الــ ــمــ ــجــ ــمـــ ــوعـــ ــــة الــ ــســ ـــاد ســـــــــــــ 6 ـــــــــة

[هـاوي]

أسعد الله أوقاتكم بكل خير <<<< مهوب سهل سليمان العيدي





أرحب فيكم حبايبي مع مجموعةجديدة و مفاجأة جديدة في هالمجموعة



هذي المجموعة حبيت انها تكون غير



أحب اني أتوجه في البدايةبخالص الشكر و التقدير الى اسماء علقت في ذاكرتي منذ ايام



غالي الساهر - Life_End - C. Falcon - BATTRFLY - مكااوي فلااوي - شوق الصحاري - همس الورد



أشكركم لمتابعتكم و ارائكم و ان شاء الله أكون دائما عند حسن ضنكم



و اليوم حبيت أقدم لكم شيء جديد كـ عربون محبه على قولتهم



و هي مفاجأتي اليوم



خاطره طويله و بـ (( صـــــــوتــــــي ((



.

.

.



لتحميل الخاطرة بالضغط على الزر الأيمن ثم حفظ باسم

http://www.hassan.altheqa.info/impossible-wma.wma


.

.

[هـاوي]

حاولت أكتب الخاطره بس يطلع لي رسالة تقول ان النص كبير

لذلك قسمت الخاطره على جزئين
****** الجزء الأول ******


مستحيل أحب غيرك مستحيل

..

لأنه مالك مثيل ..

ولا لك بقلبي بديل ..

كيف أوصفك .. والحروف بنفسهاتنساق أبيات في وصفك ..

آه ياطولك و رسمك .. شفاك وهمسك ..

لو عشت عمري مرتين ما أملك ..

وش أقول ؟؟

غير انك وردة سنيني و كل الفصول ..

ليت لقانا يطول ..

وش أقول ؟؟

غير إني أحبك حيل ..

مستحيل أحب غيرك مستحيل ..

ما لهذا الحب آخر .. ولا لهذا الصمت آخر ..

وش أسوي لا لعب بي جمالك الساحر ..

و بأخونك مع طيفك لا مر على الخاطر ..

ذكراك و نار و رمل ..

وسماء سوداء مزخرفة بنجوم وقمر ..

ودلال مباهير بالهيل ..

وطول العمر هذا هو الليل ..

أقضيه بالسهر .. مع خيالك ياللي مالك مثيل ..

مستحيل أحب غيرك مستحيل ..

و إذا دمعت عينك أغسل بدمعك وأصلي ..

و أرفع كفوفي لـ رب العباد ..

عسى ربي لا يفرقنا .. و عسى الخير في دروبك ..

ياللي أحب ظلمها و العناد ..

و عسى الله لا يجيب البعاد .. ما بعد البعاد الا الحداد ..

ياللي لك من شوقي سيل ..

و من كبر حبي لك تتعب فيهأصايل الخيل ..

ياللي مالك مثيل ..

مستحيل أحب غيرك مستحيل ..

بين كلمات من الملام .. ينتهي الكلام ..

ويتكلم الاحساس وينصت القلب .. لكلام غير عادي ..

بعد انكسار و فوز وحرب .. دايم هي تزيد اشتياقي ..

ما لي عن هواها ميل ..

لو سهرتني كل ليل ..

و غدى جسمي نحيل ..

ياللي مالك مثيل .. مستحيل أحب غيرك مستحيل ..

في المواجهه أتأمل كل ما فيها ..

بالرغم ن إننا ساكتين و سوادالكحل يحيط جفونها ..

الا اني أقرأ كلمة أحبك بعيونها ..

و تنطق بشعورها .. و أنا ماني حولها ..

أنا طاير مع موسيقى صوتها ..

ولما تسكت أرجع أهوي و أغرق في بحر حبها ..

أهديتها حروفي و احساسي ..

لما كنت بلا وطن أسكنتني قلبها ..

))لها حبي قبل كلماتي ..((

هي حياتي ..

من رقتها تغار الورود والنسايم ..

