أي سؤال عن برنامج الابتعاث الجامعي CPP تفضل

[AlzaeemAlhilaly]

السلام عليكم ورحمه الله وبركاته

انا طالب تخرجت من برنامج cpc وانا الآن على برنامج ال cdpne ومبتعث في امريكا

الي عنده اي سؤال عن اي نقطه في اي برنامج من هالاثنين يتفضل ورااح احاول اسااعده بالي اعرفه

تحيااتي لكم ،،،

[رويـن]

جزاك الله خير اخوي على هالخدمة

اخوي اقدر ادخل هالبرنامج وادرس داخل المملكة يعني بجامعة البترول ؟؟؟؟؟

لإني بخاطري ادخله بس مااقدر ادرس برا لظروف

[anelka]

حبيت استفسر اذا كان هناك بعثات لكندا في تخصصات هندسة البترول ؟؟

[AlzaeemAlhilaly]

حيااكم الله اخواني

## أخوي رويـن : ايه نعم اخوي لك الحق تختار داخل السعوديه او برا السعوديه
لكن فيه بعض التخصصات والادارات تمنعك مع الدراسه داخل السعوديه

على وقتي انا كانت دائرة الاستكشاف تمنع اي طالب مسجل ضمن دائرتهم بأي تخصص الدراسة داخل
المملكة ( تخصصات هندسة البترول وبعض الجيلوجيا والجيوفيزياء )
وما كان فيه إلا استثناء واحد بس وكان هندسة بترول ودرس في السعوديه ( واسطه )

لكن من تجربتي اشوف انه اي واحد يدخل البرنامج هذا ولا عنده اي ظروف عائلية تمنعه من السفر
يسافر احسن له.

اتمنى اكون افدتك اخوي واذا تبي اي توضيح زياده اطرحه هنا وانا حاضر.

____________________________________________________________________

## أخوي anelka : بالنسبه للبعثة إلا كندا نادره جدا خصووصا في السنة الي كنت فيها في البرنامج
شخص واحد فقط راح كندا وتخصصه كان computer science

وهندسة بترول ما قد سمعت احد راح كندا على هالتخصص.

وانا قد سألت مسؤول تعين الجامعات قالي لي ان كندا ما نحب نرسل لها واجد . قلت له ليش ؟؟
قال لي نظامهم اهناك انك ما تقدر تدخل على التخصص الي تبيه ولكن لازم انك تنافس غيرك على مقاعد محدووده في هذا التخصص ( مع ان السنة هذي النظام في بعضض التخصصات في امريكا كذا )
لكن هذا الي قاله لي.

لكن عموما الي اذكره ان هندسة البتروول لهم بعثات في :
امريكا & بريطانيا & استراليا


اتمنى اكون افدتك اخوي واذا تبي اي توضيح زياده اطرحه هنا وانا حاضر.



تحياتي لكم ،،،

[Honolulu]

بالنسبة للراتب الشهري، كم دولار شهريا؟
وهل يكفيك ولا لا؟
وهل يصرفولك ارامكو بدل سكن ولا لا؟
وانا سمعت انه في مكافات من 300 الى 800 دولار كل Semester لو كان معدلك عالي صحيح هالكلام ولا لا؟
وبالنسبة للبرنامج الصيفي حق ارامكو اش يصير فيه لاني اعرف ان الجامعات في امريكا ما عندها برنامج صيفي؟
و معليش اخوي كثرنا الاسئلة عليك.
و على فكرة اليوم قالولنا في ارامكو ان بريطانيا فيها جميع التخصصات ماعدا هندسة بترول.

