إسقاط الإنترنت بهذه السهوله !!

[Master ArNab]

السلام عليكم .. كيف حالكم

اليوم شفت خبر مذهل !

أترككم مع المقطع .. مدته 9 دقايق .. يمكن تعتقدون إنه صعب ولكن الأمر سهل جداً

المقطع : هنــا

وأذكر اني قريت قبل كم سنه في موقع Steve Gibson بعض التقارير والمقالات المثيره للجدل من الباحث ستيف

وأتذكر يوم يطيح جزء كبير من النت , يوم إنضرب الـ root DNS servers وطاح جزء منهم .. كانت كارثه ولا يمكن الوصول للكثير من المواقع ولوود كبير على المتبقيه الباقيه

فخلاصة الأمر يتعلق بالـ TTL وتركيز هجمات منظمه ومركزه بطلب DNS lockups بإستمرار من جيش مكون من bots - وهي عباره عن أجهزه زومبيفايد ( إنتبه لا يكون جهازك زومبي وأنت ما تدري )

إذا ما يبحثون بالمشكله وحلها من جذورها .. ربما يوجد حالياً طرق دفاعيه لكسر الهجمات وإضعافها

ولكن

كلها مسألة وقت وسنرى هجمات قريبه وشرسه من جيوش الزومبي

[Rory]

أرنوب .. عربي بليز .. أو انغلش .. أو أي لغة مفهومه XD
يعني في احتمال الانترنت ينهار؟
أو .. ولا؟ ها القصد صح؟

بنزل الفيديو الحين ..

*أوكيه شفته ..
ok am now officially impressed with the internet ..
مدام البشر صنعوه مب مستحيل انهم يحصلون طريقه يدمرونه فيها
بس ليش يعني

[XenO]

لو خلوها بدل الزومبي ممرضات كان أحسن .. الواحد يرتعب من جد ..

هامش
Silent Hill

وعقبال ما يقطعوا النت لين الإجازة .. الواحد ينتبه لمذاكرته شوي .. XD

[asf4ever]

يعني عادي في أي لحظة أدخل النت وأحصله مختفي
مثل ما قلت لازم يحلون المشكلة من جذورها

وأتذكر يوم يطيح جزء كبير من النت , يوم إنضرب الـ root DNS servers وطاح جزء منهم .. كانت كارثه ولا يمكن الوصول للكثير من المواقع ولوود كبير على المتبقيه الباقيه

متى صار كل هذا؟؟

[Master ArNab]

أهلاً روري .. زينو .. أسف

Rory
أرنوب .. عربي بليز .. أو انغلش .. أو أي لغة مفهومه XD

ههههه .. , بحط هذا بالبال في المستقبل

Rory
ok am now officially impressed with the internet ..

سو أر وييييي

Rory
بس ليش يعني

شطانه وإستعراض عضلات ..

XenO
لو خلوها بدل الزومبي ممرضات كان أحسن .. الواحد يرتعب من جد ..

ههه .. تقدر تبحث بقوقل أكثر عن تعريف ومخاطر الزومبي وكيف تحمي جهازك من التحول

XenO
وعقبال ما يقطعوا النت لين الإجازة .. الواحد ينتبه لمذاكرته شوي .. XD

شدو حيلكم .. هع هع هع .. << مخلص من الدراسه والهم !

asf4ever
مثل ما قلت لازم يحلون المشكلة من جذورها

بالضبط .. والمشكله تكمن في التصميم اللي بنيت عليه الإنترنت وهذا ساس المشكله

asf4ever
متى صار كل هذا؟؟

قبل 3 سنين .. العالم كلهم حسوا ببطىء شديد في النت ,, وكان الهجوم لمدة ساعة واحده فقط .. وسقط من الـ 13 سيرفر سبع أو ثمان ,

يعني أنت فكر فيها .. البنوك , الأسهم , المتاجر .. كلها تعتمد على النت .. وإذا صار فيه مشكله كهذه ستكون ضربه قويه لهذه المواقع وخساره كبيره

[القــعـقـاع]

ايه و الله الdns مشكلة.. اعتقد المشكلة ان اي request ممكن يسافر و يوصل ال root ... و الا؟

[antonio]

عجيب !! لي عوده

[Yamato]

اتذكر مقولة في الحلقة الاولى من سكربز

I'm a Dork... I'm a Dork... I'm a Dork... I'm a Dork... I'm a Dork... I'm a Dork... I'm a Dork... I'm a Dork...

