باركوووو لي انقبلت في الكلية

[القائد المبجل]

السلام عليكم..

باركو لي شباب انا انقبلت في كلية الجبيل الصناعية ..طبعا النتايج طلعت من زمان بس توني شايفنها ..

وحبيت اسألكم وش رايكم فيها وهل لها مستقبل ..اي واحد يعرف عنها اي شي يكتبه الله لايهينه..

طبعا هالكلية المكان الوحيد اللي انقبلت فيه ...

لاني اداري ونسبتي 82

احسن حاجة عندي القياس 85

[عبودان]

مبرك اخوي

ما عليكم توكل على الله وروح سلم ملفك

اصلا انا كنت ناوي اروح ليها ونسبتي 93

بس الحين انقبلت في البترول خلاص (فرحان)

واما عن دراستها صدقني اول سنة يبغى ليها شغل عدل

خاصة وان الدراسة كلها عنجليزي

ومستقبلها مضمون عليهم التوظيف

ولد عمي اتخرج منها تخصص البات دقيقة وعلى طول اشتغل في شركات الجبيل

وراتب زي الحلاوة( راتب يمكن فوق الثمانية)


بالتوفيق

[الـسـاهر]

اخوي مبروك على القبول بالكليه

وتراها زينه ومايحتاج كلام لكنها صعبه لان الدراسة بالانجليزي

والله يعينك

[القائد المبجل]

مشكورين اخواني..والحين باسلم ملفي لهم وانا مرتاح

[zaid DCC]

يالله قهر انا كان ودي ادخلها بس ابوي رفض
انا علمي طبيعي ونسبتي 86.72% والقياس 74 ><
كنت اتمنى ادخل جامعة الملك فهد(البترول) بس الله ما كتب..
بس الي انقبلت فيه كلية المجتمع (تابعة لجامعة الملك فهد)
فأيش رايك فيه يا اخوي؟><
معليش يا اخوي قاعد اسأل سؤالي في محل غلط سامحني >_<

[سي دي2]

بنالسبه لكلية المجتمع (تابعة لجامعة الملك فهد)
مانصحك فيها لان مافي امل يحولونك للبترول لانها صعبه ويصعبون الاسئله عشان ماينقلونه للبترول

[القائد المبجل]

والله يااخ زياد كلية المجتمع مادري عنها ...بس الله يوفقك عموما..


ولا عادي خذ راحتك الموضوع موضوعك