اليوم الوطني - تشوية -

[الموهوب]

السلام عليكم ورحمة الله وبركاته..


الجمعه..


اليوم الوطني السعودي...


وياسلامي عليكم ياشباب السعودية^^



هذي مقاطع .. لتنقل لكم الفرحة . او طريقة الفرحة لشبابنا..


اقل ما يُقال عن هالأمر اللي صار بشوارعنا ... تشوية من شبابنا الواعي والمثقف ..


حتى ان قناة ’’دبي’’ حضرت لتصوير الفرحة السعودية((على حد قول المصدر’’المصوّر’’))

يعني الى متى بنشوف شباب مهبّل مثل ذولي..


مادري هل هم استغلوا فرصه .. وطلعوا يفضون الهبال !

ولا الوطنية اشتعلت وطلعت في هاليوم .. والشارع كلة اغاني وصوتها يسمعه آخر واحد ..

والشارع تفاعل بعد وقام ’’يهز ’’ الظاهر ’’,,وفي احد المقاطع من الفرحة ,, لعبوا حبشة والله اعلم


, وكان ودي اعرف قناة ’’دبي’’ وش قالت ! في تقريرها..


طبعاً انا معي كم مقطع فيديو ’’’’ اكيد اغلب اللي راحوا هناك صوروا الحدث العظيم لفرح شباب المستقبل

ولكن اللي عندي من أحد شباب المستقبل ..

والحمدلله يقولون الشرطة جرجرتهم بس عقب ايش وفرّقوا المتجمعين وحاولوا يستدركون الوضع^^

بس مالبثو نص ساعه الا وهم طالعين((طبعاً)) بالعربي مسافة الطريق يعني ركبوهم باص .. وودوهم للقسم

وطلعوا....


غير اللي طلع قبل ما يروحون للقسم((يعني واسطه)) ,,فيه مقطع يبيّن احد الي طلعوا بواسطه وهم يصارخون عقب ماطلع يقولون : واسطه واسطه واسطه

قاموس:

حبشة: اللعبة المشهورة لدى كافة صنف البشر! ولكن هذه المره مع اُناس ذو شنب

وهي اللي تروح تلمس واحد . او تطقه .. وتهرب ويحلقك . وعلى هالحاله ’’طبعاً بين السيارات لان كافة البشرية موقفين وجالسين يرقصون ,, ومسوين نغمات بس بالـ بواري,

بواري : جمع بوري وهو : الطاط

وياسلامي عليكم ياشباب السعودية

سلام

[asf4ever]

سبحان الله
شر البلية ما يضحك
ما أذكر إنه مرة وصلة الخبا عندنا لشرطة بسبة اليوم الوطني
صدق..ناس ما عندهم سالفة متخبلين كذا-__-
وأنا بعد ودي أعرف شو قالت قناة دبي>.>

[Electro M]

شعب مشفوح و انعطى وجه
اجل بالله هذه الاحتفالات اللي مصدقين ان اليوم الوطني بيطلع الوطنية؟!
ما طلع الا الفضايح
في تسجيلات ثانية تظهر فيها ضرب لشاب حاول ينصح بعض الشباب اللي جالسين يرقصون في الشارع
و ايضا استعراض بعض البنات بالرقص قدام العالم!
و بالاخير يقولون المشكلة في مناهجنا لا و الدينية بس!
صورة مع التحية لمدعي ان الوطنية يجب ان يتم الاحتفال بها لمعرفة المحبة

شعبكم ما يبي لا اجازة وطنية و لا مطرسة علمانية
الشعب يبي وظايف و زيادة الاهتمام بالمتطلبات الصحية و التعليمية و حتى البنية التحتية للمدن
بالاضافة الى تغيير مفهوم تزوج و خلف و اترك عيالك للتفلت في الشوارع تقول خرفان
واحد ما يعرف يربي عيال لا يجيب درزن ثم يتركهم يصيعون ثم يقول الحكومة ما توفر وظايف!
انت اول مسؤول عن تربية عيالك الرزق على الله موب على الحكومة
موب تخلف شوية صيع ثم تتركهم يهيتون في هالشوارع ثم تقول الحكومة و الحكومة!

[XenO]

بالاضافة الى تغيير مفهوم تزوج و خلف و اترك عيالك للتفلت في الشوارع تقول خرفان
واحد ما يعرف يربي عيال لا يجيب درزن ثم يتركهم يصيعون ثم يقول الحكومة ما توفر وظايف!
انت اول مسؤول عن تربية عيالك الرزق على الله موب على الحكومة
موب تخلف شوية صيع ثم تتركهم يهيتون في هالشوارع ثم تقول الحكومة و الحكومة!

