أفضل جهاااااااااااااااااز تحكم للـ GT3/4

[أبو الغضب]

السلام عليكم

كالعاده احب احوس في النت واطلع اشياء غريبه بس هالمره لفت نظري شيء لازم تشوفونه .....
تخيلوا لو انكم تلعبون لعبتكم المفضله جران توريسمو 3 او 4 وانتوا جالسين على كرسي سياره حقيقي وعندك في الاسفل دواسة البنزين والبريك والكلج ..... وتلتفت على اليمين وتلقى تكايه ومخزن صغير مثل اللي في السياره وهندبريك حقيقي ......... شنو راح يكون شعورك وانت تلعب ...... ولا ازيدكم بعد انه يكون امامك طبلون سياره حقيقي ...... شوفوا الصور واحكموا


صوره من خلف المقود


لاحظوا دواسة البنزين والبريك والكلج




لاحظوا عصاة الجير والهاندبريك


شوفوا الطبلون (( على كلام الرجال انه العدادات تشتغل في النسخه التجريبيه للجزء الرابع وايضا على الجزء الثالث .....اما الجزء الرابع الكامل فماتشتغل بس هو في طريقه لمعرفة السبب ))


عجلة القياده والكرسي قابليين للتحرك والتعديل


مخزن صغير للاشياء البسيطه


على فكره ياشباب .... اللي سوا الجهاز هذا شخص فلبيني عايش في امريكا واستخدم طبلون كورولا موديل 88 مع أفضل مقود تحكم للـ GT4 من انتاج شركة logitech واللي مزود بنظام الـ driving force pro واخذت منه الشغله تقريبا 3 أيام إلى ان تمكن من تركيب كل شيء بالطريقه اللي تبدو وكانك تقود سياره حقيقيه.
فيه بعض الاشياء الحلوه اللي لاحظتها ....
الهاند بريك شغال 100%
الدواسات السفليه (( البنزين , البريك , الكلج )) كلها شغاله 100% على فكره هو سوا طريقه انه الجير مايعشق إلا لما يدوس كلج .
الدركسون ميزانيته 100%
بالعربي كل شيء تمام 100% بس فيه عيوب بسيطه وهو لا زال يحاول يحلها ..
عداد البنزين مش شغال وياه
عداد الزيت مش شغال وياه
ايضا نظام التحكم اللي هو صممه ينفع مع السيارات ذات الـ 5 تعشيقات نظرا لانه الجير اللي مركبه مأخوذ من كورولا 88 لذلك هو مضطر انه يلعب بيدة التحكم العاديه إذا السياره اللي معاه ذات 6 تعشيقات
زر الغاز مش موجود حاليا ولكن الرجل يقول انه بيركب واحد في وقت لاحق


ومستقبلا الرجال يفكر انه يركب مكينه تحت الكرسي ليحس بإهتزاز السياره عند القياده أو الاصطدام أو عند ضغط البنزين أو البريك
وايضا يفكر يركب مشغل اغاني MP3 مثل اللي موجود في السيارات علشان يشغل اغانيه المفضله



في النهايه أحب اشكركم على قرائة موضوعي وانا الصراحه تعبت نفسيا لاني انا واحد ودي بجهاز تحكم مثل هذا بالضبط (( طبعا مع شاشه أكبر بكثير )) ولو تسئلوني وش في خاطري بقول انه في خاطري اتعرف على هالفلبيني علشان أقط وجهي عنده وأملغ كل ليله وألعب GT4 عنده

[soccor]

موضوع مذهل هالمره حوست وحصلة خيرررررر {هههههههههههههـ}


الف شكر لك اخوي

بس عندي سؤال هل سيطرح بالسوق الاسيويه وكم سعره بالريال السعودي

[أبو الغضب]

مشكور على المرور ....


بالنسبه لسؤالك ما أعتقد لانه الرجال مسويه لنفسه..... تقدر انت تسوي واحد بنفسك بس بالنسبه لي مجرد التفكير بالشيء هذا يصيبني بالصداع

[alawadhi3000]

هههههههههههههههههه , والله صج موضوع غريب

الفكرة حلوة لكن صعبة لنا احنا العرب , والشي اللي تعجبت منه انه يبي يركب مكينة

ههههههههههه

مشكووور أخوي عالموضوع وزيد شوي من هالمواضيع الحلوة الغريبة

[! غــريــب !]

ياخي حنا حظنا نحس من هايلكس لكورولا 88

اقلها يسويها على أساس يحسسنا اننا في كاديلاك XLR مكشوفه << لاحظ التوصيف مكشوفه

بس انا اشك انه من العماله المضطهده في بلادنا من كثر مايطامر في هالشوارع

جاته عقدة نفسيه حتى وهو يلعب الجراند توريزمو

أخوي ألف شكر على التحويسه المبروكه

<< مبروكه تقول ناقه ماهي تحويسه

[King James]

ويش ابسوي يعني ؟؟؟

72 ساعه لعب متواصل .
24 نوم متواصل .

كذا حيكون جدولي اليومي

[Maldini]

ههههههههههههههه

حلوة اخي شكرا لك

الباين رح اسوي مثله

[SSR]

مشكور اخوي ابو الغضب علي الموضوع الرائع ويعطيك الف الف عافية علي الموضوع الرائع .



وتحياتي.

[Zero]

ههههههههههههههههههههه

شكله هالفليبني يحلم تصير عنده سيارة

والله ليش كل هالحوسة ... يشتري له سيارة أحسن

[أبو الغضب]

أشكركم يالربع على المرور والتواصل

ههههههههههههههههههههه

شكله هالفليبني يحلم تصير عنده سيارة

والله ليش كل هالحوسة ... يشتري له سيارة أحسن

الرجال عنده سياره ومرتاح ... على فكره الطبلون ماخذه من سيارته القديمه اللي صار لها سنوات واقفه بدون حراك .... لذلك الرجال حب يستغلها بدل لا يبيعها سكراب




والله فاضي

[ياسنين عمـري]

الصراحه روووعه ..

ما بيبعه ... !!

[Squall 9]

واااو .. هذه لو عندي ماراح اخرج من الغرفه مشكور اخوي على الصور ^^

[tigernight]

طيب وين أحصل هذا المقود اللي من شركة logitech ؟؟؟في السعودية

[PaPEr Cut]

لو الواحد سيارته قديمة عندنا .. بدون تفكير راح يقطها بالحراج أو يفككها ويبيعها ..

بس مو كـأنه الكرسي نظيف !! .. بالنسبة لسيارة قديمة ..

تشكر أبو الغضب على الموضوع التحفـة ..

[أبو الغضب]

لو الواحد سيارته قديمة عندنا .. بدون تفكير راح يقطها بالحراج أو يفككها ويبيعها ..

بس مو كـأنه الكرسي نظيف !! .. بالنسبة لسيارة قديمة ..

تشكر أبو الغضب على الموضوع التحفـة ..

والله انك صدقت .... الواحد منا حتى لو كانت سيارته جديده راح باعها وإذا سألته ليه يقولك صارت قديمه وهي السياره ماتجاوز عمرها 5 سنوات ...

بالنسبه لنظافة المقعد "مع تايد للغسيل مافيش مستحييييييييييييييييييييل "