400 MHz
DVD ReWriter + & -
1.44 Floppy Drive
120 GB Hard Drive 7200 RPM 8mb
32 bit full duplex intel sound
56k V.92 Voice/Fax/Data Modem
multimedia Keyboard
Scroll 3D Mouse
Stereo Speakers
Stereo Headphone With Mic
17' LCD MM TFT


و اذا في كرت قوي اقوى من الي انه كاتب عنهم في حدود 80 - 100 دينار او اكثر بشوي يا ليت يقولي عنه

و آآآآآآآسف جدا جدا على الاطالة و ارجو ان تعطوني الاجوبة قبل اسبوع من الآن لانه الاسبوع الجاي بشتري الكمبيوتر و بيكون ال 3d card المركب عالكمبيوتر اهوا Geforce PCX 5300 === يمدح فيها الهندي
هاي في حالة انه محد رد علي او انه اقنعتوني في الكرت ...ذي من ميزاته الي اذكر اني قريتها من ورا علبة هي
128 MB
256 bit
200 million عدد الوان مادري شنو بالضبط انه الصراحة ابي سعر كل كرت فالبحرين ان وجد او بالدولار اعتقد ملاحظات جيدة خخخخخ ناقل المواصفات من ورقة بالضبط مالت العرض

[الحاسم 2004]

اخوي موضوعك في مكان خاطئ يجب ان تسأل في قسم الهارد وير

عموماً
اطرح لنا كم ميزانيتك وما بيقصروا الشباب وانا اولهم

[MustafaMM]

أخي يجب طرح السؤال في منتدى الهاردوير
على كلاً

ATI Radeon X800 256MB 256 Bit

هو أفضل ما ذكرت وقرينه من الـ Nvidia هو 6800 GT
ولكن ان كنت ذوي الدخل المفتوح فعليك بالـ 7800 GTX
ولكن اتمنى سماع الميزانية المخصصة للكرت وسترى منا
ما يرضيك بإذن الله تعالى

[aifo]

أخوي ما شاء الله عليك

جهازك مره قوي -أكيد جديد-

عموما يا اخونا الكريم ahram

كرت الشاشة اذا كنت ستستخدمه للالعاب فتحتاج الى كرت قيمته فوق 500 ريال حتى يتمكن من تشغيل الالعاب الجديده

اذا انت ما انت من اللي يلعبون الالعاب فما يهم نوع الكرت (ما يفرق كثير)

لكن ان كنت راح تستهلك جهازك بالالعاب

فأنصحك بشراء الجيل السابع من geforce

أول كرت لهم اسمه geforce 7800 GTX

وقيمته حوالي 600 دولار!!!

لكن اذا تبي شيء جيد وبسعر معقول فأنصحك ب 6600GT

هذا أفضل عرض ممكن انك تحصله

سعره حوالي 150 دولار

ويشغل كل الالعاب الجديده على البي سي بدون أي تقطيع

[الخيال المتلاعب]

يقولي ذي قوي و بيشغل لك الالعاب على مستوى قوي >>> لا تخافون الهندي حسيته خبير ... اسم الكرت هو Geforce PCX 5300 كان اب79 دينار

المهم و بعد فترة لقيت محل ثاني ما عنده اله ذي الكرت قوي الي اهوا اسمه Geforce PCX 5750 و كان اب73 دينار

<>
<>
<>
أخوي هالهندي بياكلك أكل

الأسعار هذي نااااااااااار
<>
<>
شوف أخوي بتلقى كرت 6600 جي تي بسعر 150دولار ويشتغل ضعفين أو أكثر هالكرتين مع بعض ولو دخلك مفتوح أكثر شوف لك 6800 جي تي بسعر 300 دولار ويشتغل ضعفين الكرت اللي قبله اللي أهو 6600 جي تي هذا إذا تبي جي فورس

أما إذا كنت تبي تشتري ati فأنا ما أحب ولا أعرف هالكروت ولكن في ناس واجد يمدحونها as well as nividia

[MohammedSF]

أخي ahram...