و جزاك الله خير

[AlzaeemAlhilaly]

حياك الله اخوي Honolulu

# بالنسبة للراتب الشهري الاساسي لجميع الطلاب المبتعثين ( لاي دوله من قبل ارامكو )
هو حوالي 1325$
لكن الي يختلف الي هي ال location allowance تعتمد على الدوله وعلى المنطقه الي انت فيها
فيه بعض المناطق في امريكا ياخذون 123 ريال زياده كل شهر وفيه بعضهم ياخذون 600 ريال
وبريطانيا عادته تكوون الزياده لهم عاليه لانها غاليه شوي.:vereymad: :vereymad:


# بالنسبه هل يكفي ولا لا فيعتمد على الشخص نفسه
يعني اذا بتسكن مع روميت وما راح تشتري سياره ( تأمين وبنزين يقص الظهر ) انشااء الله يكفيك وزود

بالنسبه لي انا شخصيا احيانا اضطر لاستقبال المعونات المسعوديه ( الله يخلي الوالد )

لكن هي بالدرجه الاولى تعتمد على الشخص نفسه وكيف يصرف فلووسه

# بالنسبة للمكافئات فهي زي كذا
سنوي____________________ نص سنوي____________________ GPA
راتب شهرين________________ راتب شهر_____________________ 3.5 إلى 4
150% من راتبك__________ 75% من راتبك _________________3.0 إلى 3.49
راتب شهر_______________ راتب نص شهر_________________ 2.5 إلى 2.99


# السؤال الاخير ما فهمته زين لكن ابجاوب على الي فهمت
بالنسبه للبرنامج الصيفي في امريكا فهو موجود ولازم عليك تآخذه لكن لك الاحقيه تآخذه في اي جامعه
انت تبغاها داخل امريكا طالما ان جامعتك الاصليه تقبل الكورساات الي راح تاخذها


### بالنسبه لهندسة البتروول في بريطانيا انا قلت في الرد الي قبل ( حسب ما اتذكر ) يعني ماني متاكد منها والله لان تخصصي مهو هندسة بترول

يعطيك العافيه اخوي وانشااء الله موفق لاني حسب ما فهمت من ردك انك مقبول في البرنامج بس يا ليت اعرف التخصص الي حطوك عليه وانت وين ناوي برا ولا داخل


تحياتي لكم ،،،

[Honolulu]

مشكوووووور اخوي الف شكر و الله انا الحمد لله انقبلت هندسة ميكانيكية و ناوي اروح على جامعة محترمة برا و اذا ربي ما قدر و بيرسلوني جامعة اي كلام بقعد في البترول و اخذ 3500 ريال في الشهر احسن لي من الغربة و القرف
وجزاك الله خير

[AlzaeemAlhilaly]

الف مبروك اخوي Honolulu

بالنسبه للجامعات برا اهم شي التوفل ( في السنوات الاخيره صارت ارامكو تعطي طلابها اختبارIELTS وهو زي التوفل بس على النظام البريطاني لكن للاسف الشباب قبل كانو يختبرونه في آخر البرنامج ويجيبون درجات حلوه لكن معظم الجامعات القويه تكون قفلت التسجيل حقها )

بالعربي التوفل هو الي راح يحدد تروح جامعه قويه ولا لا

بغض النظر عن نسبه الثانويه العامه

لان العامل الرئيسي في تحديد الجامعه الي راح تدرس فيها هو مستوى اللغه عندك

وبالدرجه الثانيه تخصصك ( اقل اهميه )

تحياتي ،،،

[Honolulu]

التوفل مقدور عليه لكن المصيبة في اختبار السات اللي بعض الجامعات يطلبوا فيه درجات غير عادية و هو اللي انا خايف منه الصراحة

[AlzaeemAlhilaly]

أخوي اختبار SAT انا اخذته وهو عادي

المشكلة بقسم الانجليزي لكن لاننا حنا international students ما يطالعون فيه
لان الاختبار اصلا معد لخريجين الثانويه من امريكا يعني لغتهم الام انجليزي

بس يهتمون في الماث الي هو زي الرام1 ( قياس )

والحاسبه مسموحه في الاختبار يعني اذا انت عندك اساسيات الماث بس تجيب درجه حلوه ان شاء الله.

وزياده على كذا الظاهر في السنوات الاخيره ارامكو اضافة حصه اسمها SAT راح تحلون فيها بعض الاختبارات القديمه يعني ما فيه مشكله ان شاء الله .

