فن الغرور الاجنبي
أحبتي في مرباع القلوب هذا الموقف الذي حصل في إحدى الليالي
إليـكـم شـرحـه مــع كــل الإحـتـرام والتـقـديـر :
قالو تبيـك الآنسـه , قلـت إسألوهـا وشتبـي
قالولـي قـل للسيّـده يـا سيّـده وشتطلبـيـن
ناديت قالت يا هـلا , رديـت عفـواً أرحبـي
قالتلي إطلب وشتبي قلت أنتـي اللّـي وشتبيـن
متصنّعه بنت العـرب فـنْ الغـرور الأجنبـي
حاولت أجيها من فضـى وأبيّـن إنّـا فاهميـن
قلت الولد قولي معي , قالت ولد يعنـي صبـي
قلـت والأولاد طيـب ! قالـت نسميّهـم بنيـن
قلت الولد لامن زحف قالت زحف ! قلت يحبـي
حنّا نقول إنّه حبا مـن دور وصـف الأولّيـن
قالت حلو عادل إمـام قلـت إحلفيلـي والنبـي
قالتلي شف نور الشريف قلت إنتبهت لصابريـن
كنت أتعب ليـا ضمّهـا وأضيـع مّمـا حلّبـي
جمالها ما ينوصـف لامـن بغيتـي توصفيـن
قالتلي بابا قلت ابوي قالتلي إعـدل قلـت ابـي
نطقتهـا بالفصحـه اللّـي لا يسـار ولا يميـن
قالت مثقّـف وبـدوي قلـت إمسحيهـا بشنبـي
مخطي ! ولكن جت كذا يـا آنسـه لا تزعليـن
أثري غضبت ولاحظت من صيغة الهرج غضبي
بدت تليـن وهونـت والنـاس كانـو نايميـن
قالت تعال إلعب معي قلـت أنتـي اللّـي إلعبـي
أنا تعبت من الهوى وأنتـي كـذا مـا تتعبيـن
فجأه انطقت (يا) واسكتْتْ , قلت انطقيها يا غبي
غبي غبي بس إفهمـي إن كـان ودّك تفهميـن
أبهـا تفهـم مفـرده نجيبهـا زيْ مـا نـبـي
والعالـم مـا نـهـون ولا نفـكّـر نستهـيـن
حنّـا بـدو يـا آنسـه رجّالنـا حـرٌ أبــي
يقسى على قلبٍ قسى ويليـن مـع قلـبٍ يليـن
قالتلي شكلي ما اعجبك , قلت إلا والله يالضبـي
كلّك حلا وأنتـي كـذا سبحـان ربْ العالميـن
لكن طلبت المعـذره وأرجـوك لبّـي مطلبـي
لي خافقٍ ميّت ضما , ضنين ومفـارق ضنيـن
ويمكـن بدايـة شوفتـك كانـت بدايـه لتعبـي
بداية اللّـي أولّـه بـادي معايـه مـن سنيـن
وهــكــذا إنـتـهــى الـلـقــاء. وسـلامـتـكــم
