مساعده و أستفسار عن الهاردسكات

[البوعينين99]

السلام عليكم

انا عندي موذربورد بنتيوم 4 وعليها هاردسك 40 قيقا سايقيت
وناوي أشتري هاردسك 300 قيقا ((يركب ولا لا ؟)) .. وعندي كم أستفسار:

وشهي أنواع الهاردسكات ؟ انا سمعت عنهم بس ماتذكر كم نوع ووش الفرق بينهم
في نوع اسمه SATA ونوع اسمه SCSI ، لاهنتوا ودي اعرف وش الأنواع الثانيه وماهو أفضل أستخدام حق كل واحد منهم ..


وانا أعرف أن الـ SCSI يفضل استخدامه في السيرفرات..


انا مثل ماقلت ناوي أشتري هاردسك 300 قيقا وأبي أعرف إذا في فرق بين كيبل السايقيت ال40 قيقا الي عندي وبين ال300 قيقا... لازم أبدل الكيبل ؟؟ أو في شي ثاني لازم أسويه عشان يشتغل على جهازي؟

ووشهو أحسن نوع هاردسك موجود (( يتحمل )) ويعمر..

لأن انا عندي 4 هاردسكات وسترن ديجيتال وكل واحد ألعن من الثاني 2 أختربوا و2 قيد الأستخدام وفي أيامهم الأخيره ..


فياليت أحد ينورني ويرد علي بسرعه لأني انا ناوي أشتري الهاردسك خلال هاليومين

[Baraa]

السلام عليكم ..
أولا , الـ SATA هو النوع الأفصل لذلك , احرص على اقتناء هاردديسك داعم له ..
ولن تحتاج لتبديل أي كابل مع الهاردديسك القديم طالما أنه SATA ..
أنا أنصحك بهاردديسك من Western Digital بسرعة 10000 دورة ..
ويعتبر من أفضل الأقراص الموجودة ..
اسمه :
Western Digital Raptor ..
-------------------------------------------------------------------------------------------

[الوهج]

طيب استاذي جيمر ايش رايك في هاردسكات السقيت

[Baraa]

هاردديسك Segate يختلف من نوع لاخر ..
ولكنه عموما أسوء من غيره , ولا يقارن بالـ WD والـ Toshiba ..
أي أنني لا أنصحك به أبدا , إلا في حالة عدم توافر الهاردديسكات المرموقة ..
------------------------------------------------------------------------------------

[البوعينين99]

لأن انا عندي 4 هاردسكات وسترن ديجيتال وكل واحد ألعن من الثاني 2 أختربوا و2 قيد الأستخدام وفي أيامهم الأخيره ..

لاهنت على ردك لكن......... مثل ماقلت لك فوق وسترن دجتل مامنه فايده



..............



وماقلت لي وشهي أنواع الهاردسكات.... مو يعني ساتا والأنواع الثانيه !!!!!



وانا ترى مادري إذا الي عندي ساتا ولا لادا

[Cador-Knight]

السلام عليكم

اخوي هناك نوعين من انواع الهاردسك للكمبيوتر الشخصي وهي ال IDE و SATA

ال IDE هو القديم و ال SATA هو الاحدث والافضل بس لازم يكون ال Motherboard يدعم الساتا
وتوجد انواع من ال Motherboard تدعم الاثنين معااا

بعض الصور لتوضيح الفرق بينهم


IDE

صور للMotherboard الذي يدعم ال IDE




ال Cable الخاص لل IDE




واخيرا الهاردسك الخاص فيه


------------------------------------------------------------------------------


SATA

صوره لل Motherboard الذي يدعم ال SATA ( اللون الاحمر )



الCable الخاص لل SATA



واخيرا الهاردسك الخاص فيه


-----------------------------------------------

وبخصوص سؤالك اي الشركات افضل فأنا افضل Westron Digital

واذا بغيت شركه اخرى انصحك ب Maxtor شركة لا غبااار عليها

واسفين طولنا عليكم

[البوعينين99]

Cador-Knight

سبع والله

مشكووووووووووووووووووور وماقصرت وجزاك الله خير



بس...... انا تفاجأت لأن الهاردسكات الي عندي طلعوا IDE مو SATA ...!! مع ان جهازي جديد مو قديم بنتيوم 4 2.8 ميقا هرتز أنتل .

لكن عندي سؤال واحد كيف تكون الفتحه الي في الموذربورد حق الـSATA عشان أعرف إذا يركب هذا النوع من الهاردسكات على جهازي ولا لا. وإذا ماعليك أمر لو تحط صوره يكون احسن.

[Cador-Knight]

العفو اخوي وهذا واجبنا


وبخصوص سؤالك عن صوره لل motherboard الذي يدعم الSATA انا حاطلك صوره للmotherboard

على العموم تفضل صورتين للتوضيح اكثر







واذا في اي سؤااااال انا و الشبااااااب ما راح نقصر معااك

اخوك

[123man]

السلام عليكم ورحمة الله وبركاته
كيف حالكم إخواني...
هل الفرق بين الSATA و ال IDE كبير جدا ؟

وجزاكم الله خيرا

[البوعينين99]

مشكووووووووووور يالذيب وماقصرت




والحين بافتح جهازي وعلى الله تطلع فيه فتحات الساتا (( ناسي شكله ))




ولاهنتوا على المرور