طلب الله لايهينكم, من وين اقدر اشتري F.E.A.R ؟

[عمود ارتكاز]

اهلين شباب يعطيكم العافيه دخلتو موضوعي^^, ابي منكم طلب الله لايهينكم, من وين اقدر اشتري العاب او قطع

PC في الرياض؟ وياليت لو يكون محل مشهود له بالجودة والامانة.


والله يوفقكم

[al5foq]

اهلين شباب يعطيكم العافيه دخلتو موضوعي^^, ابي منكم طلب الله لايهينكم, من وين اقدر اشتري العاب او قطع

PC في الرياض؟ وياليت لو يكون محل مشهود له بالجودة والامانة.


والله يوفقكم

ياهلا فيك وياغلا .....

من ناحيه موقع الالعاب اذا بغيت اصلي راح تحصله بجرير . اما لو بغيت منسوخ فيه محلين . واحد بسوق العلايا للكمبيوترت اسمه جزيرة الكنز اسأل عنه واكيد بتحصله ..... والثاني بتحصله على شارع التحليه عند اول تقاطع وانت جاي من شارع العلايا واسم المحل ارض البرامج . لو اشكل عليك الوصف اسال حول المنطقه هذيك وراح يدلونك عليه .. على فكره تراا جمبه محل جيم م استر لاعاب البلاستشين وطقتها

الحين وصلنا لمحل القطع الكمبيوتر . وبصرحه محل واحد راح يكفيك وباسعار ممتازه واقل بكثير من بقية المحلات .......
هذا موقعهم مع الرسم الكروكي الخاص فيهم ...
http://www.pc-path.com/

اتمنى ان افتدك

[Gentleman]

لا اعتقد انك راح تحصلها الآن يمكن بعد ثلاث ايام او يمكن بعد اسبوع لانه الالعاب توصل للدول العربيه متأخره قليلا

وشكرا

[عمود ارتكاز]

مشكورين اخواني على ردودكم
أنا قلت أشتريها من هنا أسرع
بس طلعو ربعنا مع جمبها
شكلي أبطلبها من أمازون
مشكورين على ردودكم

[BeaUnkill]

اقول

ما عندكم فروع للنسر للبرامج ؟؟

تراه وكيل العاب البي سي في السعودية !! وجرير والمحلات يشترون الالعاب من عنده

يمكن انزل ابراج الدوسري اليومين هذي ، اذا شفتها باعطيك خبر

[sT]

عندك النسر و جرير و ارض البرامج هذي اهم اماكن بيع العاب الحاسب .

[cizer_shnider]

انا شوفت ارض البرامج وكل الالعاب الي عنده اصليه من يقول انها منسوخه غريبة +_+

طبعا مستغربين العنوان من مصر وكيف شاف ارض البرامج بالتحليه

عموما انصحك بارض البرامج ممتاز واسعاره جيدة انا شوفته بنفسي وعندك مكتبة جرير رائع بس جرير غالية شوية +__+

بس جرير التشكيلة فيه اكبر من ارض البرامج واكثر تنوعا في جميع الالعاب

[tataX]

ya3am nazelhaha man 3ala el net,batashta'3al online bardo

[BeaUnkill]

طبعا مستغربين العنوان من مصر وكيف شاف ارض البرامج بالتحليه

الا مستغربين !! أنته وصلت ولا كيف ؟؟

أما بالنسبة لأرض البرامج والألعاب .. بصراحة أفضل مكان الواحد يشتري منه العاب اصلية هو النسر للبرامج Eagle Software . وكيل العاب البي سي بالمملكة ، وجرير بنفسها تاخذ العابها منها وتزيد عليها عشان الربح ..

يعني السعر الأفضل في النسر للبرامج .. بصراحة افضل مكان اخذ منه الالعاب الاصلية ( اذا فكرت يوم من الايام اخذ لعبة اصلية !! ) .

تحياتي لكم ..

[عـPS2ـاشق]

أخوي وناسة طيب تعرف وين النسر بالرياض

على كلامك هو الأفضل

ياليت تسأل فرعهم إلي بالشرقية عندك

وتعطينــا خبر

ومشكورين شباب

[sT]

وين النسر بالرياض

فيه فروع كثيرة بس الي اعرفهم :

داخل اسواق الشعلة فرع , و على شارع عبد الرحمن الغافقي ( مخرج 11 ) فرع .

[عـPS2ـاشق]

يا سلام عليك يا أخوي Silent Trigger


ومشكور ومـــا قصرت

بس عرفت المحلات الحين

تحياتي

[عمود ارتكاز]

مشكورين شباب ان شاء الله أشتريها آخر الشهر

ولاتنسونا من الترشيح