شباب كيف اركب الثيم على الجهاز.

[UAEMONSTER]

السلام عليكم..مرحبا شباب


بغيت استفسر عن شي حبيت اعرف كيف اركب الثيم في البوكيت بي سي


والنوع اللي عندي I-mate Jam

السموحة على السؤال بس لاني مبتدا توني
وسلامتكم ..

[بوكيت بي سي]

السلام عليكم أخوي كيف حالك ...........إلخ في البداية أخوي أنت لا تنحرج اذا واجهت اي شي حنا كلنا اخوان بها المنتدى الرائع .
أخوي اذا حملت الثيم وكان في مجلد مضغوط فك الضغط بعدين خذ الملف وحطه في مجلد الويندوز في جهازك الجام اللي تحصله في
File Explorer > My Devise > Windows
بعد ماتحطه في الويندوز رح لـ Today في الـ Settings
وراح تحصله مع الثيمات اضغط عليه بالقلم بعدين اضغط OK وخلصنا .
أخوك: بوكيت بي سي

[UAEMONSTER]

تسلم اخوي على الشرح ..المفيد والله يجزيك خيرر

والله يرزقك الجنة ان شا الله ويرزق جميع المسلمين

[Al3as]-[iQ]

السلام عليكم

اخي الكريم .. تعبت وانا اسأل ولاالقا جواب في المنتدى بشكل عام !!! مادري هل الشباب الي هنا موب عارفين وكلامهم كله نسخ ولصق والدعوه فرد عضلات في مجال البوكت والا الرد لناس خاصين ؟ ماني عارف

عموما مابي اتعمق اكثر فيما يخص الأشراف أو ما يخص الأعضاء ..

لوكن عندي مجموعة مشاكل اواجهها في الجام واتمنى الاقي لها حل .. الصورة المرفقة توضح محاولة ارسال الثيم الى الجام ومع ذلك طلب مني توفير microsoft exchange server والاتصال عن طريق الأنترنت ..!!

كيف الاقي microsoft exchange server اذا كان برنامج معين فياليت تفيدني فيه ومن فن اجيبه مع اني لفيت موقع ميكروسوفت لين دخت وما لقيته .
واذا كانت مجرد اعدادات فياليت تعطيني خبر !

ولك مني جزيل الشكر

[Al3as]-[iQ]

على فكره .. الصورة السابقه غالباً تظهر عند اتصالي مع برنامج اكتف سنك

[بوكيت بي سي]

في البداية اخوي برنامج Microsoft Exchange Server اول مره اسمع فيه
العذر والسموحه منك اخوي لاني مالقيت حل لمشكلتك بس حبيت ارد عشان ماتقول ما اهتم بالموضوع
وانا تراني مبتدءا في عالم البوكيت بي سي وانت تامر اخوي بالي اقدر عليه .
بس أنت اخوي ممكن تثبت برنامج اكتيف سنك من جديد وتقوم بعمل فورمات للجام ممكن تنحل المشكلة .

[Pentium]

أخي العزيز مشكلة الثيمات انحلت..

و بالنسبة لمشكلة الاخ Al3as]-[iQ ..أخي العزيز المشكلة انك مشغل الاكتف سينك مع سيرفر...ادخل لقائمة Tools و بعدها Options و شيل اشارة الصح من جنب Enable Sync With Server و سوري على التأخير

[صديقة كيلوا]

أخويه .. أنا مالقيت my devise .. شو الحل ؟

[عبدالله666]

مشكوووووووووووووووووووووووووور اخوي على الشرح