والشوق بها دايم ..

وشلون أعطيها قلبي و هي فيه!!

لا تركتني لحظة أتوه ..

و ينتابني شعور غريب ..

كما طفل فقد أمه و أبوه ..

في غيابك أذوق الويل ..

ياللي مالك مثيل .. مستحيل أحب غيرك مستحيل ..

مدري وش الدنيا بدون هوالك .. ودي كل لحظة أكون معاك ..

) استسهلك ) وانتي ( صعبة ( المنال ..

)استصعبك ) وانتي تناديني) تعال ..(

قلبي هواك .. و بأتبع رضاك ..

قلبي الدليل .. و ماني بهواك بخيل ..

لأن قلبك أصيل ..

تمنيتك .. و لقيتك في هالدنيامالك مثيل .. مستحيل أحب غيرك مستحيل ..

الظروف ..

أوقات تساعد .. و أوقات تعاند ..

و غالبا تغير المألوف ..

و أوقات تخنقني .. تخليني ماألاقيك ..

و أوقات تذكرني .. في تنازع القلم عند كتابة الحروف ..

مهما كانت الظروف .. بأبقى أحارب كل هالكون ..

حتى أوصلك .. و تجين و أجيك ..

ولقانا يغطيه الصمت ..

و فينا رجفة اليدين .. و كلمنا شايل للثاني حنين ..

و ألقاك سراب ..

و أواصل سيري على التراب ..

و يضيع الشباب ..

و ينتهي جيل و يبتدي جيل .. وأنا في سفري الطويل ..

كيف أرجع للرحيل .. و انتي بقلبي أحلى نزيل ..

و ما فكرت لغيرك أميل ..

ياللي ماللي مالك مثيل .. مستحيل أحب غيرك مستحيل ..

[هـاوي]

******** الجزء الثاني *******

انتظرتك كثير .. حاولت أوصلك ..

سفري طال .. لأني (( أجهلك ... ((و (( ما أعرفك !!((

كل ما في الأمر اني رسمت في خيالي صورتك ..

كنت أسامرك .. أحبك و أكرهك وأموت فيك ..

أزاعلك و أراضيك و اعاتبك ..

كنت أتخيل عشقي لك و انشغالي فيك ..

كنت أمشي في رحلتي و أسكن أراضيك ..

كنتي تحتويني مثل ما احتويك ..

ولا زلت أجهلك و ما أعرفك ..

تخيلت (( اللقاء )) و )) الفراق ..((

و (( الجفا )) و (( العناق ..((

تخيلت ضحكك و بكاك ..

و غدرك و حبك و كرهك والاشتياق ..

تخيلت اعتذارك و سماحك ..

تخيلت وقتي معك ..

و صوتك و همسك و شفاك ..

تخيلت دفى حضنك ..

تمنيت الحياة معاك ..

ولازلت أجهلك و ما أعرفك ..

تخيلت تفاصيلك ..

و ملامحك .. حتى كلامك ..

و حروف ينطق بها ثغرك .. ونعومة كفوفك ..

و ليل مظلم في شعرك .. و وردبخدودك ..

تخيلت و تخيلت و تخيلت و )) تعبت أوصلك ..((

لأني (( أجهلك )) .. و (( ماأعرفك !!((

كل ما في الحكاية اني أنتظرك في زمن من الأزمان .. و في وقت من الأوقات ..

لأنك في هذي الحياة نصفي .. واحساسي ..

لأنك بقايا جسمي .. و قمري وشمسي ..

أنا عايش على إني بـ أوصلك ..

ياللي أجهلك ..

و تخيلتك مالك مثيل ..

بالرغم من إني ما أعرفك ..

ترا كل ما قيل .. في حبك يعدقليل ..

ياللي مالك مثيل ..

مستحيل ..

مستحيل ..

مستحيل أحب غيرك مستحيل ..

.

.

.

.

في الختام أشكر أخوي C. Falcon

على دعمه و مساعدته لي في رفع التسجيل للمنتدى

انتظركم

لكم حبي قبل كلماتي

محبكم .... هاااوي

.