تقول أن :
Geforce PCX 5300 بـ79 دينار
Geforce PCX 5750 بـ73 دينار

كيف؟ بطاقة PCX 5750 أسرع من البطاقة PCX 5300 بأكثر من الضعف ولازم تكون أغلى!
البطاقة PCX 5300 بسعر 95$ و البطاقة PCX 5750 بسعر 135$

و الثنتين ما يدعمو 256 بت للذاكرة و هذي ميزة للجيل السادس و السابع!

كما إني ما فهمت أيش تقصد أن المعالج يساوي 6.4GHz ؟ هل هذي المعلومة من عندك أم البائع قالها لك؟؟
يا أخي ولا أقوى معالج من إنتل وهو (P4EE3.73GHz) ما رح يشتغل على سرعة 6.4GHz حتى لو عملت له (سوبر سوبريم ألترا أوفركلوك) مع تبريد (بغاز النيتروجين السائل) !

لنعد للبطاقات...

PCX من جيل Geforce FX الذي يعتبر الجيل الخامس ، لذا حدد ميزانيتك (بالدولار) حتى نتمكن من مساعدتك..

هذه أكثر بطاقات nVidia شهرة:

6600GT ، أفضل أداء بقيمة ممتازة في متناول الجميع
6800GT ، أداء رائع جداً مع قيمة جيدة
6800Ultra ، وحش من وحوش nVidia يكشر في وجه كل الألعاب لكن سعره بعدد أنيابه!
7800GTX ، الدفعة الأولى لبطاقات الجيل السابع وهي آخر ما توصلت إليه التكنولوجيا كما أنها الأغلى سعراً

أما بطاقات ATI فهي قوية جداً أيضاً مثل X800XT و X850XT و يجب أخذها بعين الإعتبار و لكن لا ينصح بها لأنها لا تدعم تقنية Pixel Shader 3.0 للألعاب المستقبلية ، لذا ليست جاهزة لألعاب المستقبل مما يجعلها تتصبب عرقاً لتشغيلها...

و هذه هي مواصفات PCX 5300 للإخوة الذين لا يعرفوها :

المعالج: Nvidia Geforce PCX 5300
عرض حزمة ناقل المعالج: 256بت
تردد الساعة للمعالج: 250 ميجاهيرتز
الذاكرة: DDR-SDRAM 128MB
عرض الحزمة للذاكرة: 64بت
تردد الساعة للذاكرة: 400 ميجاهيرتز (التردد الفعلي)
تردد المحول التشابهي الرقمي: 350 ميجاهيرتز
الناقل: PCI-Express 16x
التقنيات المدعومة: CineFX2.0 , Accuview AA , DVC , nView , DirextX 9.0 , OpenGL 1.4

و هذه هي مواصفات PCX 5750 للإخوة الذين لا يعرفوها :

المعالج: Nvidia Geforce PCX 5750
عرض حزمة ناقل المعالج: 256بت
تردد الساعة للمعالج: 425 ميجاهيرتز
الذاكرة: DDR-SDRAM 256MB
عرض الحزمة للذاكرة: 128بت
تردد الساعة للذاكرة: 500 ميجاهيرتز (التردد الفعلي)
تردد المحول التشابهي الرقمي: 400 ميجاهيرتز
الناقل: PCI-Express 16x
التقنيات المدعومة: CineFX2.0 , Accuview AA , DVC 3.0 , nView , DirextX 9.0 , OpenGL 1.5 , Intellisample , UltraShadow , Pixel Shaders 1.0

و يتضح من جدول المواصفات أن PCX 5750 ستقدم ضعف سرعة PCX 5300 ولكن هذا لا يعني أني أنصح بها ، لأن بطاقة 6600GT كفيلة بإسكاتها تماماً!

بالتوفيق...

