.
.
.
.
.
*هلو بويز اند قيرلز ... وشو الاحراج ؟؟
-اخخخخخخ الاحراج : عرف الاحراج يا خوي : الاحراج تعبير عن موقف صار لك وفيه تنفضح، تتفشل
، وبهك يستوي مثل الطماط
، وغيرها من الاحسيس الرقيقة ...
* اها هذا هو انزين اسمع كم قصة عنه ؟
- اكيد .. اطلب..تأمر .. شبيك لبيك الله لا يفرقع عينيك ..
اسمع وانصت : مرة كنت استهبل على بنت الجيران الصغيرة .. وهي صغيرة طبعا فركضت .. طبعا لما شفت الاتجاه اللي تركضه كياني اهتز..وما قدرت اتحرك .. واخذتلك احلى بووووووووووووم في احلى مكان .. والشباب يعرفون وينه ... وطبعا ما قدرت اسويلها شيء .. لانها قضت علي .
، مرة واحد من الجيران مركب سماعة الضرس الازرق مدري اللي يسمونه بلوتوت .. فأنا تعرف نظري 6/6 و ما شفتها فالمنحوس ردوا عليه لما مر بجنبي وقال : السلام عليكم ...
انا طبعا على بالي انه يكلمني وقلتله وعليكم السلام وقمت من مكاني اونه بسولف وياه ,, الا احصلك الاخ يقول هااااا كيف حالك وينك من زماااااان.. وانا
.
مرة استاذي الفيزياء - الله يخليه - كان لاف ظهره ونحن ما نقصر .. ما في صوت الا طلعناه ... واحد يفحط والثاني يقوله انتبه لا تدعسني..و واحد كنه يولد .. وكل صوت سمعته في حياتك سويناه في حصص الفيزياء ... فالمدرس المسكين يبا يشرح ولف ظهره كالمعتاد .. والشلة واثقة من نفسها كالمعتادوانا ابا اصوره في مقلب بالموبايل حقي .. الا احصلك العجوز لف وكبسني,,, اخخخخخخخخخ وتشوفون ام الاحراج وقتها .
مرة في دوري المدرسة .. كرة قدم طبعا .. ففريقي كان ضد فريق .. والجمهور ما يقصر..هو يعطينا الطعم >>> نعل ابو الطعم يا شيخ يقرفونا ونحن ساكتين ..
فالمهم انا اخذت الكرة والكل حسب وعلى باله اني بسوي شيء الا احصلك اكورة تعلق بين رجلي وانا راكض و تقلبت قلبة يا جماااعة والدنيا كلها تشوف .. اساتذة على الاولاد المصرقعين على الادراة ,, وخخخ واسمع بعدها الضحك والمسخرة علي..اللي يقولي اعتزل يا وليد عجزت ,, واللي يقول خلاص مش كل يوم عيد :vereymad: .
مرة كنت في المول الكريه رحته مع واحد من الربع .. وطبعا عمكم متكشخ ومحد قده ... فجا واحد من الربع دمه خفيف .. >>> اشك.. الا وطقني طقه وشرد ... وانا الحقه الحقه و حلفت ان ما خليه ... لكن خليته تعرفون ليش ؟؟؟
عشان الوزار طاح وانا اركض,,ومنظري بالطبع حلو للناس :vereymad:
* بل بل بل انت طلعت دمار في الاحراج
- الا .. اذا عندك اي استفسارت فلا تتردد .. انا جاهز
* لا ما في داعي يا حبيبي .. سلااااااااام
الله يستر بس ,,, وتوبه توبه بعده
