سواليف

[قرفانه]

السلام عليكم ورحمة الله وبركاته وبعد
كيف حالكم يا شباب وياشابات
كيف الاجازة معكم
خلصت صح
كيف الاستعداد للمدارس؟؟؟
رحتو اشتريتواو مراييل يابنات
رحتو اشتريتوا ثياب ياعيال
رحتوا اشتريتو الدفاتر والاقلام والمساطر والشنط؟؟؟؟
يابنات وياعيال
انا عن نفسي
خلصت كل شي <<<<<<<<شوفو النصابة
فصلت المريول بس باقي البلايز<<<<<<خخخخخخخخخخخخخخخخخخخخخ
ولسا باقي الجزم وانتو بكرامة<<<<<<هههههههههههههههههههههههه
ولسا باقي الادوات المدرسية<<<<<< خخخخخخخخخخخخخخخخخخخخ
ابشركم اشتريت الشنطة اليوم<<<<< هههههههههههههههههههههه
يالله عاد خلونا نشوف
وش باقيلكم؟
وش خلصتو منه؟
داريه نكدت عليكم!!!
بس وش اسوي؟
هذل طبعي نكدية
يالله عاد خلينا نشوف همتكم بالردود

[التراث السعودي]

وعليكم السلام ، هلا بك اختي

اي والله خلصت الإجازة بسرعة ، بس مو مشكلة العـودة للدوام والمدارس فيها وناسة

اكيد الجميع مستعـدين بس فيه ناس الله يهديهم كسالى ويكرهون الدراسة

انا فصلت ثوبين بمناسبة العـودة من الإجازة القماش من ابو صافي في شارع الثلاثين


واذا تبين بلوزة اوصيك على مراييل محلات " مذهلة "

لا أنا ماشتري شي خلاص راحت ايام الدراسة ومكتبة جرير

كبرنا وتخرجنا وصرنا رجال أعمال

اقول لا تشترين كعـب عالي ، اخاف تزلقين على عـتبة باب المدرسة

بس بس تعـتب مع السلامة وياليت احد ثاني يسولف عـلينا ترى ملينا من الهدوء نبي صجة ورجة

[قرفانه]

ايه والله ياليت احد يشركنا ملينا من الهدوء خصوصا اليوم ماعندي واجبات ولامذاكرات
سبحان الله عكس امس ابي احك راسي مافيه وقت
واليوم كل الوقت فراغ<<<<<<معلماتها كلهم رايحين دورة ماخذو غير مادتين

[التراث السعودي]

ايه والله ياليت احد يشركنا ملينا من الهدوء خصوصا اليوم ماعندي واجبات ولامذاكرات
سبحان الله عكس امس ابي احك راسي مافيه وقت
واليوم كل الوقت فراغ<<<<<<معلماتها كلهم رايحين دورة ماخذو غير مادتين


هلا براعية السواليف

من ناحية يشارك احد ، ما اظن ... قليل اللي يدخلون قسم منتدى التعليمي ، لأن اللي يدخل هنا ماعـنده وقت للسوالف ، يبغون خدمات بس ويسألون اسئلة وبعـدين يطلعـون ... وهم معـذورين لأن اكثرهم سجلوا علشان يستفسرون ..


لكن لو موضوعك في المنتدى الترفيهي ، كان بيصير هوايل واكيد بتلاقين ناس راعين سوالف مثلك ومثلي


نجي للأهم ، اجل تقولين ماعندك مذاكرة ولا واجبات ؟ اوكي واجبات معقولة لكن مذاكرة / المفروض يوميا الطالب يذاكر من السبت للأربعاء ، علشان ماينسى اللي أخذه من الدروس المشكلة مشكلتنا حنا يالسعـوديين مانحب المذاكرة ، قليل اللي يحبونها ! و90% مايذاكرون الا إذا قربت الامتحانات ، وبالأخير يرسب أو ينجح بنسبة عادية وماتأهله لدخول الجامعات ... ماعلينا ، والله ماقلت هالكلام الا أني اغار على ابناء وطني ، ابيهم يطلعـون الأوائل ...

عندي سؤال : انتي بأي صف ؟ اذا مافيه احراج

سالفتي طويلة شوي معاليش اسف على الاطالة

[قرفانه]

مشكورين جميعا الله يسعدكم جميعا

[قرفانه]

آخ بس لو تدري انا بأي صف وعلى هذا الإهمال بتستخف
أنا


انا
انا
انا



ترى عادي
مافيها احراج
ولو تبي أقولك كم عمري عادي

بثاني ثانوي معدل تراكمي تخيل
اولى +ثاني+ثالث
انا جبت نسبة زينه سنه أولى <<<الحمد لله
شكلي هالسنه بخربها
الله يستر

[التراث السعودي]

مشكورين جميعا الله يسعدكم جميعا

مافيه الا أنا

[التراث السعودي]

آخ بس لو تدري انا بأي صف وعلى هذا الإهمال بتستخف
أنا


انا
انا
انا



ترى عادي
مافيها احراج
ولو تبي أقولك كم عمري عادي

بثاني ثانوي معدل تراكمي تخيل
اولى +ثاني+ثالث
انا جبت نسبة زينه سنه أولى <<<الحمد لله
شكلي هالسنه بخربها
الله يستر

أوووو مسكينة والله ، ثاني ثانوي ، اجل مابعـد شفتي شي !! جايتك ثالث ثانوي والله يكون بعـونك بس ماعليه خليك متفائلة

بالتوفيق دايم ، وانصحك بالمذاكرة الدائمة يوميا بعـد الخروج من المدرسة علشان ماتنسين اللي اخذتوه الصبح ، مراجعة خفيفة ، وفي الليل مراجعة مع تركيز أكثر ، وإذا قربت الامتحانات بتكوني فاهمة وتحتاجين لـ أقل مجهود لأن نفس المواضيع مرت عليك قبل من خلال المراجعة والمذاكرة اليومية ..

بالتوفيق