صار الفرح الوان
لما ضحك دسمان
يافرحتك ياكويت
بجابر الانسان
يا فرحة الديره
هالحلوه لصغيره
يا الله عسى خيره
وآخر الاحزان
يافرحة اليهال
والي تكت الفال
والهولو واليامال
والقلطه والهبان
والرمث والنقرور
والرمله والدردور
والاثله والميرور
كلمن عزف الحان
العود والمرواس
السمره والجلاس
الي سمع باحساس
والي زفن فرحان
كلمن رفع رايه
الشيخه والدايه
يا رشة المايه
اسجي على الشطآن
يا فرحة بلادي
واهلي واولادي
والبيت والنادي
والسكه والفرجان
يباب في كل بيت
يا فرحتك يا كويت
مثلك انا غنيت
مستانس وطربان
دام شيخنا سالم
كل الوطن سالم
في أرض ابو سالم
كلنا اهل أخوان
وشكرا..
