هااام جداً ابغى اشتري PSP من الرياض فمن أي محل تنصحوني !!؟؟

[Mr.X]

هلا شباب كيفكم
إن شاء الله تكونون بألف صحه وسلامه خصوصاً باللعب بالـ PSP

اقول شباب انا ناوي اشتري جهاز PSP { أمريكي } من الرياض بهاليومين لكن المشكله ما اعرف وين احسن المحلات اللي يبيعونها
خصوصاً اني رحت لبعض المحلات ولقيت عندهم ان سعر الـ PSP صار تقريباً أرخص شوي من زمان
انا لقيته بـ1280 ريال ولقيته بـ 1200
واللي بـ 1200 مكتوب عليه انه مصنوع بأمريكا { يعني أمريكي } لكن صاحب المحل قال لي ترا هالجهاز مو امريكي اصلي !! وانا استغربت من هالشي ,, ويوم سئلته ليه او كيف ؟ فقال لي انه اصلاً صناعه آسيويه يعني
آسيوي !!؟؟

فأنا استغربت من هالشي خصوصاً ان الفرق من الناحيه الماديه بينه وبين الامريكي الاصلي - على حسب قوله - هو فقط 100 ريال
الامريكي قيمته بين 1280 الى 1350 ( طبعاً قيمته الاولى هي بدون الفيلم المجاني اللي يجي معاه , اما قيمته الثانيه فهي مع الفيلم )
اما الامريكي الاسيوي فبـ 1200
وانا بصراحه احترت خصوصاً اني انا ابغى اشتري الامريكي الاصلي لأني سمعت انه احسن ويشغل كل الالعاب الامريكيه واليابانيه .. وبنفس الوقت انا ابغى استفيد من اي محل اذا كانو يبيعونه وكانو يعطوني معاه العاب مجانيه او اي شي اضافي او على الاقل قيمه ارخص ؟

وحيرتي صارت اقوى خصوصاً اني ابغى اشتريه بهاليومين .. يا اليوم يا بكره لأني متحمس له مررررررره
فقلت اسئلكم وانتو اكيد اعلم واخبر مني بهالشي
مع العلم اني من الرياض وابغى اشتريه من الرياض

[Mr.X]

على فكره تراه قال انه يقدر يعرف اذا الجهاز امريكي اصلي أو آسيوي عن طريق بعض الارقام المكتوبه على الـ PSP

[faisalsan]

طالع عمرك عندك محلات النسر بلرياض..

ممتازه

وفي محلات طوكيو لكنهم نصابين شوي><

وقيم نيشن بلعليا..

...

((غير متأكد))

اعتقد انه في محل النسر الي بشعلة اذا شريت الجهاز يجي معه شريطين!!

والله اعلم..

واسف على تقصيري.. كان ودي والله اساعدك><

ان شاء الله الأعضاء يساعدونك

اللهم لك الحمد الدي اس ب 500 ريال

لكني اتمنى الحصول على البي اس بي ايضا

[ado0o_]

طول الله في عمرك اذا انت في الرياض الله يعينك

انا رحت سئلت في كل مكان الي يقولي 1250 ولي يقول 1300

بيني وبينك مالك إلا البطحاء والله انا شريته مناك بـ1030 ريال هذا أقل سعر يمكن تلاقية

وخذ امريكي لا تسمع كلام احد هذاني معي واحد ماشي معي OK

والأشرطة هناك على 170 و 160 اما في المحلات الثانية 210 و 200

والأفلام ب80 و 90 أما المحلات الثانية 150 و 130

عاد انت ورايك

[Mr.X]

ado0o_

انا رحت سئلت في كل مكان الي يقولي 1250 ولي يقول 1300

طيب انا مثلك ! قالو لي نفس الشي ..

بيني وبينك مالك إلا البطحاء والله انا شريته مناك بـ1030 ريال هذا أقل سعر يمكن تلاقية

اقول انت متأكد انك اشتريته جديد بـ 1030 ؟؟؟!! والا انت اشتريته مستعمل ؟؟

وخذ امريكي لا تسمع كلام احد هذاني معي واحد ماشي معي OK

ايه اكيد بأخذ امريكي لأني قريت بكل مكان وسئلت اكثر من شخص وكلهم قالو لي ان الامريكي افظل لأنه يشغل كل الاشرطه الامريكيه واليابانيه ,, الالعاب والافلام .

والأشرطة هناك على 170 و 160 اما في المحلات الثانية 210 و 200

اسمح لي اقول لك انا لقيتها ارخض من كذا بكثير ,, ومو من البطحا .. انا لقيت اسعار العاب الـ PSP بمحل العاب طوكيو بالسليمانيه اسعارها على حسب ما قال لي راعي المحل المصري تتراوح بين 90 الى 160

اما الافلام فما ادري عنها لأني ما اهتم لها كثير لكن اتذكر اني سئلت محل العاب طوكيو اللي بالعليا وقال لي ان اسعار الافلام مو غاليه مثل ما انت قلت ,, يعني من 90 وفوق وبس

----------------
faisalsan

اعتقد انه في محل النسر الي بشعلة اذا شريت الجهاز يجي معه شريطين!!

انت متأكد من كلامك والا شلون ؟؟ وبعدين بكم قيمة الجهاز من عندهم ؟؟ يا ليت لو تتأكد لي من المعلومه لأني ناوي اشتريه قريب جداً جداً

[ado0o_]

يخوي والله شريته مناك جديد بقراطيسة بـ 1030 ريال سعودي

ومعلومة لك ماينباع الـPSP مستعمل في المحلات

اذا كانك تبي ياباني لقيت بـ920 ريال بس ما أنصحك فيه

عالعموم رح البطحاء منت بخسران شي الا (فلوس البنزين )

و اذا كان كلامك صح بروح اشتري الأشرطة من السليمانية

واقولك شي لا تشتري افلام اشتر كرت ميموري ستك ديو

وحمل فيه كل الأفلام التبيها

وانصحك لا تحمل من الأنترنت فيه ينباع افلام DVD (منسوخة) رخيصة

اشتريها وحط الفلم كله ياشيخ

علا فكرة قل لراعي المحل يعطيك PSP-1001k هذا احسن نوع في الامريكي

ارجو ان اكون افدتك

[faisalsan]

ado0o_



انت متأكد من كلامك والا شلون ؟؟ وبعدين بكم قيمة الجهاز من عندهم ؟؟ يا ليت لو تتأكد لي من المعلومه لأني ناوي اشتريه قريب جداً جداً

لول منب متأكد مية بلمية><

لكن اذا تبغى رقمهم تفضل وسأل بنفسك

الشعلة: 4773287
فرع الروضة: 2481221

طبعا هذي ارقام محلات النسر

مبروك مقدما & وعقبالنا ان شاء الله

[Mr.X]

مشكورين على ردودكم
وعندي سؤال بخصوص الفيرشون 1,50 و 1,51 و 1,52
ما ادري وش احسن نسخه منها ؟؟ و وش تنصحوني فيه منها ؟
انا قريت عنها ان بعضها تقدر من خلالها تحفظ الالعاب بالميموري وبعضها لا

بأختصار دلوني على احسن وافظل نسخه من بينها ,, مع العلم اني يوم رحت للمحل قلت لراعي المحل انا ابغى ال PSP يكون نسخه 1,50 لكنه ما فهم علي !!؟؟

[Mr.X]

الموضوع مات
خلاص مشكورين لردودكم ويا ليت الموضوع يتقفل