ابناء بينيتيز الكبار يحققون السوبر الاوربي ..

[العمدا]

بسم الله الرحمن الرحيم ..

اول شي كيف الشباب كلهم .. من زمان عن الكتابه والله ..

بصراحه استغربت انه محد كتب شي عن مباراه السوبر الاوربي .. لا تقديم ولا حتى تحليل بعد المباراه ..

للدرجه ذي مهي مهمه

عموماً وبصراحه سيناريو المباراه كان رائع .. بس مستواها التكتيكي ما كان ذاك الشي ..

الليفر دخل المباراه بحراسه حارس فياريال المنتقل حديثاً لليفر رينا " اظن اسمه كذا "

ريز - هيبيا - كارجار - خوزمي

زندن - هامان - الونسو - ستيف فنان

لويس جارسيا - موريانتس


سسكا موسكو طبعن مستحيل اقول اسماءهم الصعبه بس اذكر مهاجمهم الى فتح خوزمي كباري الين ما زهق

" كارفلو "

وظهيرهم الايمن الى جلس لزندن وريييز ..

من يوم ما خرج في الشوط الاضافي الاول بدا الليفر ..

عموماً المباراه كانت ممله نوعاً ما ..

لانه بينيتز كان لاعب براس حربه صريح واحد بس ..

ولويس جارسيا وراه ..

في نفس الوقت الفريق الروسي ممل برضه ..

تقمييييييط دفااااع ويلعبون على المرتدات ..

وبالفعل ومن وحده من مرتداتهم انطلق الوحش كارفلو وتلاعب بالحارس وحطها هدف اول في الدقيقه 24 الشوط الاول ..

من بعدها ارتاح حارس الليفر ..

انواع الضغط على سسكا موسكو ..

بس بدون تاثير .. ودفاع صللللللللللب بشكل الييييم ..

الشوط الثاني نفس المنوال ضغط غير مؤثر من الليفر وكم هجمه مرتده خطيره لسسكا موسكو ..

الى ان تدخل الاسطوره بينيتز .. بتغييراته الذكيه ..

خروج ستيف فنان ودخول الفرنسي الصغير الكبير سينما بونقول

تحرك الليفر شوي .. وبعدها لاحظ المدرب تنرفز تشابي الونسو خاصتن انه معاه كرت .. فادخل بداله الوحش المالي محمد سيسيكو ..

واخيراً وفي الدقيقه 78 انزل جبريل سيسيه رجل المباراه بدل جون آن ريز الى كان زي قلته

وبعد نزوله بشوي وبتمريره من جارسيا حاول يخلصها المدافع صقعت في يد سيسيه وكملها قوووول تعادل ..

الحكم ما انتبه ومشت عليييه ,,,

عموماً الوقت الاصلي على كذا ..

الشوط الاضافي الاول تمريره من فوق المدافعين جميله والله من هامان يستقبلها سيسيه ويشوتها يصدها الحارس يكملها قووووووول ثاني لليفر ..

الشوط الاضافي الثاني نفس الشي تمريره رائعه من هامان لسيسيه ينطلق من اليمين ويرفعها للويس جارسيا الى يحطها بكل سهوله في المرمى قول ثالث ..

حطم كل امال الفريق الروسي العنيييد ..



نقاط من المباراه :

& كارفلو دوخ دفاع الليفر كباري وانواع الترقيص .. ما ادري وين الفرق الكبيره عنه ..

& محمد سيسيكو لاعب كبير .. وكبير جداً

& ريز كان اقل من نكره في المباراه ..

& الحكم كااااان فله .. ما ادري بس الاعاده كانها تقول هدف سسكا موسكو تسلل .. هذا غير لمسه اليد الصريحه لسيسيه

& جيرارد ما لعب للاصابه وكان موجود مع الجمهور .. بصراحه لو لعب احس المباراه كانت بتنحسم من بدايتها

--

اخيراً بصراحه ورغم ان الليفر فوزه مهوب شريف 100% الا انه الفريق الروسي ابداً لا يستاهل الفوز ..

هجمه وحده بس وبعدها عينك ما تشوف الا حارسهم يتسدح

--

صور من المباراه :

صوره لكارفلو قبل لا يشوت الكوره هدف سيسكا الوحيد :


رجل المباره الفرنسي سيسيه :


جيمي كارجار يشيل الكاس : " اه يا جيرارد ليتك موجود "


الف مبروك لليفر وعقبال ما نفرحبهم بالدوري السنه ذي

الموضوع ادري مب بالشكل المامول .. بس انا عادتن احب احلل المباريات بطريقتي الخاصه

وشكرا لكم ..

[Rivaldooo 11]

اعتقد ان الحظ لعب دور في الفوز مع التحكيم

فالهدف الاول كان لمسة يد واضحة على سيسي والهدف الثاني جا بالخرش


يعني فوز مشي حالك

[Private Jeddawi]

مشكــور على التحليـــل ومبروك لليفر الفوز اللي أعتقد أنه غير مستحق من وجهة نظري

[هنري المدفعجي]

بصراح ما هي مبارة
سيسكا كان ماسك الكوره طول المباره
ويجي سيسيه ويدخل هدفين
و مشكور اخوي على التقرير

[BARCA 4 EVER]

الف الف مبروكـ لـ الليفر .. ..

[Abu Layth]

الف مبرووك للبفر

وان شاء الله البطولات تستمر

وبالنسبه للمباراه فانا ما شفتها

تسلم يا عمدا عالتحليل

[~ The Gladiator ~]

والله زمان حبيبي العمدة على مواضيعك

الله يعطيك العافية على التحليل الشيق

الف مبروك لليفر

و الله يعطيك العافية

[TaShOo]

مبروك لليفر
مشكور اخوي على التحليل

[العمدا]

تسلموووون جميعاً على الردود .


--

والهدف الثاني جا بالخرش

ما اعتقد انه في شي في عالم الكوره اسمه هدف بالخرش

--

سيسكا كان ماسك الكوره طول المباره
ويجي سيسيه ويدخل هدفين

هذي قويه شوي ..

الليفر طوال المباراه ضاغط وماسك الكوره ..

سسكا موسكو ما كان له دور الا انه يدافع وكم مرتده .. ووحده منهم جت قوووول ..

--

والله زمان حبيبي العمدة على مواضيعك

تسلم اخوووي .

--

عموماً انا ما احب انى اكون متعصب نوعاً ما ..

يمكن الليفر ما يستاهل الفوز كون الهدف جا من لمسه يد صريحه ..

بس لو جينا للواقع الليفر كان افضل وبمراحل ..

واعتقد احصائيه المباراه خير دليل ..


بس وبصراحه انا لاحظت شي على الليفر ..

دائماً يهجم ولا يسجل اهداف ..

واذا دخل فيه هدف سبحان الله ينفك النحس !!!

مثل اول مباراه لهم في الدوري مع مدلزبره .. انواع الضغط لكن اهداف مافيه ..

اتوقع لو مدلزبره سجل كان الليفر سجل وقلبها


يعطيكم العافيه على المرور

[INTERawee]

الله على تحليلك يا عمدا ...روعة

والله المباراة شكلها صارت مهزلة تحكيمية ..

سيسه يقول .....مستحيل ..ولا وباليد بعد

الليفر كالعادة يستخدم الحظ ..

مشكور عمدتنا على التحليل الراشع وعلى الصور...اللاعب هذا شكله فلته والله

[Lampard]

مبروووك لليفر