تحيه طيبه وبعد هذي أربع ألعاب خفيفه تستريح خلال بحثك في الإنتر نيت
اللعبه الأولى
(طريقة اللعب)
اللعبه معروفه تنقل الذيب والخروف والبرسيم للطرف الثاني ... لكن لا تخلي الخروف مع البرسيم لوحدهم.. ولا الذيب مع الخروف وحده وإلا .... أقولك كيف خلهم تكفى. علشان تعرف إن الله حق.
إضغط PLAY ثم إختر اللي بتنقله بعد كذا إضغط GO
http://www.plastelina.net/games/game1.html
اللعبه الثانيه
(طريقة اللعب)
اللعبه هذي بصراحه حلوه ... هي شبيهه باللعبه الأولى ولكنها أصعب شوي...
فيه ثلاث عرابجه وثلاثة دوافير (راعين دراسه) ولازم تنقل العرابجه والدوافير كلهم للجهه الثانيه
ولكن لاحظ إنك إذا تركت دافور مع عربجيين فأكثر كلوا العرابجه الدافور... وإذا تركت دافورين مع ثلاث عرابجه كلوهم (عرابجة آخر زمن).
ولكن دافور مع عربجي مافيه مشكله ودافورين مع عربجيين برضه مافيه مشكله.
إضغط بالماوس على اللي بتنقله ثم إضغط GO
وصل الدوافير المساكين لبيوتهم ترا أمهاتهم ينتظرونهم... ووراهم دراسه وواجبات
http://www.plastelina.net/games/game2.html
اللعبه الثالثه
اللعبه هذي صعبه ... ولكنها تنحل وتحتاج تفكير... وهي لعبة التحدي والذكاء
عائله من خمس أفراد ورطهم حظهم إنهم يسهرون لوقت متأخر ولما جوا يرجعون كان لازم يرجعون من الجسر الخشبي ...المشكله إن الغاز اللي معاهم يخلص بعد 30 ثانيه بالضبط.. وسرعة عبور كل واحد تختلف عن الثاني ...ولازم يعبر إثنين في كل مره ولكن بسرعة أبطأ واحد فيهم
يعني لما يعبر واحد بسرعة ثانيه واحده وواحد 6 ثواني تكون سرعتهم 6 ثواني
إضغط PLAY ثم إختر إثنين من العائله الكريمه وإضغط GO
لاحظ الوقت تحت صورة كل واحد
http://www.plastelina.net/games/game3.html
اللعبه الرابعه
أما هذي اللعبه فتحتاج تركيز وحظ... إنقل أبو الفوارس للجهه الثانيه بالضغط على المربع اللي تبيه ينقل فوقه.
لاحظ إن المربع اللي تنط عليه ما تقدر ترجع له ثانيه.
http://www.plastelina.net/games/game4.html
لا أحد يقول فيه لعبه ما تنحل... أنا اللي هو أنا خلصتها كلها فما بالكم إنتم.
أتمنى تعجبكم وحظ موفق
الوسط
