احمد ربك لاقين قاعه ..
موب مثلنا جامعه ميزانيتها ميزانيته دوله ومو لاقين لنا قاعه
وبالاحرى حتى لو لقيتو الدكتور ماراح يجي ..
هذي تهون .. المشكله لما تسجل ماده بالصيف من 10 - 12
وترجع تلقاهم حطوك بفتره من 1-3 يعني حر وقرف وش اقول بس
---
* مكافاءت مشحوده*
اول سنه لي بالجامعه طبعا واشوف ان الجامعه قمه الانتظام والالتزام وصرح تعليمي تحسده جامعات العالم كان اول يوم لي اسوا يوم في حياتي * حياتي قبل الجامعه كانت نعمه ودلع وراحه بال * المهم ..
قالو لنا لازم تجون توقعون وتسلمون بطاقات البنك .. طبعا انا ماجاء في بالي الا النظام الي راح يصير وابتسامه الموظف الصباحيه والهدوء والمحبه الي راح تسود بيينا في مبنى استلام البطاقات ..
خطوت لهم خطوات طفل متجه نحو "Toys r us " طبعا مااننسى طالب جامعي اول سنه
شايف ان الدعوى رسميه ومتكشخ ومحترم
وكانت الصدمه .. وش السالفه وش صاير ..* مالايقل عن 300 طالب* بدون مبالغه واقفين قدام باب عرضه مايتجاوز المتر الواحد .. بانتظار 990 ريال تنزل كل 50 يوم ..
مو مشكله ننتظر عاد وقتها كنت مخطط اشتري فلات سكرين
وفيه خضم المعركه التي حصلت جاء مايسمى بمسؤول عن المكافاءات وتعالت اصوات الطلاب
ولوهله حسيت اني بمزاد علني ..
بعد الكر والفر الي حصل والمشادات الكلاميه مع المسؤولين في الجامعه الكريمه
حصلت اخيرا على البطاقه الجامعيه واتسعت عيني وبدات تتلالاء بين صفوف الطلاب المساكين..
----
* شعرك طويل *
شعرك طويل " اطلع برا" بقسوه غير مسبوقه صرخ بوجهي دكتور الكيم 106( أي طالب علوم صحيه صيدله او طب بشري او طب اسنان لايدرس عند الدكتور التالي اسمه ) ..
كان صباح يوم احد والشمس لاتنذر بااي حرارة بالاجواء وفي يدي اليمنى قهوتي الصباحيه
واتطلع باشفاق لاول محاضره كيمياء عضويه عند الدكتور المدعو: **** المــا*ـد
كانت المحاضره على الساعه 10 وحضرت قبلها بدقيقتين وتفاجاءت بالدكتور موجود ..
استاذنت بالدخول .. ورمقني الاخ الدكتور بنظره مجهوله الفحوى
واعاد النظر الي اوراقه وبعد 10 ثواني ثقيله جدا ..
وش اسمك( بلهجه دكتور ماله خلق) .. اسمي زياد
![أبتسامة قوية](http://i.remal.com/img/smilies/biggrin.gif)
بكل براءة ..
شعرك طويل .. اطلع برا ...
انا مع الدكتور في مساله الشعر الطويل بس الي قاهرني ..
* انه شعري قصير بوقتها*
----
* طلاب جامعه *
انا مايقهرني بالجامعه الا كل شىء فيها
![أبتسامة قوية](http://i.remal.com/img/smilies/biggrin.gif)
و طالب ماادري مين قايل له انت كاشخ يجيك طبعا ماننسى الشماغ الي النشا يشكي منه .. والثوب الي يلق و * النظارة* الشفافه الشبيهه بنظارة رابح صقر ..
ويدخل القاعه بصوته الثخين المتعالي ومشيته البلهاء ونظراته الغبيه وحواجبه المتلاصقه انا مايهمني الي يسويه بس ابعرف وش هالمزاج والسبب الي يخليك تكشخ للجامعه
----
..الجامعه حاليا ..
بعد مايسمي بـ " الشغل الرسمي" او بالاحرى النظره الرسميه والفلكيه لجامعتنا صارت عندي هاليومين ماتتعدى نظرتي لـ.. ابو اسماعيل صاحب البوفيه ..
"في حاله ورود اي شىء بايخ الرجاء التماس العذر لي "