[BuTtErFlY lOvE]

شوووف أنا مابعد خلصتها..

بس خفت لأحد يرد قبلي..

وبصراااحه ودي أتشرف بأن أكوون أول وحدة ترد عليييك..

ماااشاااء الله عليك والله إنك موب سهل أبدا أبدا..

بصراااااااحه

مدري وش أقوووول أو أترك

الكلمااااات جنااااان مو بس رووعه..

رهييييييييييبه وحركاااات بعد

وحتى الطريقة بصرااااحه جديدة على المنتدى "الصوووت"

طريقة إلقائك روعه ..

هذي أحلى شي وأنت تقولها

"تخيلت و تخيلت و تخيلت و )) تعبت أوصلك ..(("

أما الموسيقى فروووعه.. رووووعه إلا فوووق الروعه بعد..

ماشااء الله عليك كأنك شاااعر..

إلا شاااعر وفنان بعد..

وتدري وش عجبني بعد..

إن اسمي كتبتاه في المقدمة.. أدري في غيري..

بس شكراااا.. والله لو أكتب أو أرد وأتكلم من هنا لييين بكره لابعد مليون سنه..

ماراح اعبر عن احساسي..

مشكوووور وأتمنى ماتحرمنا من إبداعاتك يالمبدع..

ودي أحفظها عندي..

بعد إذنك يعني..

"ألحين أروح أكملها"

"لاتقول ما أستاهل"

[هـاوي]

BATTRFLY

ههههههه والله تحرجيني بكلامك و بـ تواجدك قبل الكل الله يطول بعمرك
كل الأسماء اللي ذكرتها راح تبقى في ذاكرتي
خصوصا اسم BATTRFLY
دائما يحتل هذا الاسم الصداره في التواجد في مواضيعي حتى في أول موضوع كتبته هنا
كنتي انتي أول من رد عليّ
والكل هنا ساهم من رفع معنوياتي كثير و عطاني أمل انه بقى من يقدر احساس النفس البشرية
ان شاء الله القادم أجمل
احفظيها و خذي راحتك الموضوع موضوعك
اوكي
لا هالمره احس اني استاهل
شاكر لك تواجدك و مشاركتك
و انتظر عودتك بعد سماعها
هلا فيك

[BuTtErFlY lOvE]

شكرا شكرا شكرا

والله أحرجتني بكل كلامك..
مشكووووووور..

و انتظر عودتك بعد سماعها

سمعتهيا
إلا قل حفظتهيا...
صدقني من نزلتها وأنا أسمع فيهااا واسمع واسمع لأنها بجد روعه..
تصدق دمعت عيوني معها..
لأنها حركت جرح بقلبي..
بجد كلمااات رااائعة إلا جناااان بعد..
ومشكوووور وأتمنى إنك ماتحرمنا من جديدك أخووي..
والحمد لله إنك أقتنعت أخيرا إن كلامي تستاهل..

مشكووووووووووووووور..

[شوق- الصحارى]

شوووف أنا مابعد خلصتها..



بس خفت لأحد يرد قبلي..
وبصراااحه ودي أتشرف بأن أكوون أول وحدة ترد عليييك..
ماااشاااء الله عليك والله إنك موب سهل أبدا أبدا..
بصراااااااحه
مدري وش أقوووول أو أترك
الكلمااااات جنااااان مو بس رووعه..
رهييييييييييبه وحركاااات بعد
وحتى الطريقة بصرااااحه جديدة على المنتدى "الصوووت"
طريقة إلقائك روعه ..
هذي أحلى شي وأنت تقولها
"تخيلت و تخيلت و تخيلت و )) تعبت أوصلك ..(("
أما الموسيقى فروووعه.. رووووعه إلا فوووق الروعه بعد..
ماشااء الله عليك كأنك شاااعر..
إلا شاااعر وفنان بعد..
وتدري وش عجبني بعد..
إن اسمي كتبتاه في المقدمة.. أدري في غيري..
بس شكراااا.. والله لو أكتب أو أرد وأتكلم من هنا لييين بكره لابعد مليون سنه..
ماراح اعبر عن احساسي..
مشكوووور وأتمنى ماتحرمنا من إبداعاتك يالمبدع..
ودي أحفظها عندي..
بعد إذنك يعني..
"ألحين أروح أكملها"



"لاتقول ما أستاهل"

يالسه تسابقين انتي ؟؟؟






وبعد !!




