محتار بين طب الأسنان و ارامكو ساعدوني الله يساعدكم

[Honolulu]

السلام عليكم
يا شباب انا انقبلت في طب الأسنان و ارامكو و الى الحين انا محتار بين الاثنين انا ملفي في الطب الحين و الوالد يعرف واحد في مكتب التوظيف في ارامكو و قاله ان في مكان فاضي في ارامكو لو بغيت اغير رأيي و اسحب ملفي من الطب و اروح عندهم واروح لهم يوم السبت تخصص هندسة ميكانيكية او هندسة بترول او جيوفيزياء و الحين انا محتار و ما ادري اي واحد فيهم اختار و من ناحية الميول الاثنين نفس الشي بالنسبة لي بس احس نفسي ابدع في الرياضيات اكثر و مادري ايش الاحسن من ناحية المستقبل لان في ناس كثير يقولولي خليك في الطب لان ارامكو يكرفوك و يودوك مناطق نائية و الطب 7 سنين و مشواره طويل وفي ناس يقولولي لو بتروح ارامكو لازم تسافر برا لان خريج امريكا احس من خريج السعودية حتى لو قدرت ادرس في جامعة البترول وانا محتااااااااار و لازم اكون قررت قبل السبت فقلت استشيركم وان شاء الله اقرر الاحسن لي

والسلام عليكم

[aoks]

والله شوف .

اذا انت ناوي تخلي كل وقتك في الدراسة .. فأرامكو مستقبلها مضمون

واولا واخيرا شوف ميولك الاكثر وين

[بو وضحى]

هلا بك اخوي

اذا انت ترى نفسك تبدع في الرياضيات اكثر وترى انك قادر على السفر لأمريكا واهلك يسمحون
فأنصحك بأرامكو سي بي سي وبهندسة البترول لأنها هي والجيولوجيا والجيوفيزياء احسن ثلاث تخصصات في ارامكو واحتمال تتعين في مرتبات فووووق وتستلم راتب خيييير

اذا انت مستعد انت ترى نفسك مبدع في الرياضيات اجل ميولك للرياضيات يعني انت المفروض تروح ارامكو


ولا تسمع كلام اللي يخوفك ويقول لك الدراسة في السي بي سي خيالية وصعبة

ترى انا كلمت واحد من اللي فيها وقال لي يبي لها جد حالها حال غيرها

بس في ناس مضخمين الموضوع بزيادة

وفي النهاية انت اللي تحدد ميولك وين يصير وانت اللي تختار

[أنتظر كلمة أحبك]

ممكن سؤال ؟؟
كم أحتاج من نسبة حتى أدخل في أرامكو

[سوسو الاموره]

استخير ومابتطيع ان شالله

[بو وضحى]

تشترط الشركة على طالبي الالتحاق بهذا البرنامج: الحصول على الشهادة الثانوية، في تخصص "العلوم الطبيعية"، وأن يكون المعدل العام للدرجات والمواد العلمية 85 % فأكثر، وأن لا يتجاوز سن المتقدم 22 سنة، وأن يحصل على 75 درجة في اختبار القياس كحد أدنى، وأن تكون سنة تخرجه 1425/1426هـ.


معدلاتك هذي بس تهألك لدخول اختبار السي بي سي فقط

اذا كانت معدلاتك هذي على حفه الحد الادنى او كانت عالية حييييل ماتنفعك
اهم شئ بالنسبة لأرامكو اختبارهم اذا انت عديته تقبلك السي بي سي
واذا ماعديته وكانت درجاتك في اختبارهم تأهلك لبرانتس يحولونك لبرانتس
واذا لاسمح الله زفت في اختبارهم يقولون لك مع السلامة لو معدلك الثانوية 100 والقياس 100

اهم شئ في ارامكو اختبارهم اهم هذا بالنسبة لهذي السنة ماادري عن نظام السنين الجاية
لكن ارامكو كل سنة تغير شئ بسيط في انظمتها

[King Bruce]

واذا ماعديته وكانت درجاتك في اختبارهم تأهلك لبرانتس يحولونك لبرانتس
واذا لاسمح الله زفت في اختبارهم يقولون لك مع السلامة لو معدلك الثانوية 100 والقياس 100

اهم شئ في ارامكو اختبارهم اهم هذا بالنسبة لهذي السنة ماادري عن نظام السنين الجاية
لكن ارامكو كل سنة تغير شئ بسيط في انظمتها

عزيزي

إش قصدك (برانتس)

لاني عديت الإختبار بس حاطيني ويتنج لست


ماأدري حاأنقبل وللا لأ

وإش هو البرانتس (يعني ممكن يقبلوني السنة القادمة)

[بو وضحى]

عزيزي

إش قصدك (برانتس)

برنامج السي بي سي اسمه cdpne لكن في برنامج اخر عند ارامكو انزل من السي بي سي اسمه apne وبما انك حطوك بالويتنج ليست تقدر تحول على برانتس الحين روح تدارك امرك

لكن انا اذا تبغى تنطر نصيبك يمكن تجي في السي بي سي هذا شئ راجع لك لأن السي بي سي احسن بوااااااااااجد

اذا انت تبغى تضمن ارامكو روح برانتس

لكن انا اقول لك في الف فرق وفرق بين برانتس والسي بي سي

برانتس راح تدرس هنا بالسعودية سنتين

وعقبها تتوظف على طول

لكن راح تتعب في الشغل وزياداتك مو مثل طلاب السي بي سي وانسى حاجة اسمها ابتعاث

يعني في فرق بين الثنتين

والله يوفقك ويوفق الجميع للسي بي سي

[هتلر المنتـدى]

والبرانتس اول ماتبدا القريد او الرتبه 7
والسي بي سي اول ماتبدا 11

البرانتس رواتبهم اقل من الس بي سي
وزيادات بعد اقل من السي بي سي

[بو وضحى]

السي بي سي مو كلهم رتبة 11 بعضهم 10 على حسب التخصص

واللي يجتهد في السي بي سي احتمال يدخل برتبه 12

[هتلر المنتـدى]

اخوي في الاثنين سواء برانتس او سي بي سي

انه بعد سنين في الخدمه راح تزود رتبتك

يعني لو انت مثلا برانتس بتصير 7 يعني وبعد كذا سنه بتصير 8 وبعد كذا سنه بتصير 9 ووو الين تتقاعد

بس السي بي سي يعني مايحتاج تطول تقريبا اربع او خمس وتصير 12 او تصير 13 اوو الين مايشاء الله ( طبعا حسب التخصص كل تخصص يختلف عن الاخر لكن انا اتكلم بشكل عام)

بس هذي طبعا بعد سنوات اكثر اكثر توصل الي 20 سنه تقريبا ايه لا تستغرب

بس الافضل اكيد السي بي سي

لكن اذا ماحالفك الحظ حول على برانتس

اتمنى لك التوفيق

[Honolulu]

وايش احسن التخصصات في ارامكو بالله قولولي لاني بكرا بروح عندهم
ايش احسن هندسة ميكانيكية ولا بترول ولا جيوفيزياء

[MOPILE]

السلام عليكم أريد أن أسألكم لو سمحتم عن طب اأسنان في سوريا هل صحيح أنه بالعربي؟وشكرا
وأنا أقول للأخ الحائر بأنا طب الأسنان برأي أفضل

[MOPILE]

ممكن سؤال عن طب الأسنان في سوريا هل هو صحيح أنه بالغة العربية؟