عصفورين في اليد و شيطان في التفاحة

[smigle]

السلام عليكم جميعاً

وحشتوني وحشتوني وحشتوني




لحظة لحظة خلوني أتمقط....آآآآآآآاااااه

بل حسيت جسمي بيتكسر من التمقط ، من زماااااااااااان ما كتبت كلمه في المنتدى.

طبعاً مثل ما أنتوا عارفين أنا كنت في إجازه ثلاث أسابيع "ولا فيش زيها، حاجه كده محصلتش"، من يومين بس رجعت الدوام و شوي أنشغلت، بس كنت أحياناً أطل على المنتدى وأنا في إجازتي، بس بصراحة كنتوا تكسرون الخاطر، ليش ?ذیه خلصت سوالفكم ولا شو؟؟؟

بس عيبتني أنجل وموضوع الصبوحه وفيروز


الحين أشوف النشاط بدا يزيد "وتش أز جود" واليوم باكتب لكم موضوع صغن من مواضيعي الصغننه، بصراحه السالفه اللي بقولها لكم أكل عليها الدهر وشرب بس من زمان وأنا مريض بداء الكسل، بس قلت لنفسي

"يالله يا واد بلاش كسل وبطل نوم وحرك صوابعك واكتبلك موضوعين كده يفتحوا النفس يعل ربي يسد نفسك"

==============================

عصفورين في اليد

================

كان ياما كان ومنذ ست شهورٍ من الآن

وانا راجع من صلاة الجمعة، وأنا أدخل سيارتي في الطبيله "يعني كراج بالأوردو" ?ان أشوف ثلاث عصافير، يناقزون على الأرض مثل المهابيل جدامي، عاد أنا ما أهتميت "لأن كل شي في هالبيت يناقز مثل المهبل" وقلت لنفسي (الحين بيطيرون) المهم أني قبل ما أنزل لاحظت عصفورين كبار يطالعونهم من فوق الشيره "يعني شجره بالتجالوج" وبعد يناقزون مثل المهبل" قلت يا ولد أيش اللي صاير لا يكون شركة الأتصالات مسويه خصم على خدمة الدي أس أل

و?ان أقوم أنا وأناقز مثلهم هالشكل :marchmell

والعصافير المينن يناقزون هالشكل

والخدامه تطالعنا هالشكل

بعدها وقفت وقلت: لحظه لحظة لحظة ...أنتو مب عصافير ولازم تشردون؟؟؟

العصافير: هاااا؟؟؟ بس أحنا صغار وايد وما نقدر نطير.

أنا: وأيش اللي منزلكم من عشكم ومخليكم تناقزون مثل المينن ؟؟؟

العصافير: أحنا طحنا من العش ويوم أنت جيت أبونا وأمنا فوق قاموا يناقزون من الخوف وأحنا قمنا نناقز مثلهم ما ندي شالسالفه وأنت "الحمد لله والشكر" قمت تناقز.

_____________

المهم أنا دخلت بيتنا وقلت حق بنت خالي تعالي نصيدهم تراهم صغار وما يقدرون يطيرون، عاد الرقيقة قالت أنها تخاف، وأنا قلت لها: حرم تراهم صغار وما يقدرون يطيرون، ويمكن تاكلهم القطوه. ..

وفجأة: هاااااااااااه القطوه " تذكرت أن القطوه الكريهه اللي في بيتنا تقيلل (يعني تأخذ قيلولتها --نومة الظهر-) في مكان قريب من العصافير...

ركظت صوب العصافير ?ان أشوفها منخشه ورا العشب وناطره واحد منهم

المهم هو كان شوي بعيد عنها، أنا الحين أبي أقرب منه، بس هو يبتعد كل ما أقرب ويقرب من القطوه.

وقفت أنا، وهو وقف. مرت فترة صمت وتفكير.

الحين أنا شسوي؟؟؟ لو قربت منه بيقرب من القطوه بنت الكلب وبتاكله، ولو رحت عنه يمكن تتشجع وتطب عليه وتاكله قلت ليش ما أركظ مره وحده بسرعه صوبها وأخرعها وتشرد وعقب أصيده.