[NsaN]

اتذكر مقولة في الحلقة الاولى من سكربز

I'm a Dork... I'm a Dork... I'm a Dork... I'm a Dork... I'm a Dork... I'm a Dork... I'm a Dork... I'm a Dork...

ههههههههههههههههههههههههههههههههههههههههههههههههههههه...

انا فهمت الموضوع من ردود الشباب..(سوري ارنب..Ur In A Totally Different Level..ما شاء الله عليك)

بس ياخي ما اتخيل الزمن هذا بدون انترنت..Kinda Feels Weird...
تخيلوا ينتهي و تمر اجيال و نقولهم عن اختارع قديم اسمه الانترنت..ههههههههههههههههههه...عبط

[بو ضاري]

مخترع ال dns ماكان متوقع ان الdns يصمد طول هالمده وليومنها هذا بسبب المشاكل اللي فيه

بس مايكرسوفت متمسكه فيه...

في الماضي طاح 8 سيرفرات روت من اصل 13 ، بيوم من الايام بتتوقف كل السيرفرات الروت

المايكروسوفت كانت بتسوي صيانه بتغير الايبي وتقلل من ال تايم تو ليف لمده ساعتين "العمليه العكسيه للكاشنق "، لكنها تفأجات بالضغط والهجمات ومنه توقف الانترنت

الحل :

ايجاد بديل لل dns او ترقيعه دام المايكرو مازالت متمسكه فيه

شوفوا الاقتباس من نفس الموقع مسكين متعقد من الهكرز العرب

<

Says:
October 2nd, 2005 at 7:53 pm please shut down middel east servers especially saudi arabia and egypt servers, please !

<LI class="" id=comment-54>

[aoks]

اتذكر قعد خربان وبطيء مرة لمدة 3-4 ايام او شي زي كذا ._.

[Master ArNab]

القــعـقـاع
ايه و الله الdns مشكلة.. اعتقد المشكلة ان اي request ممكن يسافر و يوصل ال root ... و الا؟

إذا ماحصله في الكاش في الطريق . نعم بالتأكيد ياخذ وقت أول مره علشان يجيبه من الرووت .. ما تلاحظ سرعة فتح المواقع المشهوره ( جوجل و ياهو ) لأنها في الكاش

Yamato
اتذكر مقولة في الحلقة الاولى من سكربز

I'm a Dork... I'm a Dork... I'm a Dork... I'm a Dork... I'm a Dork... I'm a Dork... I'm a Dork... I'm a Dork

يا حليلك ياماتو .. خفيف الظل كعادتك المعهوده .. and your absolutely not a dork

NsaN
انا فهمت الموضوع من ردود الشباب..(سوري ارنب..Ur In A Totally Different Level..ما شاء الله عليك)

<< صدق عمره الولد

NsaN
بس ياخي ما اتخيل الزمن هذا بدون انترنت..Kinda Feels Weird...
تخيلوا ينتهي و تمر اجيال و نقولهم عن اختارع قديم اسمه الانترنت..ههههههههههههههههههه...عبط

ذكرتني بوايلد أرمز 1 .. تقنيه حديثه أصبحت قديمه وفي الروينز

بو ضاري
المايكروسوفت كانت بتسوي صيانه بتغير الايبي وتقلل من ال تايم تو ليف لمده ساعتين "العمليه العكسيه للكاشنق "، لكنها تفأجات بالضغط والهجمات ومنه توقف الانترنت

بالضبط .. وأشكرك على مشاركتك والتوضيح

شكراً aoks و antonio على المشاركه

=======================================

وحتى ما تصير مشاركتي من دون فائده .. نزل قبل أمس ( 5 October ) الحلقه الثالثه من Hak.5

إتصالي مايسمح أنزلهم .. لستة لباقي الحلقات