فعلاً .. هذا الشيء يحرق دمي .. غير تضرر الحكومة احنا نتضرر من الدرزن هذا - كفاية إزعاج الشوارع - .. -_-

وبخصوص المقاطع .. تخلــف !

تقدر تقول التشويه هذا كان لكل الشباب السعودي للاسف .. لأن الشر يعم والخير يخص ..

والسبب الأول والأخير تجمع الشباب .. ><

يعني فعلاً شيء ينرفز .. ويسموها" الوطنية " ..

[Y a z e e d]

خلهم ينبسطون ياخي وش حارق رزّك أنت اللحين ؟

،

اممم ، يوبه الطق في الميت حرام ..

شعبك ميت ..

خلاص خله لين يُنفخ في صورِ الشعب ويقومون

والله اعلم متى ..

وبعدين ترى .. بعض الوناسة .. ( لا تضير ) كما افتى فضيلة شيخ حارتهم/ فلّوها بن جاهنوفان - أثابهُ الله - ..

.

..

[beet hoven]

اهلا بك في السعوديه
ولسا فلم ترى الا القليل

[ODIN]

لحوج وهمج .. وش تتوقع تشوف


احنا عكس الحضارة بكل شيء ...


اشوه بالشرقيه شغل الملحجه هذا اقل بكثير من الرياض .. لو اني بالرياض بعتكف في بيتنا لاني جد ما اطيق اشوف مناظر مقززة مثل كذا ..

[Y a z e e d]

لحوج وهمج .. وش تتوقع تشوف


احنا عكس الحضارة بكل شيء ...


اشوه بالشرقيه شغل الملحجه هذا اقل بكثير من الرياض .. لو اني بالرياض بعتكف في بيتنا لاني جد ما اطيق اشوف مناظر مقززة مثل كذا ..

لا لا ، ترى الرياض مو للحد هذا يا بدر ،
الهيئة عندنا حازمة وشديدة بعض الشيء ..

[Angel whisper]

شو هالخربطان؟
وين يبون ..
خل يسيرون يرقدون احسن ..

[سنكرس]

في الحقيقة لا أعلم ما المشكلة في كون كل مواطن يحتفل بطريقته الخاصة , بتقاليده وعاداته وأفكاره الخاصة .. طالما أنها تحت إطار ( لا تضرني ) .. فما المانع من اتاحة الفرصة له للتنفيس عما بداخله ؟

ما هو ذلك السلوك الشائن الذي لاحظتموه على ( شلة الشباب ) أعلاه في ملفات الفيديو , والذي أدى بكم إلى شن الهجوم عليهم والتهجم بهم ؟

هل فقط ... وفقط لأن طبيعة هؤلاء الشباب , وأفكارهم التي تخالف تماماً أفكارك .. سخرت بهم واتهمتهم بالرجعية والتخلف ؟

شخصياً , لا أرى ضيراً من تصرفهم هذا .. فليفعلوا ما يشاؤون .. وما دخلي أنا بهم ؟ طالما أنهم تحت إطار ( لا نضر أحداً ) , بمعنى أن سلوكهم لن ينتج عنه أي ضرر لأي شخص كان ..

وليس لي الحق , وليس لكم الحق في ( إطلاق الأحكام ) عليهم .. واتهامهم .. والسخرية بهم لمجرد أن تصرفهم لا يعجبك ..

المشكلة في بلدنا هاهنا .. في أفكارنا , وليست في سلوكنا .. فالسلوك هو نتاج الفكر , والفكر هو منسوجة الاعتقادات في منظومة معقدة يعتليها غمام الخوف من الخروج عن المألوف , والرفض التام لـ


تقبّل الرأي الآخر

[Electro M]

في الحقيقة لا أعلم ما المشكلة في كون كل مواطن يحتفل بطريقته الخاصة , بتقاليده وعاداته وأفكاره الخاصة .. طالما أنها تحت إطار ( لا تضرني ) .. فما المانع من اتاحة الفرصة له للتنفيس عما بداخله ؟

ما هو ذلك السلوك الشائن الذي لاحظتموه على ( شلة الشباب ) أعلاه في ملفات الفيديو , والذي أدى بكم إلى شن الهجوم عليهم والتهجم بهم ؟

هل فقط ... وفقط لأن طبيعة هؤلاء الشباب , وأفكارهم التي تخالف تماماً أفكارك .. سخرت بهم واتهمتهم بالرجعية والتخلف ؟

شخصياً , لا أرى ضيراً من تصرفهم هذا .. فليفعلوا ما يشاؤون .. وما دخلي أنا بهم ؟ طالما أنهم تحت إطار ( لا نضر أحداً ) , بمعنى أن سلوكهم لن ينتج عنه أي ضرر لأي شخص كان ..