المهم أني ركظت صوبها، والغبي على باله أني ياي له، ?ان ينط صوبها وتعظه وتشيله وتشرد وأنا .

في هاللحظه أخذت على نفسي عهد أني ما أخليها تاكل أخوانه وأني بربيهم عندي لين ما يتعلمون الطيران..."برويهم ماريو 64 وشلون يلبس الكاب الأحمر ويطير.

دخلت البيت دورت لي على قفص، للأسف ما عندنا، بس تذكرت أن عندنا واحد بس مال زينه ما ينفع بس قلت يالله تمشية حال لين ما نشوف غيره.

شوفوهم وحليلهم وهم فيه



وهذا زووم عليهم

[smigle]

((( بداية المعاناة )))

طبعاً أنا أول ما حطيتهم في القفص قعدوا ساعتين مب مستوعبين هم وين، وحتى كنت أمسكهم وما يسوون شي لأنهم بكل بساطه ما تعلموا الخوف.

بعد شوي حسوا باليوع (يعني الجوع بالماغولي)، وخذ صيااااااااااح

ويص ويص ويص ويييييييييييييييييييييييييييص وصمخ ما تسمع

قلت خلني أحط لهم ماي في مغطى الغرشه ويشربون منه، مثل ما أنتو شايفين في الصوره اللي فوق بس للأسف ما شربوا، كانوا يالسين طالعوني وماأدري شو يرمسون عني، قلت يا ولد خلني أحاول معاهم واحد ورا الثاني.

خذت الأول، كان شكله واثق من نفسه، وما شرب شي...بس كان يطالعني من طرف منقاره بكل تكبر.



قلت لنفسي فل يخسأ المتكبرون وزجيته في القفص، أخوه عاد خاف من المنظر ويوم شلته كان ويهه هالشكل .

وعاد من الخوف شوفو أيش سوى



هو كان يوصوص يوم صار الموقف بس أنا قلت Sh*****t

أنا من زمان محتار في تفسير الأختصار أنجليزي اللي هو "BS"

مره أقول: It must be British Standard
ومره أقول: It must be Bull Sh*t
بس الحين خذوها مني: It is CERTAINLY Bird Sh*t

المهم أنا بعد هالموقف قلت: لا أبوكم لا أبو اللي بيبي يشربكم ماي مثل الأوادم

قلت الحين بشوف لهم شي ياكلونه

فكرت

وفكرت

وفكرت

وجبت لهم: روتي (يعني ....يعني.... أبيه تصدقون ما أدري أشلون أقول روتي بالفصحى)

المهم هذي اللي في الصوره، فتات من الخبز



وخنفسانه



ونمله، وفي النهايه جبت لهم الغنايم في الأكفان الثلاثه What a petty



عاد الحلوين وعلى كل اللي يبته لهم رافعين خشومهم وما كلوا شي

وأنا عاد شو صار فينييي


شووووو صااااااار :vereymad:



:vereymad: شووووووووووووووووووو صاااااااااااااااااااااااااااااار:vereymad:

...

..


.

[smigle]

ولا شي، تعوذت من أبليس ولحفت القفص علشان ينامون بيوعهم (يعني بجوعهمبالأسيوطي) ورحت أنام



______________________________________

الموعد: ثاني يوم الصبح

وأنا قاعد آكل تفاحه ومعصب على العصافير وعلى أمن يابتهم ?ان أشوف هالويه طلعلي من أول قرمه من التفاحة (قرمه يعني قضمة بالصيني) Man why is it getting dark suddenly



بسم الله الرحمن الرحيم، أنا قلت صيني ?ان يطلعلي Devil

عاد من أثر الصدمه قمت أدعي دعاوي أول مره أقولها: الحين ياللي ما تستحون بدال هالأكل اللي تاكلونه يايب لكم روتي، وخنفسانة بيوت محترمه، ونملة مطابخ ما في أحلى منها وما تاكلون

أنا الغلطان وصاير فيها أمكم، أنا لازم أقطكم حق أمكم اللي يابتكم تأكلكم



هااااااااااااه...والله فكره

هذي هي الفكره، حطيت القفص عند دريشة الصاله (دريشة يعني شباك بالواقواقي).