موفق اخوي ،،،

[Honolulu]

طيب اخوي بغيت أسألك عن بدل سكن هل في بدل سكن غير الراتب الشهري؟ ولا بس الراتب الشهري
وشي ثاني لو باخذ غرفة لحالي من غير روميت حدود كم بيكون السعر؟ انا سمعت انه بين 500 الى 700 دولار في الشهر
و بعدين بغيت أسألك انت في اي جامعة؟
و جزاك الله خير

[الزاحف.]

السلام عليكم ورحمة الله وبركاتة
اخوي ممكن اعرف وشو الفرق بين البترول والcpc
وأيهم أفضل لأني ناوي في تخصص هندسة البترول

[AlzaeemAlhilaly]

هلا أخوي Honolulu

بالنسبه لبدل السكن فما فيه بدل سكن الي تآخذه بس الراتب الاساسي والمكافأت.

بالنسبه لسعر الغرف يعتمد على المكان الي انت فيه فيه اماكن ب500 وفيه ب 800 وفيه ب1000

وانت ماشي بعني يعتمد على الدوله والولايه والمنطقه السكنيه الي انت فيها

وبالنسبه لي انا درست اول سمستر في University of Colorado at Boulder

بعدين حولت على Arizona State University
____________________________________________________________

اخوي الزاحف : ما فهمت سؤالك والله .

[رويـن]

الله يجزاك خير اخوي الزعيم الهلالي

ماقصرت ... طيب أسمح لي بزعجك شوي ههههههههه اسئلتي كثيرة

س1/ أنت قلت على وقتك بالصعوبة واحد جلس وبواسطة طيب الحين شلون ؟؟؟

س2/ من الي يختارالجامعة السعودية ؟؟؟ أو مايعترفون إلا بجامعة الملك فهد ؟؟؟

س3/ الي يدرس بالسعودية له مكافئة ؟؟؟كم؟

س4/ وايضا لو واحد جلس بالسعودية تروح عنه السنة التحضيرية الي بالبترول ؟؟وإلا ياخذها بعد يعني تكون الهندسة 7سنوات ؟؟ وإلا سنة التحضير مال ارامكو كافية ؟؟؟

س5/ إختبار الي بي سي على شو يعتمد يعني اهم رياضيات او انجليزي << أخوك انجليزيته تعبانة مررررررة بس انا من المتفوقين الحمد لله على مدى دراستي من اول إبتدائي إلى ثاني ثانوي
وهالسنة بفضل الله سبحانه دخلت مع متفوقين المنطقة على الصف الثاني ثانوي بس عندي الأنجليزي مرررة تعبان فيييه يعني تلقيط كلمات

س6/ ياليت تفهمني اكثر تدري ليش << لإني إنسان أعشق ارامكو من سالف الزمان سبحان الله
انا حتى لو مادخلت سي بي سي راح يكون طموحي اتوظف فيها كمهندس احس فيها الأبداع ان شاء الله

على فكرة انا بتخصص ياهندسة بترول او هندسة كيميائية ان شاء الله وياليت تعطيني من معلوماتك اي افضل ؟؟؟ لإني براسي هالتخصصين الحين وناوي احسم الموضوع ان شاء الله

س7/ كم رواتب المهندسين لما يتوظفوا ؟؟؟ يعني 8500 انا سمعت معقوولة هذا راتب المهندس بأرامكوا ؟؟؟ مرررة قليل اشووفه

وجزااااااااااك الله خير ووفقك والله يرجعك بالسلامة
شاكر لك وسع صدرك
rayyan2005@hotmail.com هذا ايميلي لو حاب تكلمني اكثر الله يخليك

اخوك ريان

[الزاحف.]

الله يعطيك العافية اخوي AlzaeemAlhilaly

انا اقصد نظام التدريس والبعثة والوضيفة
يعني وش الأفضل

وانا ناوي ادخل هندسة بترول أو هندسة جيوفيزياء لاني أعشق المجالين


ومشكوووور والله يوفقة
اخوك محمد

alzahef_2004_7@hotmail.com
vbmenu_register("postmenu_3993434", true);
vbmenu_register("postmenu_3993434", true);