هلا بالممخمخ ،،، كل هالموضوع عن نظريه في الفيزياء اسمها الاوتار الفائقه ،، و طبعا ابكتبها بشكل بسيط لا ترتاعون .
و طبعا ابقسم الموضوع ، لاني عارفكم ، ما يمدي الواحد منكم يقرا سطرين الا و يجيه في البؤبؤ اعياء
و كتبت هالموضوع لعل وعسى القا واحد فاهم في هالنظريه اقعد ادردش معاه فيها ،،،،،،،،،،،،،،،،،،
و اللي ما في راسه فيزياء عادي اقر هالموضوع و تفهم لا تخاف و اذا ما فهمت عادي اقر ثانيه و ثالثه على كيفك
يالله شكلي منيب لم ابو جد الموضوع ، لذلك نرجع للموضوع
المهم
زي ما احنا عارفين ، ان الكون اللي احنا عايشين فيه مكون من اربعة ابعاد ،،،
خلاص خلاص لا تغفص نفسك تحاول تعرف وشو الرابع ،،، الثلاثه اللي نعرفها هي الطول والعرض والعمق .
الرابع هو الزمن ، عشان هالابعاد الاربعه تتدربا على هالبعد ،،، يعني لو تخيلنا الكون كوره
و الزمن خط ،،، فمعني هذا ان الكون يتدربا على الزمن زي كذا، بس مو يروح و يرجع زي هالاهبل ، يروح وبس .
هذا كله كلام آينشتاين الاهبل ،،، بعد كذا جوا شبيبه مصرقعين ، و مسكوا آينشتاين بعد ما طلع من بار و حجروا عليه في زاويه من زوايا الحاره و هو يرتجف و سكران و ما يدري وين الله حاطه ، وقالوله : لا يكثر ...........
الكون اللي احنا فيه عشرة ابعاد
هو علباله عاد بيدافع عن نفسه ، حلت القاروره اللي كان يقحن منها على واحد منهم ، والله اللي تصك في جبهته و يستوي بالارض ،،،
قفلت مع الباقين ، و زي ما احنا عارفين سلاحه الوحيد اللي هو القاروره راح ، عشان كذا ركضوا كلهم لمه مره وحده و دبغوه الين عض الارض
بعد الفرش مات آينشتاين ، و طلعت على كذا نظرية الاوتار الفائقه اللي تقول ان الكون اللي احنا فيه عباره عن عشرة ابعاد و ......
اكمل بعدين لحد يدوخ .....
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
معاني الكلمات :
الممخمخ : اللي يفكر ، مأخوذه من كلمة مخ ، يعني يستعمله كثير ، و قل ما يوجد مثل هذا الشخص في السعوديه .
ترتاع : تخاف .
القا : اجد .
يتدربا : يتدحرج .
حلت : رمى .
يقحن : يشرب بشره .
مابي احد يصير شكله كذا
ابي كلكم تفهمون ، طبعا هذا مو معقد الجاي يمكن يكون اعقد .
