||-|| تاريخ ألعاب GTA على مر العصور ||-||

[DEATH DRAGON]

::



::



::







Grand Theft Auto


الجهاز : PS + PC + Sega Saturn + نيتندو 64 (بس ألغوا اللعبه على هذا الجهاز)

موعد الاصدار : 2 / 7 / 1998 <<<<<<< يوم ميلادي ^_^

التقييم : 6.0 / 10



::



اللعبه بسيطه مافيها تعقيدات .. اول ما نزلت اللعبة كانت بسيطه جدا و غير مشهوره مثل الاجزاء الحاليه .. و تقدر تسرق السيارات و تقتل ناس ابرياء و تسرق سياكل و تحارب القانون و تجعل الشرطه تلاحقك و كان فيه 3 عصابات باللعبه .. و لما تلعب تختار انك تساعد احد هذي العصابات ضد العصابات الثانيه .. و في عداد فوق على يمين الشاشه يحطون كل عصابه و شكثر تحبك او تكرهك .. اذا كانت تحبك كل ما تدخل مقرهم و الشرطه تلاحقك او العصابات الثانيه تلاحقك راح يساعدونك و يقتلونهم .. اما اذا دخلت مقر عصابه تكرهك راح يطلقون عليك النار و يحاولون يقتلونك .. و يوجد باللعبه حوالي 200 مهمه تنفذها



::



صور للعبه:












::



::



::



صوره الغلاف غير موجوده



Grand Theft Auto 2


الجهاز : PS + PC + Dreamcast + Game boy Color

موعد الاصدار : 22 / 10 / 1999

التقييم : 6.8 / 10



::



احد الاشخاص يدعى Dean Austin سرق النسخه الـDemo قبل نزولها بالاسواق و حطاها بأحد المواقع .. و 600.000 شخص نزل هذي اللعبه ! .. رقم كبير جدا بالنسبه للعبه بسيطه .. و بعد نزول الجزء الاول .. نزل الجزء الثاني بعده في سنه (تقريبا) .. واللعبه لم تختلف كثيرا عن الجزء الاول .. بس الاختلافات بسيطه .. حيث يوجد محطات راديو عن ركوبك للسيارات .. و اصبحت السيارات و الدراجات الناريه أسرع من قبل .. و زياده أنواع السيارات و اختلافها .. و العصابات مثل حالها .. و مثل النظام .. و تعددت الاسلحه أكثر في هذا الجزء .. اكثر من الجزء اللي قبله


::



صور للعبه:












::



::



::



يتبع .. ارجو عدم الرد

[DEATH DRAGON]

::



::



::



لا يوجد صوره للغلاف



Grand Theft Auto: London 1969


الجهاز : PS

موعد الصدور : 29 / 4 / 1999 (قبل GTA2)

التقييم : 7.5 / 10



::



الجزء هذا من سلسله ألعاب Gta جزء خاص .. ما تقدر تلعب فيه الا اذا كان عندك لعبه GTA الجزء الاول .. اهو مثل الجزء الاول .. بس يضاف عليه انك تلعب في مدينه لندن في سنه 1969 .. ايام عصابات المافيا و الاجرام .. اول ما تلعب تقدر تختار احد اللاعبين الاربعه Said Vacant, Maurice Caine, Rodney Morash, or Charles Jones و هذا الجزء الوحيد اللي تقدر تختار اللاعب بنفسك .. و هذا الجزء مافيه اضافات كثيره غير عن الاجزاء اللي طافت .. لأنه مثل الجزء الاول مع تغيرات بسيطه فقط !



صور للعبه:












::



ملاحظه : جميع أجزاء GTA على PS تكون 2D اي ثنائيه الابعاد



::



::



::



Grand Theft Auto: London 1961


الجهاز : PC فقط !

موعد الاصدار : ؟؟؟؟

التقييم : ؟؟؟؟



::



لا توجد أيه معلومات عن هذي اللعبه .. ولكن الواضح من الاسم انك تكون في مدينه لندن في سنه 1961 .. و لكن لماذا هذي السنه بالذات ؟ .. و لماذا هذا الاصدار ؟ .. ولماذا لا توجد معلومات عن هذه اللعبه ؟ .. الله أعلم !