تخيلوا من جاء عند نافذتنا؟؟؟



الأبو المسكين بغا يموت من الفرحه يوم شافهم، والقطوه بغت تموت من اليوع يوم شافتهم

فكرت أشلون أخليهم برا البيت والأبو والأم يقدرون يشوفونهم من غير ما توصل لهم هالكلبه اللي أسمها قطوه، وعلى فكره هذي متدربه على يد سبايدر مان ما في طوفه ما طلعت عليها...

بس على مين يا روح أمك....


تداااااا



علقت القفص بحزام تحت الطبيله (طبيله يعني كراج بالعبري)

عموماً الحين أترككم مع صور توضح مدى العطف الأبوي ومدى ذكائي السميجلي

-1-
كانوا يغردون بصوت حلو كأنهم يشكرون الله ثم يشكروني أني طلعتهم



-2-

ملاحظة: بك بالخليجي تعني




-3-



- 4 -



- 5 -

في الأخير صار الأبو يجيب لهم الأكل ويعطيهم أياه هالشكل



عموماً أنا تميت على هالحال، كل يوم أطلعهم الصبح وأعلقهم في الطبيله ويجونهم ابوهم وأمهم ويأكلونهم لين المغرب، بعدين ادخلهم لين اليوم الثاني.

تميت على هالحال أسبوع كامل لين ما حسيت أنهم قادرين يطيرون وهذا ما حدث



وبعدين طار الحلو وتعلق على الشيره (يعني شجرة بالسواحيلي)



_____________________________

وتوته توته خلصت الحدوته

سؤال أخير يسدح نفسه: أنتو من تتوقعون اللي كان يأكلهم الأبو أو الأم؟؟؟

أنا أقول أنه الأبون طبعاً بناءً على حقائق وهي:

1- أنا كنت هناك وأنتو لأ
2- الموضوع موضوعي وأنا حر

والسلام مسك الختام

[Arigato]

....................... :: السلام عليكم :: ..................................


مشكور أخوي على الموضوع .......... و على القصة ...................

شكلك تحب الحيونات ............... تنفع تكون أبو ( أمزحححح )

و إلى الأمام دائماااااااااااااااااااااا

و شكراااااااااااااااااا ... أخوك ( Arigato )

[Yamato]

ياخي شو هالموضوع الخنفساني...

عيل مسويلنا فيها مربي اجيال... -__-!

الحين الطبيلة مش من الطبلة يا بطل.. @_@ (غير مكان الطاء والباء في بطل مع كل تقديري يا فتى ) لوول

والله واشتقنا لمواضيعك يا راقل..

اريدك المرة الجاية تكتب عن الشيشة.. ما ادري ليش بس اكتب..

انا ما حزنت الا عالقطوة اللي عاملتها معاملة غير انسانية البتة (البتة تعني ورقة او بلوت لوول)

سلام.. لو طولت بفشل عمري..

[ashraf_2003]

ياااه
ذكرتني بحادث صار معي من كم شهر لما كنت مروح لقيت عصفور على الارض ولقيته ومش قادر يتحرك قلت ليش ما اخدو على الدار لحديت ما يستعيد عافيته ولكن قلت في نفسي مذا افهم في العصافير وايش ممكن افيد هذا العصفور وتركته وضليتني ماشي وكنت اشعر بتئنيب الضمير ليش ما ساعدته ايش ممكن يصير فيه ولليوم انا حاسس بالذنب لهذا الفعل

[XenO]

خخخخخخخخ .. موضوعك فلة .. (فلة يعني ممتاز بالأوزبكي )

بالنسبة لي ما أحب العصافير ولا أمسكهم حتى .. والقطوة ما تقصر كل ما نجيب عصفور تلقاه مسدوح على الأرض اليوم الثاني ما تسوي فيه شيء بس تقتله بدون أي سفك دماء .. جيمس بوند ..

