هذي القصيدة صراحة من اجمل القصائد الي سمعتها في حياتي وبدون مجاملة
وحطيتها بالمنقول لأني مدري والله هي قد انكتبت في احدى المنتديات او لا
المهم
يقول الشاعر
صادفتها صدفة بمستوصف القــمـــه **** العين راعيتها لحضه وتـرعـانــي
شميت انا عطرها ويابخت من شـمه **** يدوخ ويسكر ولو ماهو بشربانــي
قمت اتــذكــر زمــان فــات والــمــه **** لا عــاده الله نصـيـبٍ يـوم ودانـــي
هلت دموع العيون ولا بـقـى هــمــه **** مما جرالي نسيت آلام الأســنانــي
معــهــا اخــوهـا رفعا كفه على فمه **** كنه يقول يالله الســتــار يـاكـافـــي
نفس الملامح ويشبه جّـمهـا جــمــه **** سبحان ربً خلقهم دعج الأعيانــي
يدري بحـبي وتــدري امــه وعــمـــه **** حال القـدر بيننا والحب ســلــطانــي
يبكي ويمسح دموع عيونـه بـكـمـــه **** يبكي على شانها ويبكي على شاني
والله لــولا الحــيــا والديــن لأضمــه **** وأسمــعه شهــقــتٍ بالقلب شفقاني
والحب بلــوة ومــنــه النفس مهتمـه **** وش حيلتي والغظي دمي وشرياني
جسمي يروح ويجي والقلب من يمه **** القــلــب عــنــده يــبــيه ولايبي ثاني
أقسم بـربــي وانــا لــي مذهب وذمه **** لأعيش حبه ولـــو حـبـه علي جاني
شربت كاس الهوا ورويت من سمه **** مامت وارتحــت ولاهــو الي احياني
اضحك مع الناس والأحزان منضمه**** كنـــي ســـعيدٍ وانا مبــلي بالأحــزاني
عندي وصــيه وتـــالي الهرج يا يمه **** الموت حقاً على القاصـي مع الداني
وان صرت فوق النعش والناس ملتمه****مرو على بيتها وتشوف جثــمانــي
قولولها الموت زل بـــو صــويح بالثمه**** لا مات حبه ولاهو بالنـعـش فاني
شـــلنـــاه لـــلـــمــقـبـره وادعيله القمه **** هو له ثوابه وجوده له بالأحساني
يالله يالمــقــتـــدر يــاكــاشــف الــغــمه **** تفرج لمن حالته دوماً بنقــصانــي
