كلنا كبار.. لاااكيين في الحضانة صغار.. ._.

[Yamato]

بسم الله.. اول ما جيت اكتب الموضوع الا اشوف مكتوب (الى الكاتب ياماتو).. والله انه زيغني..

المهم.. ما علينا من هالسالفة اللي تفقع بقلب الواحد..

توني من شوية راد من برع بعد ما وصلت ولد اختي للحضانة او المدرسة.. المهم انها روضة
استوى موقف انا مسكت عمري علشان ما اضحك واتفشل..
لما وصلت ولد اختي للصف.. هممت (حلوة صح) بالذهاب ولكن جائني نداء يقول.. عمو عمو عمو.. انا تلفت صوب باب الصف والا اشوف ولد مصري يطالعني.. انا طالعت يمين يسار عالسريع علشان اتاكد.. فذا به يؤشر لي بان اهرول اليه..

قلت لنفسي ما المانع يا مانع..
يمكن اطلع بموقف جميل مع الاطفال..

المهم سرت صوبهم.. قلت له نعم حبيبي (ما قلت حبيبي)

قالي.. هناك.. قلته شو.. قال.. الت صية ضربت كرستينا.. وانا بعدني اقول مين قصدي نعم..

ومن صوب ثاني ينط علي شاب مصري صغيرون ماسكا بيدي كالسبال.. ويقولي سلم.. انا اسلم ما عندي مشكلة..

اكمل مع الفتى الاول علشان افهم اللي قاله.. مع تقريب السمع بالطبع..

قاللي.. البت صفية ضربت كرستينا..

طالعت داخل الصف والا اشوف ثلاث بنات صغار على طرف.. وحدة من اول نظرة تعرف انها من بلاد النيل وخمنت انها صفية والثانية قاعدة على كرسي بادب احترت شو خانتها بس لما طالعتها طالعتني بكل براءة ولسان حالها يقول نفس ما قال شاغي.. Wasnt me
والثالثة ما يحتاج تقول شي علشان تعرف انها كرستينا.. لانها طلعت فلبينية.. (ما حصلت ابتسامة لفيميل)

المهم.. انا شو سويت..
ما سويت شي.. بس قلت للياهل.. خلهم يتضاربو شعليك انت.. (وانا اقول في نفسي.. صدق انك فتنة)
بس رديت وقلتله.. لما تجي الابله او المدرسة او واط ايفر خبرها عن السالفة زين..

بصراحة ما كان لي خلق في مشاكلهم..
هي السالفة ما تضحك لما تسمعها.. لكن لازم تعيشها او اي موقف مع اطفال تحصل نفسك فجاة فيه.. ولما تتذكر الموقف تضحك من نفسك

بس لو تجمع هاليهال اللي في الصف بيعملولك اغنية بابا فين بشكل صح..

انييي وييي..
وانا اتمشى في المدرسة حسيت باني عجوز.. صدق والله.. اشوف الكل صغار وانا امشي بينهم مثل الناطحة..
يعني شو احساسكم لما تكونو في بيئة موبوءة مليئة بالصغار..
انا من الداخل اكون كذا

اضافة الى موضوع اخر يمكن الاساسي الله اعلم..

اكيد الكل عنده عيال اخ او اخت او حتى اخوان صغار في مرحلة الروضة..
السؤال هنا.. هل امهم او ابوهم ياخذونهم للروضة ولا الموضوع راجع للسواق والخدامة.. لاني في الجريدة اقرا عن اهمال الاهل للاطفال وجعل الخدم يقومون بالمهمة..
بس عن نفسي لما رحت المدرسة هذي ما شفت مثل هالكلام.. اكثر شي الامهات موجودات مع اطفالهن..
اضافة الى انه في الشارع الثاني مدرسة ثانوية.. والملاقيع كل واحد جاي بسيارة خاصة به


المهم (فاينلي)..
كنت متفيج وقلت خلني اكتب موضوع.. خربانة السالفة..
واعذروني على اي ازعاج..

[Angel whisper]

ياماتو حاط موضوع O.O
*faints*
عيل ساير الروضة؟
يحليلك
احيد كانت تعيبني الثياب اللي كان يلبسها اخويه الصغير وهو ساير هناك ..
المهم
انا اليهال ما يحبوني .. وولا انا احبهم .. فما اتعامل وياهم وولا هم ايوني ..
nuff said~

[Yamato]

انجل..
عيل لو تغيرين اسمج الى ديمون ويسبر احسن.. >.>

والله وناسة الروضة.. جربي مرة تسيرين مع اليهال..

