.. عند الهزيمة فـي WE !!! ..

[Macho Man]

هلا فيــكم ..



عند الهزيمة ماذا تفعـل ..؟!! .. [ انت متحدى مع واحـد وأثناء اللعـب ضاع دفاعـك وسجل هدف عليـك واستمر اللعـب حتى الدقيقـة 80 من الشوط الثاني والنتيجة 1 - 0 لصـالـحة وش تسوي في هالحظة ؟ وش التغيرات اللي بتسويهـا في الهجـوم والوسـط ؟؟ علشـان تقدر تعادلـة وتتقدم علية في النتيجة !! ] ..



كل واحـد يقول رأية علشان نستفيد جميعــاً ..



Macho Man

[WE Vll]

مشكور على الموضوع...
بالنسبة لي أنا اتبع الآتي:
1- خل واحد من الأطراف مهاجم...
2- امسك اعصابك وحاول تستغل اي فرصة
3- حاول تاخذ فاول قريب من منطقة الجزاء.. أو بلنتي (يعني تعمق و طيح نفسك!!)
4- لا تستهين بالضربات الثابتة لأنها دائماً تكون مفتاح للفوز..
5- لا تستعجل في بناء الهجمة... يعني حاول تتناقل الكرة بين المدافعين حتى تجد ثغرة
6- اذا لم تستطع فخيرها بغيرها... و الجايات أكثر
-------------------------
الاهداف المفآجئة لاتدخل فقط من ضياع الدفاع..مثلا قد تلعب مع الكومبيوتر وعند الدقيقة 90 يدخل هدق من كورنر!
أو من فاول بعديد أو ضربة جزاء بغير حق.... لذلك عليك ان تأخذ الحيطة من قبل بتسجيل هدف أو هدفين

[عاشق الكرات]

أنا بالصراحة أطلع من المباراة



ههههه

أمزح



أنا ما أستسلم وأحاول بكل الطرق وما أعطيه ولا فرصة

و أجعل الخطة هجومية تماما وأجعل كل اللاعبين متقدمين

مثلا مرة كنت ألعب ضد واحد وكان متقدم علي 2-0

وأنا قلت لازم أوصل لمنطقة الجزاء

وفعلا تعادلنا وبعدين هو أخطأ وكسر لاعبي في منطقة الجزاء

وجبت عليه جول 3-2

[Angulo]

أكثر اللعب على الـ Off Side

و قد أغير تشكيلة فريقي إلى All Attack

وأدخل لاعبين نشيطين

[معاند]

أخوي أول شيء ..

الكمبيوتر عمره ما راح يطبق الواقع ..
في حركات إذا عرفتها تتغلب على اللي تبي بس بشرط يكون ما يعرفها ...

بعيد عن التخطيط الواقعي والتكتيك في المباريات الحقيقية ..


<> خطة تغلب خطة وأنت ما تدري <>
أعلمك وشلون ..

** ألعب بثلاث مهاجمين .. إذا خصمك يلعب بأربع مدافعين ..
وحاول تهجم باللي خلف المهاجمين .. راح تلاحظ دفاع خصمك يفترق
يحاول يمسك المهاجمين ..

هذي طريقه وعكسها إذا لعب خصمك بثلاث مهاجمين ألعب
أيضا بثلاث مدافعين .. وحاول تحط محورين أرتكاز ..
لتقوية الدفاع ..

~~~~~~~~~~

** إذا لعب خصمك بمهاجمين اثنين فقط .. ألعب بأربع مدافعين
وراح تلاحظ قلة هجماته عليك .. إذا كنت تعرف تدافع صح ..

~~~~ أو ~~~~

أنك تحط ثلاث مهاجمين .. وترجع الوسطي لوراء شوي عشان يتحكم بالتسلل ..
وتمسك المهاجمين اليمين باليمين واليسار باليسار ..
والوسطي ما يمسك شيء أو تخليه cv يعني تغطية خانته ..


إذا لعبت بهالخطة إن شاء الله أغلب مبارياتك فووووز ولا غير الفوز ..

~~~~ ****** ~~~~

إذا كنت مهزوم مثل ماقلت ..

راح أحط خطة .. 343 بمحورين ارتكاز
هذا إذا ما لعبتبها من البداية ..

وأي كورة استلمها في النص ..
على طول مثلث + L1

بس
وأنا ولعبي في الإنفرادات ..

تحياتي ..

[finaldream]

انا احط 4-3-3
طبعا الهجوم واحد في النص يجيد التسديد وضربات الراس
والاثنين اللي على الاطراف يكون سريعين و مهاريين
واحسن شي التمريرات البينية للاجنحة لانه خلاص ما عاد في وقت او التسحيب

[InTouch]

احط كل اللاعبين attack و ادخل لاعبين نشيطين و و احاول ادخل طوال في الوسط و في الهجوم كم واحد صويب عشان لو جاني كورنر كل الاطوال يتجدمون و اذا يتني فرصه الكره ما تضيع يكون اللاعب صويب يحطها في القول

[shevchenko7acm]

أخلي خمسة مهاجمين وأربعة وسط و واحد دفاع وأخلي التكتيك الضغط بالكامل والهجوم من أي جهة من الملعب وأخلي كل الأسهم الهجومية للهجوم وكل الأسهم الدفاعية قصيرة ماعدا المدافع طويل.

هذي خطتي إذا عصبت

[Macho Man]

شكرا على المشاركات بوانتظار البقية ولي عودة بإذن الله للتعليق على بعض ردودكم

[العراق العراق]

اذا ضد الكمبيوتر all attack اما ضد شخص اشوفلي نقطة ضعف استغلها

[الليزر]

طبعا على طول استنفذ التغييرات الثلاث
وحط الاعبين all attack والعب على الاوف سايد

واذا خربتها مرة مرة ..اقدم محورين الدفاع اخليهم رووس حربة

[mashaa]

اهم شي انك ماتخلي الموضوع يتأزم

ولاترضى بأقل من ثلاث مهاجمين اذا مش من البدايه ع الاقل من الشوط الثاني

واذا الثلاث مهاجمي مانفعو معاك .... all attack الحل الاخير لكن حذاري من الهجمات المرتده

او فقدان الكره في نص الملعب

[Beckenbauer]

اقلب الخطه هجوميه

[تاكايوكي سوزوكي]

الهجوم ثم الهجوم


سلام للجميع من القلب

[دكتور عزوز]

في الربع الاخير من الشوط الثاني اجري التغييرات
ادخل اضعف اللاعبين في الاحتياط


دائما لعبي بالاحتياط يكون احسن من الاساسيين

لعبي يكون اجمد

يمكن لانه بالاساسيين استهتر شوي لكن بالاحتياط ادري انه اللاعبين اللي عندي مستواياتهم مش ولا بد فاحاول العب بكل قوتي

بس بعد يعتمد على المزاج

احيانا الواحد مزاجه يكون متعكر لو تعطيه مارادونا مابيسوي شي