::



لا يوجد صور للعبه



::



::



::



لا يوجد صوره للغلاف


Grand Theft Auto


الجهاز : Game Boy Color

موعد الاصدار : 22 / 11 / 1999

التقييم : 4.0 / 10



::



من الواضح من الصور ان اللعبه بسيطه جدا .. و الاسلحه قليله .. يوجد 3 مدن في هذي اللعبه .. و توجد أكثر من 100 مهمه تنفذها .. و اللعبه غير مشهوره .. و الناس انصدمت من هذي اللعبه السخيفه .. و الجرافيكس سيئه جدا جدا جدا !



::



صور للعبه:












::



::



::


يتبع .. أرجو عدم الرد

[DEATH DRAGON]

::



::



::







Grand Theft Auto


الجهاز : Game boy Advance

موعد الاصدار : 25 / 10 / 2004

التقييم : 8.5 / 10



::



هذا الجزء من سلسله ألعاب GTA أفضل من الاجزاء اللي فاتت (اللي كتبتها فوق) و هذا الشي واضح في الجرافيكس .. و من أفضل مميزات هذا الاصدار هي انه يوجد أكثر من 300 مهمه تنفذها .. و أفضل ميزه على ألعاب الجيم بوي و هي انك تستطيع ان تسجل في أكثر من خانه في اللعبه .. يعني انت تقدر تسوي لك لعبه .. و اخوك لعبه بروح .. و اخوك الاخر لعبه غير عنكم ^_^ .. مميزاته لا تختلف كثيرا عن الاجزاء السابقه .. مثل طريقه اللعب .. مع اختلاف البسيط للسيارات



::



صور للعبه:












::



::



::







Grand Theft Auto 3 ,, GTA 3 ,, Grand Theft Auto: Liberty City


هذي كلها أسامي للعبه العظيمه GTA 3


الجهاز : PS2 + X-Box + PC + جيم بوي ادفانس (لكنها الغيت)

موعد الاصدار : 26 / 10 / 2001

التقييم : 9.6 / 10



::



هذي اللعبه التي حطمت العالم وقت نزولها .. أخذت عقول الكثير و الكثير من الناس .. و اشتهرت شركه Rockstar بسبب هذا الجزء من اللعبه .. و اهم شي جعل اللعبه مشهوره هو انها 3D اي ثلاثيه الابعاد .. و يوجد باللعبه العديد من السيارات الجديده و لاسلحه الجديده و المهمات الجديده .. و يوجد اماكن سريه تلاقي فيها سيارات سريعه .. و الاسلحه الكثيره و المنوعه من الرشاشات و المسدسات و القنابل و قاذفه الصواريخ ... الخ .. و يوجد أكثر من 100 مهمه .. هذا غير المهمات الجانبيه .. و يوجد بهذا الجزء 3 مدن .. و كل مدينه توجد بها سياراتها الخاصه و السريعه .. و المساحه اللي تلعب فيها باللعبه كبيره جدا ... حيث تقدر انك تتنقل بأماكن كثيره و تستطيع أيضا شراء منازل و تخليها مثل بيتك ... تحط السيارات بالكراج و تاخذها متى ما تبي .. و تحفظ اللعبه في بيتك و لما ترجع للعبه تاخذ السياره علشان ما تختفي .. و المباني الكبيره و الطويله .. و الهيليكبتر و الطائرات .. ولكن في هذا الجزء .. اختفت الدراجات الناريه اللتي كانت من أفضل مميزات الاجزاء السابقه .. كل هذا موجود في GTA3 .. و وقت نزولها .. أخذت عقول الجميع !!



::



صور للعبه:












::



::



::


يتبع .. أرجو عدم الرد

[DEATH DRAGON]

::



::



::







Grand Theft Auto : Vice City




الجهاز : PS2 + PC + x-box

موعد الاصدار : 29 / 10 / 2002

التقييم : 9.7 / 10



::