كح.. على ايام مراهقتي كنت برنس شارمنج..

المهم..
روحي الروضة.. خلهم يفلعوج بحصاه..

[Angel whisper]

هههههه يبالي اغيره تصدق

بس لا جد .. انا واليهال مول ما نتوافق ..

بس الاولاد اللي هم اكبر من ثمان سنين يحبوني ..

يمكن عشان يعيبني ايمع actio figures وسيايير وياهم

عيل اسير وياهم الروضه تقول؟

والله يبالي .. بس اليهال اللي في العايله كلهم في دبي .. مب صاكه درب الين هناك من صباح الله خير عشانهم ><

يوم مراهق كنت شرات هالاخ يعني؟
http://imdb.com/gallery/ss/0298148/S...th_key=0298148

ويعدين اليهال ما بيلحقون يفلعوني .. بيشردون اول ما يشوفوني ><

[القــعـقـاع]

انا من الداخل اكون كذا

هههههه

حتى انا بالاضافة الى التشييك الدوري على الثوب لا يتوصخ...لكن يا اخي مع ان شكلي ما احس انه ذاك اللي يجذب البزران..لكن كل ما جا بزر جنبي لازم يلزق فيني اما عيال اخواتي فوناسة من جد و اياهم...

اتذكر كنت اوري اخواتي كيف تخنق برجولك و كنت اطبق على بنت اختي-5 سنين- (من دون خنق طبعا )و اخوها-سنتين- كان يتفرج... من بكرة كان بينهم مشكلة و اشوف الولد يطبق نفس الحركة تقريبا طبعا ما يحتاج اقول لك وجهي كان

[Angel whisper]

اتذكر كنت اوري اخواتي كيف تخنق برجولك و كنت اطبق على بنت اختي-5 سنين- (من دون خنق طبعا )و اخوها-سنتين- كان يتفرج... من بكرة كان بينهم مشكلة و اشوف الولد يطبق نفس الحركة تقريبا طبعا ما يحتاج اقول لك وجهي كان

اخويه كان يطبق عليي حركات التايكواندو ومادري شو بعد اللي كان يتعلمهم وانا صغيرة
كان يعور ..

بس كنت استانس

[عبودي]

هه
ذكرتوني
انا رحت مدرسة الابتدائية الظهر و المدرسات طلعت عينهم
خخخ المديرة طالبتني
جاني اتصال من المدرسة
..طو طو
ألو
:: السلام عليكم
:: و عليكم السلام
:: ممكن تجينا المدرسة الحين
:: أن شاء الله
:: يستلم التلفون حد اعرفة ::
تعال الحين بسرعة ..لاتغير ملابسك ولا تغسل وجهك
===========
وصلت ..لابس جينز
طالع شكلي مصري
و الولاد يتنططون علي كنهم ما شايفين خير و نا صاير
و شوي يطلع لي بويهي اخوي الصغير
و يقول
عبدالله عبدالله عبدالله عبدالله عبدالله عبدالله عبدالله
==========
و نا مدري ليش ياي

المههم طلعت بويهي المديرة ودخلت داخل
جلسوني عند كمبيوتر
جاتني اختي و قالت صلح الكمبيوتر خربان
=============
أنا الحين لو ادري اسالف كنت ما برد على التلفون

المهم كانت قاعدة بيانات المدرسة خربانة و هم مدخلين عليها درجات ويبوني اصحها
المهم صلحتها .. وروحت
البيت
و صرت فيري فيمس مان إن ماي تاون
و بعد يومين السالفة منتشرة عند كل الخلق و كل يوم يجيني كمبيوتر من عند الاهل :vereymad:
هزا سوي فورمات و ترتيب
هزا في خربان بابا (كرت صوت )
هزا هزا هز ا الى أخ ....
لو فاتح لي محل كمبيوتر احسن لي
وكل ولد شافني خبر اهلة و الاهل يخبرون الاهل و هاكذا...

