wazzaaap
اليوم وانا قاعد افحط بالشبكه العرنقبوتيه " لاتحاولو تترجمو الكلمة " لقيت خبر عجبني وقلت اجي اصقعكم بيه بما اني عزوبي ماوراي مسؤولية واحتمال يسقط محرك جناح بوينج 747 فوق بيتي اكبر من احتمال اني اشوف اي شي ينطوي تحت كلمة " آكشن " في حياتي الفانيه, So here it is :
برنامج Eve هو برنامج محاكاه لروبوت لايزال اسمه الحركي " مشروع يامور - Project YaMoR ", ميزة البرنامج انه بدايه عصر جديد من المحاكاه اللاسلكيه, مثلا بالبرنامج تجرب العديد من التجارب للروبوت مثل ايش راح يسير له لو طاح في فوهه بركان او طبعت فيه 7 قنابل C4, وماشابه, والبرنامج كما قلت هو برنامج محاكاه يعني واقعي للغاية, ويمديك ايضا عن طريق البرنامج انك تتحكم بالروبوت وتركب فيه كاميرات وتشوف اللي يشوفه الروبوت عن طريق البرنامج, وهذا راح يفيدك بشكل كبير خصوصا لو كنت تبغى تعرف وين بيت R وتخلي الروبوت يلحقه بالسياره.
لكن البرنامج مشكلته انه مستقبلي, يعني احلمو تمتلكوه الا بعد 5 الى 10 سنين, لكن وقتها, ماراح اطبخ اي شي وبخلي الروبوت يطبخلي هو واتحكم بيه عن طريق برنامج Eve^^
واحلى شي انه لمن تحرك الروبوت الحقيقي بتلاقيه يتحرك بالبرنامج نفسه, كله بفضل شريحه بلوتوث مزروعه داخل الروبوت نفسه, ولو كسرت عنق الروبوت بطريقة سوليد سنيك بتلاقيه بالبرنامج برضه انقصمت رقبته الغلبان المظلوم, Yep.
الآلة اللي بيد المعتوه هي مجرد مشروع تجريبي للروبوت الكامل.
How cool izzat?
زي ماقلتلكم برنامج محاكاه واقعي يعني ماراح تشوفو تصرفات غريبة وماراح يقدر يسويها وكل شيء متأثر فيزيائيا بالبرنامج, ايه عاد قابلوني لمن تشترو الروبوت بعد كم قرن<<= متفائل.
How cute^^
واحلى شي بالبرنامج انه يمديك تتحكم بالروبوت عن طريق كمبيوترك, يمديك تخليه يقلي بيض او يفك التلفزيون او ينتحر, Realy cool stuff.
على اية حال, انا ماكتبت الموضوع علشاني مهتم بالبرنامج,اللي يهمني واول شي بسويه لمن اشتريه هو اجرب ايش راح يسير للروبوت لو طيحته من الدور الـ19 في يوم ممطر.
انا بس مستني اليوم اللي تنزل فيه قفازات بتقنية البلوتوث للكمبيوتر واقدر اتحكم بالمسدس بيدي بدل من ماوس وكيبورد, That would be awesome.
انتو بس اتخيلو كيف راح يكون لو نلعب دووم 5 بقفازات تستشعر الحركة ^^
للمزيد انقزو على موقع :
http://irrlicht.sourceforge.net/scre...-projects.html
هه, اول ماراح اشتري الروبوت بسميه تيرمنيتر.
Winter--
)
