الساعه 9.00
انا دخلت الراشد وطلعت للستار بكس
لقيت احلى الاعضاء و اوسمهم و اذكاهم
الي هو انا اني كنت اناظر مرايه
المهم دخلت ستار بكس والقا فهد و خويه ماجد و معهم....
توكول ..... انا صدمت لاني ما توقت هذا شكله
كنت اتوقعه واحد اسود وقبيح من التوقيع حقه ( يعني افهموها تراني حلو زي برتني بس على رجالي ( حشى بدله مو انسان
ولا الولد ابيض محترم بس مقطعه الحيا
سلمت و رحت اطلب لي شي (ومحد عزمني وفهد يشرب قهوه وتارك توكول عطشان
المهم وانا اطلب ولا واحد داخل يسلم على العيال رحت اسلم
ما امداني اسلم عيه و اسئله وش اسمك ولا هو طالع
سئلت العيال من ذا قالو سنور لاكس
انا صدمت للمره الثانيه
الود صغير و شكله وديع كيف مسمي نفسه سنور لاكس ما ادري
المهم وحنا نتكلم ولا ماجد و توكول اختفو
طلعنا ندور عليهم وحنا قدام المقهى ولا واحد من اخويا فهد (امنيم ( على وصف فهد ) ) يجي يسلم
شوي ولا ماجد و توكول رجعو قعدنا نسولف قدام المقهى
والسكيرتي ذبحنا كل شوي يقول" لو سمحتو ممنوع التجمع "
وحنا نتحرك مترين و نوقف
وحنا نسولف جا واحد باين انه يعرف تو كول
سلم و طلع بلي ستيشن 2
وانا 24 ساعه ادقدق عل دجو
اخر مره كلمته قال انه قدام المقهى
و التفت و القاه واقف وراي و المسيقى تشتغل واركض و اصارخ دجو و هو يقول سهران ...... اعذروني تحمس على بالي فلم مصري
المهم سلمنا عيله ومعه باتي و خالد عبد الرحمن
قعدنا نسولف والسكيرتي المسكين شوي ويجيه سكته مننا و حنا نمشى مترين و نوقف
قعدنا نسولف او بالأصح قعت انا و سكوال نسولف والحيا مقطعهم كلهم بس مأحد لاحظ بسبب الصجه الي في المول
ومدري وش جاب الطاري وقمنا نتكلم عن اعمارنا
وانصدم للمره العشر طعش ( يا كثر الصدمات اللي انصدمتهاالليله)
لان بلي ستيشن يقول انه من مواليد 1406 او شي زي كذا والمشكله شكله ما يساعد يمشيها علينا لانه اطولنا كلنا وشكله ابو 4684125 سنه
شوي ولا بلي ستيشن 2 ماشي و لحقه تو كول
وشويه ثانيه ولا نزلت الرحمه على قلوبنا و قررنا نمشي شوي والسكيرتي شوي ويطير من الفرحه
قعدنا ندور ولا الساعه صارت 11.30 والمول يسكر 12.00
فتفرقنا و...... بس
...