[Rory]

ذكرياااااات ~
ههههه .. أذكر يوم كنت في الروضه .. الصراحه هو ماذكر التفاصيل عدل بس هي السالفه كل حد في العايله يعرفها .. ما تنتشر غير الفضايح -_-'
في أول يوم لي في الحضانه امي كانت وياي .. ويوم يايه بتطلع من الصف لصقت فيها وقلتلها تميييي T_T
بس الابله مادري شو سوت وطلعت امي برع ورجعت هي الصف وسكرت الباب .. جان أقوم وأعض ريولها (كانت لابسه mini skirt) .. وبعدين .. مادري شو استوى بالضبط x.x ..
بس ها الابله بعدين استوت وايد ويا اميه وأذكر حتى بنتها استوت ربيعتي وكنت أعرفها للاعداديه تقريبا .. ودوم تقولي امي تسلم على إلي عضتها .. >_>'
--
الموهييم .. أما عن اليهال .. I hate KIDS بنات واولاد ..
بس ولد خالوتي عمره سنه وهو حبيبي الوحيد
أمووت عليه وهو بعد يمووت علي .. شعور متبادل يعني
بس والله ها الياهل الوحيد إلي أتخبل عليه .. الباجي ماحبهم
--
ومره سرت ويا اميه ناخذ اخواني من المدرسه .. واحد منهم كان في صف أول والثاني كان في صف ثاني ..
احم .. عاد أنا قلت حق اميه أنا باخذ الصغير لأني ما أتفق مع إلي أكبر منه وايد ودووم نتناجر >_>'
عاد الصغير يوم سرت صفهم كانو فاضيين وماعندهم حد جان أدخل وخذته بس قبل ما نطلع الأولاد قالولي .. اخت سلوووم .. تعالي .. أنا هاه O_o شو؟
قالو تعرفين ترسمين؟ و واحد حط في ايدي قلم الصبوره مالهم ..
قلت ليش شو تبغون؟
قالو .. .. .. ارسمي ولد يبوس وبنت
أنا تميت دقيقه مب مستوعبه السالفه يمكن سمعت غلط؟
وبعدين قالوها مره ثانيه و قلت بخبر أبلتكم عليكم شو ها الحركاات عييب ما تستحون انتوو؟
قالو .. عادي كيفنا
قلت بالطقاق يهال آخر زمن .. وخذت سلوم وطلعت ..

[asf4ever]

OH NOES@__@
ياماتو مسوي موضوع

اكيد الكل عنده عيال اخ او اخت او حتى اخوان صغار في مرحلة الروضة..
السؤال هنا.. هل امهم او ابوهم ياخذونهم للروضة ولا الموضوع راجع للسواق والخدامة.. لاني في الجريدة اقرا عن اهمال الاهل للاطفال وجعل الخدم يقومون بالمهمة..

أكييد..بالباص
ولا ما عندكم باصات؟!

اليهال البنين ما عندي أي شعور تجاهم>.> ومرات أكرهم
يمكن لأنه عندي إثنينة عيال أخ وإثنينة عيال إخت
ولكن لو بنية والله نفسي أقطع خدودهم×_×
والحمد لله عندي بنت إخت وحدة من شهر تقريبا بس بعدها ما حلوت
وفيه بنية ثانية بطريج I am in heavenT_T
أما عن الروضة فما دخلت من يوم طلعت منها._.


وبعدين أريد أعرف منو إلي قال إنه اليهال ملائكة..
يا يقول إنهم شياطين يا يسكت

[Arnegrim]

ذكرتوني بأيام الروضة
اذكر ان امي قالتلي في المدرسة انها بتروح و بترجع -_-
طبعا كنت طفل بريء بملامحي بس مادري ليش الكل يقول اني كنت شيطان مع اني ما اسوي شي بس لأني كنت اشرمخ و اضرب البنات يوم يمسكوني من خدودي؟
المهم من أول يوم تضاربت مع 3 أولاد و مادري ليش تضاربت معاهم أخر الدوام و اذكر اني استخدمت الجاكيت كسلاح فتاك @_@
المهم في النهاية حد غش و فر على عيني رمل و في نفس الوقت امي شافتني و خذتني للبيت

اليهال البنين ما عندي أي شعور تجاهم>.> ومرات أكرهم
يمكن لأنه عندي إثنينة عيال أخ وإثنينة عيال إخت
ولكن لو بنية والله نفسي أقطع خدودهم×_×

حتى انا -_- بس مب لدرجة اقطع خدودها
خاصة يوم يطرشوني و يقولولي عط فلانة فلوس وتقولي شكرا @_@ ( مب متعود يسمع كلمة شكرا )
أما الأولاد فهم يخافون مني XD
و محد يقولي شكرا XD

[Yamato]

