اقدم لكم بعض النصائح اللي ممكن تحتاجون لها في حياتكم اليومية:
اذا تبي تطفش واحد وترفع ضغطه خله لما ينام وبعز الظهر (القايله) قوم وطف المكيف عليه وراقبه بعد
خمس دقايق.....وشوف شنو رايح يصير واضحك حييييييييييييييييل
شوف الثانيةاذا كان في عزيمة يعني عشاء... بعد ماتغسل افتح الماي الحار و لما
تشوفها تولع وسكر المغسلة وشوف الي عقبك شنو يصير فيه بس اضحك من قلللب
اذا ياك واحد ماتبيه وسويت له جاي...لا تييب له استكانه عليك بقلاصات الجبن وصب له فيها....واترسها حيل للأخر عشان مايقدر يمسك القلاص واذا كانت الخدامه ما تعرف تسوي جاي خلها اهي اللي تسويه
واذا كان عندك ضيف دمه ثقيل وتبيه يمشي خل واحد من الشباب يدق عليك عالموبايل كل شويه وكل مره كلمه على انه واحد ثاني وقول " لالا والله ما اقدر الحين عندي ضيف يمكن بعد عشر دقايق "....ولا تنسى شي مهم لاتلبس ساعة عشان كل شويه تسأله جم الساعة ...ولما يكلمك لاترد عليه على طول من أول مره سو نفسك ما سمعته
واذا اتصل عليك واحد دمه ثقيل وقرقه رد باختصارات الحمدلله ايه لا مادري
يمكن الظاهر احاول واذا طوّل اوهمه انك تكلم واحد بجنبك اذا شفته بعده يقرق و مو ناوي يخلص استخدم حيلة الخط المقطوع وقول " ألو ألووووووو وينك
....ألوووووووو يابو الشباب.... الظاهر ان الخط انقطع " بعد
هذا سكرالسماعة ... بس وتفتك منه ...الا اذا اتصل ثانيه ساعتها عاد الباجي عليك
واذا بغيت يجنن الخدامه ادخل المطبخ واشرب نص قلاص عصير و جنك مو متعمد
كب الباجي عالارض واذا كان المطبخ مفروش يكون احسن .....
واذا نامت وهي بعز النوم قعدها وقولها تسويلك عشا .....ساعتها راح يكون الضغط عندها ألف الا شرطه ....بس الخوف انها تحط لك سم فيران...!!!!
واذا حبيت ترفع ضغط اهلك الحريم لما يطلبون منك توديهم السوق بعد ما
يتجهزون و يروحون اركب السيارة وخلك طبيعي وفجأه قولهم أففففففف السيارة مو راضيه تشتغل طبعاً انت ماخذ احتياطك وفاصل اصبع الباتري و شوف شنو راح يسوون فيك ساعتها الله يعينك عليهم أقصد عليهن ....
والطريقه الثانيه عشان يحرمون يطلبوا منك توديهم السوق ....لاتشغل مكيف
السياره بس التهويه ( المراوح ) وقولهم التكييف خربان خلهم ينطبخون واذا
قالوا نبي نفتح الدرايش قولهم خربانين واذا فتحتوهم ما راح يتسكروا بعدين
.....
ملاحظة : جربها أكثر من مره على التوالي واضمن لك نجاحها بعد هذا راح
يحرمون....صدقوني......
واذا كلمك صاحبك عالموبايل وحسيت انه مستعجل بس يبى منك شي مهم أرفع صوتك
وقوله ترى ماسمعك الصوت مشوش ويقطع ألو ايه ايه معاك الو وووو وينك " ورد
على كلمه وحده وطنش بالباجي وشوف شنو يصيرله .....
من أحد منتديات الحوار
النــــــــــــــــــــــــــايم
!plus