انا اعترض ليش حاط اسمها قبل ؟؟؟



ههههههههههههههههه

صدج خبل "^^





تسلم على الخاطرة حلووووووة ووااااااااااااااايد ...


وتستحق انها تكون من الخواطر المشاركه في المسابقه ...



لانها توب الصراحه وما عليها كلام





سلااموووون

[مكاااوي فلاااوي]

هاوي



الله على كلماتك الجميلة



ولا صوتك وطريقة الإلقاء



ولاجمال التعبير

صراااااااااااااااااااااااااااااااااااحة ابداع



وشكرا على ذكرك اسمي





بس مشكلة







تعرف انو انا في اسمي في ثلاث ألف في مكاااوي وفلاااوي



امزح





بس على فكرة انا قاعد اكتب الرد



واسمع الخاطرة مستحب احب غيرك مستحيل



اللللللللللللللللللللللللللله



الى الأمام لا تحرمنا من الخفايا الحلوة الى عندك..

[Angel Never Cry]

ما شاءالله عليك
انا قريت الخاطره وأعجبتني وانا الآن انزل الصوتيه
ولكن سؤال:
اين اسمي في المقدمه وانا من متابعينك؟

[C.Falcon]

السلام عليكم ^_^

يعطيك العافية اخوي هاوي على الخاطرة المتميزة << اتمنى من المراقبين نقلها إلى المواضيع المميزة ^_~

اقول الفطور باقي عليه شوي خلنا نلحق قبل الزحمة ،، أكمل كلامي معاك هناك ^_~

أخوك

[JACKAL_S4]

انا قريت نصف الخاطره والله روعه قالت خلني ارد عليك اول اشكرك على الخاطرة
لنه طويله يبي له جلسه
تحياتي لك

[غالي الساهر]

هاوي .. مرحبا أخوي

خاطرة كانت جميلة بكلماتها و ( التسجيل الصوتي )

وما كانت الخاطرة الا بوح موهبه أستطعت أن تنثر أحساسك من خلالها

فـ تقديراً للكلمات الجميلة التي كتبها قلم دائم التجدد

مثبت

وأتمنى لك التوفيق من الأحسن الى الأحسن

تحياتي
غالي الساهر

[BuTtErFlY lOvE]

أدري ادري
ازعجتك بكثر مارديت عليك,,
وخاااصه في هذي المجموووعة..
باااااس أمبسطت كثيير لك يوم شفت الموضوع تثبت
فحبييييييت أباااارك لك,,
مبروووووووووك..
ألف ألف مبروووووووك,,

[الرســــــام]

أنــا ما كنت أحب النثر الشعبي .... لكن معك يالهـــاوي كان والله غيــر

المثــل يقول الثــالثة ثــابتة ....بس أنت دبلتهــا وخليتهـــا السادسة ثــابتة

التسجيل طبعــا ما سمعته ... لكنني متأكد انه راح يكون جميــل

وأيضا صراحة كأنك تقرى أفكــاري ...

لأنه أول ما سجلت في المنتدى كــان ودي أحط مثلك تسجيل صوتي للخـاطرة

بس صراحة تخوفت من ردة الفعل من الأعضــاء ...

وكأني بهم يقولون : ما تحملنــا خواطرك اللي تجيب الهم عشــان تسجلهــا بعد بصوتك

لكنك صرت أشجـــع ووضعتهــا.... ولاقت ولله الحمد استحسان الأعضــاء

تسلــم يالغــالي

ولك مني جزيل الشــــكر

[هـاوي]

BATTRFLY

فراشتنا الله يسلمك
شاكر لك تواجدك