أنا عندي سؤال بسيط : ايش دخل التفاحة بالموضوع ؟

وشكراً على الموضوع عزيزي سميجل .. ^^

[asf4ever]

أشم ريحة عصفور...
أيوه..هذي ريحتي
ده إنته وحشتنا كمان يا حياتي يا سميجل يا روح ألبي إنته
إلا شو المفاجأة مالتك للحين ما عرفنا؟؟
وموضوعك يجنن ينفع مسلسل درامي
عفون...
الفيوزات ضربت عندي بسير أذاكر عربي@__@

[Rory]

ههههههههه .. الصراحة اشتقنا لمواضيعك
من أول الموضوع لآخره وأنا أضحك .. بس تعال صح التفاحة شو موقعها من الإعراب؟ !

يا حليلهم والله العصافير كيوت.. كسرو خاطري ..
وذكرتني قطوتنا دوم تحط عصفور ميت عن مدخل البيت .. أونه يعني هديه حقنا !
بس مره يابت دياية يارتنا .. ونحنا سوينا عمارنا ما شفنا أو سمعنا شي عنها ..

ومره كانت حاطه عصفور كبير شوي عند المدخل .. وهي مجابلتنه بس تشوفه .. وأنا راده من الجامعه شفت ها المنظر .. وشفت نقطة حمره عدال العصفور (دم؟) قلت أكيد هذا ميت .. لأنه شكله فعلا كان كأنه ميت O_o!
بس يوم رفست (رفسه خفيفه يعني) العصفور .. طار!! طاااااااار!! ! أنا قلت هذا أكيد كان المسكين مصدق إنه مات .. وما استوعب إنه بعده حي ..

anywayz
ثانكيوو عالموضوع العصفوري مستر سميجل!

[Master ArNab]

هههههه .. موضوع فله .. كما عودتنا عزيزي سميجل

قعدت أضحك من أوله الى أخره ..

وسالفة التفاحة .. أعتقد داركنيس بيفهمها هو ويالصيني الله يذكرهم جميعاً بالخير


أتمنى أن تتحفنا بمثل هذه المواضيع الـ original .. ولو مره في الإسبوع


بي إس:
أقترح رفع الموضوع في الـ headlines تبع المنتدى اللي فوق .. حتى تدري الناس عن موضوعك الممتع

[BOR]

مشكور اخوي والى الامام انشاء الله

[smigle]

يا هلا ومرحبا بالجميع

ياخي شو هالموضوع الخنفساني...

عيل مسويلنا فيها مربي اجيال... -__-!

snif ....snif شو هذا، أشم ريحة زفر

يا هلا بيماتو والله

خنفسائي!!! I'll take it as a comment

شو نسوي وأنا أخوك (الصغير)، عوروا قلبي هالكتاكيت، ,انت أكتشفت أنك عايش في عش عصافير...لا تطيح بس تاكلك قطوه لينا.... نادني أنت بس وأنا أحطك عندي في القفص. هؤ هؤ هؤ

الحين الطبيلة مش من الطبلة يا بطل.. @_@ (غير مكان الطاء والباء في بطل مع كل تقديري يا فتى ) لوول

والله واشتقنا لمواضيعك يا راقل..

اريدك المرة الجاية تكتب عن الشيشة.. ما ادري ليش بس اكتب..

والله أهل قطر كلهم يسمونها (طبيله) بضم الطاء وفتح الباء وفتح اللام، عاد أنتو شو تسمونها يا قوم سطوه؟؟؟ أنا ما أدري.

وأنا والله أشتقت لردودك الخنفشاريه يا زلمه، وبالنسبة للشيشة.... هممممممممممم، ما أدري أيش أقول والله كلش مالي في قعدات الشيش بس...ما تدري يمكن أدخلها عرض في أحد مواضيعي مثل ما دخلت التفاحة...

انا ما حزنت الا عالقطوة اللي عاملتها معاملة غير انسانية البتة (البتة تعني ورقة او بلوت لوول)

سلام.. لو طولت بفشل عمري..