[Gentleman]

سؤال داش عرضضض

هل كرت 6600GT يدعم ال Pixel Shader 3.0

[ahram]

شكرا شكرا على هاذي المعلومات و الصراحة انه مو متأكد من نوع اول كرت ذكرته بالاول الي اسمه .. بعدين بتصل بالمحل و بتأكد من الاسم

بس شباب معا هالكروت الي قلتو لي عليها يا ليت كنتو عطيتوني مواقع تبيع بالنت و مضمونه 100% لانه احنا عندنا فالبحرين اسعارنا كلش نار

و على فكرة الكمبيوتر الي بشتريه بدون الكرت يساوي = 440 دينار >>>> هل يسوي هالمبلغ ؟؟

المهم انه ميزانيتي حق كرت ثري دي هي 300 دولار .. عاد شوفو على ميزات الكمبيوتر ابي كرت يكون وواضح و ما يقطع ابي العب فيه بوضوح عالي

انه شكلي نويت عالجيفورس شباب .. الreadon حقي تعقدت منه

[ahram]

تصدقون شباب انه اتصلت بالمحل و يوم سألت عن الكرت GF 5300 بروحه اب 128 دينار >>> اهوا كان حاسبه لي معا الكمبيوتر الي ذكرت ميزاته فوق اب 79

مشكلة احنا فالبحرين ما عندهم المحلات الكروت الجديدة و تبيع الكروت الدايخة بأسعار عالية يعني كله بوق و نصب :vereymad:

يقولون الي يسأل ما يضيع انه من جذي اسألكم .. انه دش في راسي كرت GF 6800العادي لقيته اب 300 دولار و الالترا لقيته اب 400 دولار .. بشوف عالميزانية و شكلي بأخذ الاقوى

بس انه افضل انه بعد تعطوني موضع مضمون 100% لانه ما ابي ادفع مبلغ و بالاخير توصل لي البضاعة مكسرة:vereymad: و ابي اعرف كم يوم عشان توصل البضاعة .. و شكرا

[ahram]

على فكرة انه آسف اذا كنت غلطان بس الكرت الي نتكلم عليه من مدة اهوا GF PCI-Express 5300 .... فهل يفرق بين GF PCX 5300 و GF PCI-Epress 5300 ???

بس ما عليكم شكلي شلت هالكرت من راسي و يالس
افكر اشتري من النت فأبي معلومات عن المواقع الي تبيع و ناس مجربة و طبعا طبعا سعر رخييص

[عمود ارتكاز]

انتبه تاخذ كرت 6800 عادي لازم يكون GT

[moulham00]

ممكن تحطو لنا مواصفات ال gt6600 و ال 6600

[ahram]

امممممممممممممم
رفيجي يقولي خذ لك Radeon الانواع الجديدة و الي كتبتها لكم في بداية الموضوع و قالي يبيلك ال Radeon X700 او اقوى على ميزانيتك

قالي بعد فالسعودية الاسعار رخيصة .. انه خوب عاد انه و الوالد ما نعرف اله مجمع الراشد .. فيا ليت احد يكون من الشرقية يقولي كم اسعار الRaneon X 700 و X800

و انه بشوف بعد اذا ممكن احصلها فالبجرين بسعر معقول او كلش كلش من النت

و شكرا

[الخيال المتلاعب]

امممممممممممممم
رفيجي يقولي خذ لك Radeon الانواع الجديدة و الي كتبتها لكم في بداية الموضوع و قالي يبيلك ال Radeon X700 او اقوى على ميزانيتك

قالي بعد فالسعودية الاسعار رخيصة .. انه خوب عاد انه و الوالد ما نعرف اله مجمع الراشد .. فيا ليت احد يكون من الشرقية يقولي كم اسعار الRaneon X 700 و X800

و انه بشوف بعد اذا ممكن احصلها فالبجرين بسعر معقول او كلش كلش من النت

و شكرا

أنسى موضوع السعوديه


بس لو أقول لك أن 6600 العادي ب1100 يعني 110 دنانير وأن ال6800جي تي ب2450 يعني 245دينار

ما يحتاج نكمل رح أشتر من النت أحسن لك

[aifo]

أخوي أنصحك ب 6600 جي تي

وأنصحك تشتريه من النت

لأن سعره هالايام مررررره رخيص

(بسبب نزول الجيل الجديد من nvidia)

وعلى فكره

فيه كروت جديده لشركة ATI راح تنزل بعد حوالي اسبوعين من الان

راح يكون منافس ل7800GTX من شركة nvidia


عموما انت حر وبكيفك