في هذا الجزء جعلوا الراديو أفضل من قبل .. حيث اخذوا بعض من أغاني مايكل جاكسون و مادونا و بعض المغنيين العالميين .. و في هذا الجزؤ شهد عودة الدراجات الناريه بشكل رائع جدا !! .. حيث يوجد 4 انواع من الدراجات .. النوع الاول هو النوع اللي تقدر تسوي فيه حركات و يتقلب بسرعه و سهوله و تقدر تستخدمه في الشوارع و الهضاب .. و النوع الثاني هو سيكل هارلي و سرعته جيده في الشوارع فقط .. و النوع الثالث هو سيكل سكوتر و هو بطيئ جدا و يستخدم بالشوارع فقط ! .. و النوع الثالث اهو السيكل العادي .. سريع جدا في الشارع .. و أبطأ في الجبال و الهضاب .. و هو الاكثر استخداما .. و في هذا الجزء يكون عدد المباني اللي تدخلها أكثر من GTA3 .. حيث تقدر انك تدخل لأكثر من 10 مباني .. و في هذا الجزء تقدر تشتري مباني و ممتلكات اخرى غير المبنى العادي (منزلك) .. تقدر تشتري محطه تاكسي و تسوي المهمات اللي فيها .. و تقدر تشتري محل ايسكريم .. و عده انواع اخرى من المباني .. و الاسلحه في هذا الجزء كثرت بشكل جميل جدا .. حيث يوجد اكثر من 20 نوع مختلف من الاسلحه .. و لا تستطيع حملها كلها مثل الجزء الثالث .. و هذي مميزاته المختلفه عن GTA3 .. و هذا غير المهمات الكثيره و الرائعه .. و العديد و العديد من المهمات مختلفه الطرق .. و هذي اللعبه تعد من أفضل الالعاب بالتاريخ



::



صور للعبه:












::



::



::







Grand Theft Auto Double Pack



الجهاز : PS2 + x-box

موعد الاصدار : 21 / 10 / 2003

التقييم : 9.7 / 10



::



صدور هذي اللعبه كان لتصبير الناس على الجزء الجديد من GTA .. و هذا الشريط عباره عن GTA3 + GTA Vice City .. و الاثنان بسعر أقل من اللعبه الواحده !! .. يعني كان عرض جميل جدا ! .. و مافي شي نتكلم عنه .. لأنه عباره عن جزأين مع بعض علبه واحد ^_^



::



::



::


يتبع .. أرجو عدم الرد

[DEATH DRAGON]

::



::



::







Grand Theft Auto: San Andreas

و ايضا يدعى

Grand Theft Auto: Sin City



الجهاز : PS2 + x-box + PC

موعد الاصدار : 22 / 10 / 2004

التقييم : 9.9 / 10



::



سان انديرسياس .. هذي اللعبه حطمت العالم في موعد صدورها .. و يوجد بها الكثير و الكثير من المميزات .. و سوف أذكرها لكم هنا في هذا الموضوع .. اول ميزه و اهم ميزه فيهم كلهم .. انها عندما اللاعب يقفز في الماء فأنه لا يموت .. بل يسبح .. و هذي تعد من أفضل المميزات .. حيث في الاجزاء السابقه عند سقوط اللاعب ولو في الخطأ في الماء فأنه يموت و تختفي الاسلحه و كل شي .. و كان هذا الشي يقهر .. حيث الجميع تمنى في الجزء الجديد ان اللاعب يستطيع السباحه في الماء .. بدل ان يموت في كل مره يسقط فيها بالماء .. و بهذا الجزء تستطيع الذهاب الى الحلاق و تغير تسريحه لاعبك .. و تستعيط زياره محل الاوشام و تضع اوشام للاعبك .. و يوجد الكثير من المطاعم تستطيع الاكل فيها .. و تقدر تقوي لاعبك على الطريقه اللي تعجبك .. اي تقدر تخليه معضل .. او سمين .. او ضعيف ...الخ .. و يوجد العشرات من السيارات المختلفه و الجديده و السريعه .. و يوجد أيضا الـnitro لجعل سيارتك تطير من السريع .. ويوجد في هذا الجزء الدراجات الهوائيه .. اللتي تنقص لاعبك وزنه اذا استخدمها مده طويله .. و المباني اللي تدخلها .. لا تعد ولا تحصى .. و تستطيع شراء العشرات من المباني و البيوت .. و يوجد المئات من المهمات الرئيسيه .. و مئات اخرى من المهمات الجانبيه اللي لا تعد ولا تحصى .. و هذي اللعبه تعتبر تطور كبير في مجال الفيديو جيمز .. و هذه أفضل لعبه في سنه 2004 .. و اخذت عقول الكثيييييييير من الناس .. و حتى أحد الاشخاص بامريكا اعتقل لأنه حاول يقلد البطل في هذي اللعبه



::



صور للعبه:















::



::



::








Grand Theft Auto: Liberty City Stories


الجهاز : PSP

موعد الاصدار : في نهايه سنه 2005

التقييم : ؟؟؟؟



::



لا توجد معلومات عن هذي اللعبه بهذا الوقت ..