وليس لي الحق , وليس لكم الحق في ( إطلاق الأحكام ) عليهم .. واتهامهم .. والسخرية بهم لمجرد أن تصرفهم لا يعجبك ..

المشكلة في بلدنا هاهنا .. في أفكارنا , وليست في سلوكنا .. فالسلوك هو نتاج الفكر , والفكر هو منسوجة الاعتقادات في منظومة معقدة يعتليها غمام الخوف من الخروج عن المألوف , والرفض التام لـ


تقبّل الرأي الآخر

ليه من قال لك انه لم يضر احدا؟
في ناس كثير تعرضوا لمضايقات هم و اهلهم
و بشكل اوقح من اللي يحصل عادة
بسبب تجمع هالهمج و اتاحة الفرصة لهم بهالشكل
الكاميرا موب لاقطة كل شي يصير

[golden_sky]

مو شعب مشفوح ههه لكن عالم تحب اللجلجة!
بخصوص المقاطع شاهدت أول 3 مقاطع .. وما فيهم شيء ترى !!!
مدري إذا غريبة عندكم دي المقاطع بس عندنا ممكن نشوفها في أيام عادية .. يوم أربعاء مثلاً أو في بعد الاختبارات في التحلية ستريت !
أما الرقص موجود عندنا في الجامعة.. وتحديداً قبل ما يدخلوا الاختبار!
ناس فاقدة أمل في النجاح .. تشغل أغاني وهاتك رقص

بخصوص الشعب السعودي .. يجي منه!
لكن لو عرف يستخدم قدراته وعرفت الدولة تخرجها منه!
لكن لا هو يبغى يفجرها .. ولا الدولة عارفة تخرجها!
لذلك تجده يفرغ طاقاته على هذا الشكل!
لو قُـدر له يخرج طاقاته .. بتشوف عندنا ناس يصكوا على دافنشي وآينشتاين

الشعب السعودي عنده قدرات عظيمة ، وسنة ورا سنة ئدر يلم الأكل لنفسه وليك ( فليك من حياة حشرة )

شعبكم ما يبي لا اجازة وطنية و لا مطرسة علمانية

نبي إجازة من قال ما نبي

[Electro M]

يعني انت تشوف انه من زود الوطنية الواحد يرقص في الشوارع؟
لا و على اغاني لبنانية و غربية بعد؟
هالاستغراب مو مني بالعكس من جريدة الرياض بعد

انتشار السيء ما يخليه ابدا شي جيد
بالعكس يوضح لنا كثرة سخافة العقليات في مجتمعنا

[golden_sky]

يعني انت تشوف انه من زود الوطنية الواحد يرقص في الشوارع؟
لا و على اغاني لبنانية و غربية بعد؟
هالاستغراب مو مني بالعكس من جريدة الرياض بعد

مدري إذا تقصد فخامتي بسؤالك
لكن عموماً أنا ما قلت شيء عن الوطنية
وما قصدت بـ " ما فيهم شيء ترى " إنها عادية ..
أقصد إننا نشوفها كل يوم لذلك ما استغربت منها ، أو إنها حدث كبير >_<

انتشار السيء ما يخليه ابدا شي جيد
بالعكس يوضح لنا كثرة سخافة العقليات في مجتمعنا

على طاري سخافة العقليات ..
الأمريكان .. يتساخفوا ، اليابانيين عندهم مهفات .. الروس بايعينها ( و ترشح فرقة تاتو للرئاسة مثال! )
العقليات السخيفة موجودة بكل مكان
مو فقط بالسعوديين >.>

[SNOoOP]

ياخوان يرحم والديكم خلنا نصير واقعين قبل التهجم على أي أحد

طبيعي الواحد بسن الشباب يبي يفلها وأنا واحد منهم

ووالله ثم والله ان الاحداث يوم الجمعه من هبال ورجه مب عشان لايوم وطني ولاهم يحزنزن

اول شي شباب مكبوت + انعدام لرجال الأمن والهيئة + زحمة شوارع = رجه واستهبال

كون انه صار بعض الأفعال الشاذه فهذا مب مبرر لوصف اغلب الشباب بأنهم همج ورعاع ولحوج

ففي النهاية هم بشر عندهم شهوه وحب سعة الصدر

وسلامتكم...