ولا تحزن عليها ولا شي، الخايسه...بس تدري أنا مستغرب أني رجعت من الأجازة وما شفتها، الله لا يرجعها أن شاء الله، وبعدين تعال أنا شو سويت لها؟؟؟

وعلى فكرة (البته تعني بطة بلغة الأيرانيين )

--------------------------

Ashraf 2005

أولا مبروك عليكم تحرير قطاع غزه يا زلمه

ثانياً لا تحزن ولا يأنبك ضميرك، هذا قدر العصفور...بس لا تكررها مرة ثانيه.

-----------------------

الأخ XenO

حياك الله عيوني وشي حلو أن الموضوع عيبك، وبالنسبة للعصافير أنا عمري ما ربيت عصافير أصلاً، عموماً أنا ما ربيت إلا قطاوه وسمك بس هذا كان من قبل 6 أو 7 سنوات، الحين ما أحب أربيهم لأني أتعلق فيهم ودايماً يموتون أو يشردون.

والتفاحة، مجرد حبيت أدخل السالفة لأن الأعضاء بيفهموناها، خاصةً العزيز داركنس، لأنه بيودعنا بعد يومين فحبيت أدخلة في السالفة.

-----------------------

عصفور باشا

ربنا يخليك ده من زوءك، والله أنتو اللي وحشتوني

وبالنسبة لموضوعي المفاجئة...الله يستر ما أدري شأقول بس يبيله شوية وقت في أمور خرجت عن ارادتي.
ويالله شد حيلك في الدراسة، ترا نبي نسبه حلوه مثل طلتك البهيه

---------------------

روري، شخبار اليامعه معا?

وحليلكم يا قوم الأمارات ماشي جيم ما قلبتوها ياء.
سؤال: أنتوا شلون تقولون جيلوجيا؟؟؟

عموماً...وين كنا؟؟؟

أيه بخصوص قطوتكم، ترا هذي الظاهر قاعده تدفع لكم أجار السكن، بس سالفة دياية جيرانكم صج حلوههههههه، بس هيه يالله رمضان ياي قريب، هووووو شنو بيعيشون في عز القطاوه، والله الزبالات عامره بكل ما لذ وطاب.

وبالنسبة للعصفور فعلى ما أعتقد أنه كان مسوي نفسه ميت، ترى شفت برنامج في الديكفري ما صدقت عيوني شلون الحيوانات تمثل أنها ميته....Well who knows

وحيا? الله يا روري في موضوعي العصفوري

--------------------------

ماستر أرنب

الحين أنا عرفت أنا ليش أحب هالمنتدى، أعضاء عصافير وأرانب وقطاوه

والله تعجبني قوة ملاحظتك، أنت الوحيد اللي صاد سالفة التفاحة

حتى داركنس نفسه ما أنتبه ولا رد على الموضوع، أصلاً هو ما در على مواضيعي من زمان

عموماً أسعدني مرورك وأعجابك بالموضوع، وأن شاء الله يتنفذ طلبك برفعه علشان نترزق لنا بكم تصويت من الناس اللي برا.


ودمتم سالمين

[smigle]

Did I forget somenone

الأخ شكراً أريجاتو (يعني شكراً بالياباني)

حياك الله أخوي وأن شاء الله تشوف مواضيع تعجبك في المستقبل

-----------------

الأخ ب و ر

العفو وحياك الله

-----------------

سلملم

[ashraf_2003]

Ashraf 2005

أولا مبروك عليكم تحرير قطاع غزه يا زلمه

الله يبارك فيك

ثانياً لا تحزن ولا يأنبك ضميرك، هذا قدر العصفور...بس لا تكررها مرة ثانيه.

ماشي

[Angel whisper]

ابداع سميجلوه ابداع يالمصرقع ..

عيل القطوه بنت الجلب؟؟

هههههههههه فظيع فظيع .. ولا حركة المناقز ... ههههههههه

غمضني العصفور اللي كلته هالخايسه T.T

بس يلا ما عليه .. المهم انهم صاحين ويطيرون ..

الا يمرون عليك وجيه؟ ولا خلاص نسوك واستوو ما يعبرونك؟

لانه عيبتني حركة العصفور اللي رافع خشمه