قصة فشلة..............
هاي شباب أبى أحكيلكم قصة أرجو إنها تنال إعجابكم.....
هذه الأم أول ماصحيت مسكت التليفون ودقت على جارتها(وثرثارة على ثرثارة كارثة)
الام:كيفك اليوم ؟
الجارة:الحمد لله وإنت؟
الام:ها ويش نقول الحمد لله.
الجارة:إيش فيك كذه تقوليها!!
الام:شوفت ؟؟
الجارة:إيش خبريني؟؟
الام:جارتنا السخيفة جياني اليوم.
الجارة:اية جارة سخيفة ؟؟
وفي وسط هالمحادثة الشيقة هي جات بنت الام الصغيرة :
ماما أبغى أدخل الحمام دخليني
الام:مانت شايفاني قاعدة أتكلم إستني هنا شوي دحين راح أنهي المكالمة.
رجعت الام للتليفون ثاني:
الام:إيوة هاذي بنتي سوسو تعرفيها مزعجة مرة المهم ويش كنت بقولك؟؟
الجارة:عن جارتنا السخيفة.
الام:إيوة جارتنا أم عبد الله جياني اليوم هذه الثرثارة متوقف كلام عن الناس أنا متاكدة إنه هي راح تخرج من عندي وبتروح عند أم يوسف تسب في أعرفها لسانها طويل
البنت الصغيرة مرة ثانية:
ماما دخليني الحمام.
الام:دقيقة.
الام:أقولك ياأم صالح بقفل سوسو تبى تدخل الحمام ولا راح تسويها فوقي دحين مع السلامة راح أدق عليك أول ما أم عبد الله هاذي تمشي خلاص .
الجارة:خلاص مع السلامة
(وطبعا لاتنسو المحادثة الهاتفية سمعتها البنت الصغيرة كلها)
وفي الليل :
سوسوسوسوسسوس
الام:الباب يدق روحي إفتحي ياسوسو وقوليلها ماما جاية دحين.
سوسو:حاضر ماما.
فتحت سوسو الباب:
الجارة أم عبد الله:السلام عليكم .
سوسو:ماما جاية دحين إدخلي.
وفي غرفة الضيوف:
أم عبد الله:إنت سوسو والله تشبهي أمك الله يعينك راح تعاني طول عمرك.
(سوسو مافهمت الكلام)
كانت أم عبد الله تنتظر الام لحد ماتيجي وكمان سوسو بس سوسو كانت تسوي شئ عجيب كانت تطالع في لسان أم عبد الله لاحظت أم عبد الله نظر سوسو المستمر في لسانها:
أم عبد الله:إيش يابنتي في شئ غلط؟؟؟
سوسو:إنت تعرفي تسكري فمك زينا؟؟؟؟
أم عبد الله:!!!!!!!!!!!!!
سوسو:وكمان لسانك عادي مو طويل زي ما ماما قالت
شوفتي يا فشيلتك ياأم سوسو دحين إيش راح تسوي البنت فضحتك بجد العيال مايتقال شئ قدامهم.
نصيحة مني :لا أحد يتكلم قدام العيال الصغيرة وأحسن مايتكلم عن أحد عشان مايحط نفسه في مواقف محرجة........
وباي إن شاء الله تكون عجبتكم القصة..........
مشاركة: قصة فشلة..............
مشكووووره على القصة 
اطفاااااااال..
