لماذا ترفض المرأة أن يتزوج زوجها عليها؟!!!
غيرتها أولا.. و أسباب ثانيه مثل الإحساس بالنقص.. مشاركة غيرها لأملاكها لوول.. الخ
أليس هذا هو من أحكام الله؟
إيوه.. بس الغيره مغروزه فينا ايش نسوي؟
هل نرفض حكم الله علينا؟
أكيد لأ.. بس هوا مو واجب يعني.. فليش الواحد يسويها؟
أم عندنا أسباب ودوافع مهمة للرفض؟
مو مهمه ولا ضروريه.. بس الواحد ما يقدر يتحكم بمشاعره
مما تخاف المرأة؟
من الزوجة الثانيه.. انها تاخذ زوجها منها.. يحبها أكثر.. يهتم فيها أكثر.. يعطيها أكثر (معنويا).. الخ
وأنت أختي هل تقبلين ولماذا؟
أكيد لأ.. لأنه لو زوجي بياخذني لازم ياخذني و هو مقتنع فيا تمام شكلا و أخلاقا و كل شي ولا ليش يتزوجني من الأساس؟.. فإذا حس بتقصير مني مع الوقت.. يكلمني بالموضوع و يقلي مثلا مو عاجبني فيكي كذا و كذا.. و انا ابغى منك كذا و كذا.. بس مو يروح يتزوج عليا.. يعني هذا مو حل للحاجات اللي ناقصته.. و طالما هوا اخذني باقتناع تام ممكن انه نتجاوز المشاكل اللي تدفع الرجل انه يتزوج امرأه ثانيه.. انهم يتناقشو بالأشياء هذي مثلا
أم ترفضين الموضوع ولماذآ ؟
أكيد.. نفس إجابة السؤال السابق
وفي حالة زواجه كيف ستتصرفين؟
إذا ما عندي أولاد أفضل اني اتطلق (أدري انه رد بزران.. بس صراحه ما اتحمل اعرف انه زوجي مع وحده غيري)
و اذا عندي اولاد خلاص عاد ايش اسوي لازم أرضى و أصبر
وأنت أخي هل تفضل الزواج بأخرى أم تكتفي بزوجتك؟
أنا مو رجال.. بس برد عالسؤال لووول.. يعني المفروض الواحد انه يتزوج وحده على مزااااااجه.. يعني تعجبه شكلا و اخلاقا و شخصيتا و من كل النواحي عشان لا يطالع بغيرها خلاص.. و اذا مع الوقت حس انه فيها حاجات مو عاجبته مثلا تخنت يقلها سوي رجيم.. ولا اذا ما تهتم بنفسها و تتشيكله بالبيت يقلها بطريقه كويسه هوا ايش يبغى.. و اذا ما سمعت الكلام و طنشته و ما سوت اللي هوا يبغاه ذيك الساعه تستاهل انه يتزوج عليها
وفي حال أن رفضت زوجتك زواجك كيف تتصرف؟
برضو حرد على هذا.. يعني كثير صراحه اذا جو يتزوجو و زعلت مرتهم يقولو "والله الشرع حلل أربعة" لكن ينسو "العدل" !!
إخواني وأخواتي موضوع هام جدآ ولا بد من النقاش وبصراحة تامة
يعني ليش الرجال ينقهرو مننا لما نزعل انه ازواجنا اتزوجو علينا؟؟
شي طبيعي نزعل و ننقهرو نغار و نحس بالنقص و نتحطم وووو الخ
ترا نفس الاحساس لو زوجتك راحت اتزوجت رجال ثاني
يعني افترض انه حلال المرأه تتزوج رجال ثاني.. هل انتا عادي عندك انها تتزوج؟؟ و ترضى بكل بساطه بس لأنه حلال؟
^^^ إذا هذا الكلام حرام أرجو انكم تقولولي عشان امسحه
مع السلامة