الموضوع الرسمي للنقاشات حول Geist

[Wingless Angel]

السلام عليكم ورحمة الله وبركاته

الكل يعلم بأن اللعبة تم إصدراها قبل عدة ايام

وعن نفسي اليوم أخذتها ولعبت فيها ساعتين

والصراحة ما اقوول الا ابدعت يا ان - سبيس

اللعبة ممتازة طريقة اللعب صعبة لكن مع الوقت تتعود

تقديري هو 8,5 للعبة تستاهل الصراحة

لكن الجرافيك شوية سيء

وفي اللعبة Loading -__- لكن سريع

وطريقة التحكم بالجماد ممتازة

وكيف تتحكم بالأحياء وتسيطر عليهم ايضا ممتازة

عشان تتحكم فيهم لازم تخوفهم مثلا تفجر عدالهم او تحرك اشياء ..الخ

[hussien-11]

ساعتين فقط مو كافية للحكم على اللعبة .. أنتظرك تتقدم فيها أكثر و تقول لنا تقييمك بعد ذلك

ممكن تعطينا انطباعات أوضح شوي ألكس ؟ يعني مثلا الرسوميات ، ايش اللي عجبك و ايش اللي ما عجبك ؟ و الأصوات ؟ و القصة ؟

و شكرا لك

[THE_MATRIX]

يحيك ..

مثل ما قلت حسين ياليت تقول لنا في انتظارك ^^..

[الشبح1]

بكل صراحة كنت متحمس لهذه اللعبة ..
و لكن مع تقييمات المواقع الاهتمام إنعدم ..
يبدو لي من كلامك أن اللعبة مستواها جيد جدا ً ..
يا ليت توضح لنا بشكل اكبر إنطباعاتك تجاه اللعبة ..
ممكن تتغير وجهة نظري و تعيدني إلى رشدي ..

و لك من كل الشكر مقدما ً ..

[Wingless Angel]

للأسف ما حصلت فرصة العب اللعبة بالطور الفردي لكن قدرت العب الطور الجماعي

ممكن تعطينا انطباعات أوضح شوي ألكس ؟ يعني مثلا الرسوميات ، ايش اللي عجبك و ايش اللي ما عجبك ؟ و الأصوات ؟ و القصة ؟

الرسومات

ما تقدر تقوول عنها ممتازة لكنها بالمستوى المطلوب وتفي غرض اللعبة

الاصوات ميتة والموسيقى ممتازة جدا
وعندي ملاحظة عندما تكون على هيئة شبح تكون اللعبة بدون موسيقى اما لو دخلت في كائن حي مثل انسان وقاتلت راح طلع موسيقى حماسية وممتازة
القصة
جيدة نوعا ما لكن انا في البداية فما اقدر احكم عليها

والا عجبني طريقة الانتقال من كائن إلى آخر وكيف يؤثر الكائن الحي على من حوله فمثلا لو دخلت في كلب بتقدر تنبح وتقفز ولو حصلت فأر جدامك تنبح عليه يخاف فتقدر تدخل فيه
والا ما اعجبتني اللعبة بس ذهاب بدون رجعة
يعني لو انجزت المرحلة ما تقدر ترجع للمكان وما تعرف متى تحفظ اللعبة



بالعربي اللعبة ممتازة وتستاهل الشراء

[SFS]

بصراحه اخوي الكسندر ترى حمستني للعبه...

زين ممكن سؤال..
العب الفردي ممل والا ممتع..؟؟؟
والمراحل هل هي كثيره ام قليلة..
والاعداء صعبين والا سهلين..
وشكرا..

[Wingless Angel]

العب الفردي ممل والا ممتع..؟؟؟
والمراحل هل هي كثيره ام قليلة..
والاعداء صعبين والا سهلين..

انا لعبت ساعتين متواصلتين
من الساعة 6 إلى 8 وبدون ما احس بمرور الوقت
وانا كنت بكمل فجأة اخوي الصغير يقولي فل هاوس قلت بسير اشوفه فسكرت
بالعربي اللعبة ممتعة وتشدك اليها
لتكتشف الطريقة لتخويف الكائنات الحية

المراحل ما اعرف لان بعدني في اول ساعتين

الاعداء تقدر تقوول عاديين لا صعب ولا سهل
وحتى الحين قاتلت زعيمين
1- تقدر تقوول زعيم تعليمي تضرب وسير يمين ويسار (ترقص وياه)
2- الزعيم الثاني يبيله حركة وشوية لعب لكن كان سهل

اي سؤال انا حاضر

وبالنسبة للملتي بلير

الأستمتاع فيه ممتاز كأنك تلعب كاونتر سترايك لكن بطريقة احلى

[كابتن السفينة]

حمستني للعبة.. @@

كنت كارهنها بشكل.. ><

ما كنت ادري ان فيه طور ملتي..
افكر اخذها..

شكرا الكسندر على الموضوع..^^
ما عندي اسئلة...

ونسيت اقول مبروووك على اللعبة.. (= ^_~ =)..

[(falco)]

مبروك الكسندر بس ممكن تشرح لي طريقة اللعب شلون مو فاهمها

[Geo_san]

ألعاب التصويب ما تهمني>>كل واحد يعارفني يعارف اني أكره هالنوع

أنا ما لعبت ميترويد يعني بلعب هاللعبة

على العموم مبرووك على اللعبة و مب عقبالي

و شكرا,,

[Games Hunter]

اممم .. اللعبة جيدة نسبيا .. أنا أعطيها 7.5 إلى 8 .. ما تتعدى هالتقييم ..



اللعب الجماعي ممتع .. خصوصا لما تدخل في الأشخاص وتسيطر عليهم يكون .. الفوز على خصومك راح يكون أمر صعب لأنه يمكنك الهرب من الشخص متى ما أردت ^^

اللعب الفردي جيد .. أول شيء تلعب كأي لعبة منظور شخص أول .. ثم تبدأ باللعب بالشبح وتبدأ بالتدرب على السيطرة على الأشخاص .. وبعد هذا تستمر اللعبة .. القصة سردوها بشكل جيد .. بالرغم من بساطتها إلا أنها جيدة نسبيا .. طور اللعب الفردي بشكل عام جيد ..

اللعب الجماعي أقل ما أقدر أقوله عنه إنه ممتاز .. ممتع .. مسلي .. ومبتكر .. الطور هذا متعة بلا حدود ..

لعبة جيست ما يميزها هو الابتكار اللي فيها .. فهي تبتعد عن أسلوب ألعاب منظور الشخص الأول الروتيني .. وتقدم أسلوب مبتكر يمزج بين الغرابة والتسلية ..

الرسوم جيدة .. لكن في أوقات كثيرة تكون عبيطة جداً .. العرض الأول تشائمت منه .. رسومه yaaak مع وسام الشرف .. لكن في مناطق كثيرة راح تشوف لمسات إبداعية مثل منطقة الحديقة اللي في البداية شكلها روعة .. الرسوم جيدة نسبيا .. وأعطيها 7 ..

الأصوات عادية جداً .. الموسيقى لا بأس بها .. المؤثرات جيدة .. ^^



اللعبة حصلت عليها قبل يومين تقريباً .. وشريتها من محلات جيم ماستر ..

[hussien-11]

مبروك عليك اللعبة ، و شكرا على الانطباعات .. شي حلو نشوف ألعاب الرماية على الكيوب مختلفة عن الألعاب الكلاسيكية ، مترويد والان جيست

[Games Hunter]

حسين .. إن شاء الله تشوف مراجعتي الشاملة لها اليوم إن شاء الله .. ^^