::



ولا توجد صور للعبه أيضا ..


::



::



::



::



و بهذا اكون قد انهيت تقريري عن تاريخ ألعاب GTA على مر العصور

اتمنى الموضوع عجبكم ..

التقييم ما ياخذ ثوان


و السلام خير ختام


السلام عليكم و رحمه الله و بركاته

جميع الحقوق محفوظه لمنتدى المنتدى

[الهروب العظيم]

موضوع جميل جدا ^^
حقيقة أبدعت في الشرح عن هذه السلسلة التي تعد من أعرق سلاسل ألعاب على البلاي بالنسبة
للكثيرين منا

سلمت يدك على الموضوع الرائع وتم التقييم ^^

[Action]

مشكور اخوي على هذا المجهود^_^
يعطيك العافيه اخوي
موضوع صراحه يستحق التميز!!
مشكور وماتقصر^_^

[msm]

يعطيك العافية اخوي ..

لا توجد معلومات عن هذي اللعبه بهذا الوقت ..
ولا توجد صور للعبه أيضا ..

في الواقع توجد بعض المعلومات والصور .. ستجدها هنا في المنتدى ..

[N E O]

موضوع ابداااعي بمعنى الكلمة...كانت بدايتي مع Gta1 وما كنت أعرف ألعبها وتركت هالسلسلة إلى ان جاءت Gta VC و Gta SA

تسلم على لموضوع وتم التقييم ^^

[DEATH DRAGON]

موضوع جميل جدا ^^
حقيقة أبدعت في الشرح عن هذه السلسلة التي تعد من أعرق سلاسل ألعاب على البلاي بالنسبة
للكثيرين منا

سلمت يدك على الموضوع الرائع وتم التقييم ^^

الله يسلمك ..

اي والله ..

انا شفت ان اكثر من جزء موجود .. و شفت أجزاء ألغيت أول مره ادري عنها ..

و قلت احط لكم الموضوع

و شكرا على التقييم ^_^

[INTERawee]

الله يا ديث..وين وصلت بابداعك..

والله ابدعت اناملك الي كتبت هالتقرير..

الموضوع بلا روح وتعال .....على طول للمميزة..

وتسلم كثر من مواضيعك الحلوة هذي

[DEATH DRAGON]

مشكور اخوي على هذا المجهود^_^
يعطيك العافيه اخوي
موضوع صراحه يستحق التميز!!
مشكور وماتقصر^_^

العفو اخوي ..

الله يعافيك ^_^

والله انا اشووف انه موضوع جيد .. و راح يظل لمده طويله .. و الجمي يستفيد منه ^_^

[Squall 9]

موضوع صراحه يستحق التميز!!

بالتأكيد يستحق التميز

والله أبدعت اخوي ديث دراجون الله يعطيك ألف عافيه على هالمجهود التاريخي ^^

الموضوع سوف ينقل للميزه خلال هاليومين ^ ^ لاتخاف الموضوع راح راح على المميزه ..

[DEATH DRAGON]

يعطيك العافية اخوي ..
في الواقع توجد بعض المعلومات والصور .. ستجدها هنا في المنتدى ..

الله يعافيك ^_^

و انشالله اشوف المواضيع اللي تتكلم عنهم قريب ..

و شكرا على المرور

[DEATH DRAGON]

موضوع ابداااعي بمعنى الكلمة...كانت بدايتي مع Gta1 وما كنت أعرف ألعبها وتركت هالسلسلة إلى ان جاءت Gta VC و Gta SA

تسلم على لموضوع وتم التقييم ^^

الله يسلمك اخوي ^_^

و Gta1 الصراحه كان مستواه جيد ..

انا اذكر اخوي شراه لنا من دبي و قال انه لعبه ممتازه ..

و انا اندمجت في اللعبه ..

فـ شريت كل أجزاءها ^_^

و شكرا على التقييم