السلام عليكم يا ناس.. وراي ردود ارد عليها.. هذي جزاة اللي يكتب مواضيع.. T_T

انجل ساما,
هو ديمون ويسبر احسه مووور كووول.. اسم انجل ويسبر ينفع لرقيقات
البنات في العادة يجمعون صناديق معطرة وهالخرابيط.. وانتي اكشن فيجرز..
ويا بنت الناس محد قال صكي درب لدبي علشانهم.. لو انهم قريبين فقط..
وايه انا كنت مثل هالفارس الحلو.. بس على فكرة البنات صغار وكبار كانوا يقعون في هواي..
والحين اصبحت شيبة مخرف لا يحبني الا الصبيان

وبعدين اليهال لما يفلعوج بالحصى بيشردون على طول.. نفس ما يقول الفرنسي موارنجي او ما شابه في فيلم ماتريكس.. Cause and Effect حاقة زي كدا

القعقاع بن الاكرمين,
جبتها صح يا فتى.. لازم الواحد يشيك 24 هاورز.. ومشكلة اذا لزق فيك صبي صغيرون.. الصبيان وسخين على كول.. اما البنات فالكل يحرص على نظفتهم يخلونهم زي الانجلز..
وحاسب اليهال عندهم عيون اخس عن الشارينغان (اذا تابعت ناروتو)

انجل ساما اقين,
يو ار دجاج سادي..


مستر عبودي,
سالفتك طويلة علشان شي بسيط.. يا عمي المرة الجاية حط لهم البزنس كارد عالطاولة ووراه السعر (ابدا باسعار رمزية) ويمكن تزدهر عندك الاعمال وتصك على بيل جيتس


روري ذا بووك ايتر,
في قاسم مشترك.. انتي عضيتي الابله في رجلها.. وانا عضيت الخدامة في كتفها (شو الكونيكشن مرة ثانية لو سمحت )
على ايامي بالروضة ما كانت روضة من الرياض لكن كانت جهنم يا ناس.. ابلتي كانت وحدة عيوز مخرفة تضربني وما كانت تصدق كلامي
مرة كنا نرسم في الصف وواحد من الشباب الصغار (على كل عمر تشوف الشخص كبير بس طوف المرحلة وشف كيف هم صغار) جا وشخبط على رسمي كله.. الاهبلة جت وشافت رسمي وضربتني رغم المحاولات الحثيثة..
المهم.. ليش ساير بعيد انا
شو بلاكم كل واحد كاره اليهال كانهم المرض بزاتو..

بس ولد خالوتي عمره سنه وهو حبيبي الوحيد

انتي لو تشوفين ولد اختي الصغيرون بتطبين اللي عندج

وهذي بنت ادم جابت لنا دليل اخر على الفظايع اللي تستوي بالروضة..

عصفوري الصغير,
حبيبي خذلك نفس شوي شوي.. مب موضوع هذا حشا..
تراك خربت ابو الموضوع.. :mad22:
هو اكيد في باصات بس اتكلم عن اللي يودون اليهال بانفسهم.. (اصلا ولد اختي راح عنه الباص فرحت اوصله)

شوف.. هو الاطفال عندهم شاكرا اكثر من اللي عندنا.. لذا تشوفهم انواع الازعاج.. وانت لازم تكون عبقري علشان تصرف الباور هذا (اذا لقيت حل خبرني الله يخليك )
والله للحين ما دشت بنت في اللستة.. انا عندي حساسية تجاه البنات بشكل عام..
وانا اقول اليهال ملائكة.. مالك خص

الديناصور ارني البنفسجي,
شلونك يا باشا
شكلك في الروضة كنت نفس الولد اللي خرب رسمتي..
اي هايت يوو


الحمدلله والشكر اني ما اكتب مواضيع كثيرة..

[Master ArNab]

فيري كوول أوف يو مستر ياماتو

وانا اتمشى في المدرسة حسيت باني عجوز.. صدق والله.. اشوف الكل صغار وانا امشي بينهم مثل الناطحة..
يعني شو احساسكم لما تكونو في بيئة موبوءة مليئة بالصغار..
انا من الداخل اكون كذا

ههههه .. نعم , نفس الإحساس تماماً

على ايامي بالروضة ما كانت روضة من الرياض لكن كانت جهنم يا ناس

it sure was

.. جان أقوم وأعض ريولها

ههههه ..

كان يعور ..

بس كنت استانس

ههههه ..

الحمدلله والشكر اني ما اكتب مواضيع كثيرة..

والله مواضيعك رهيبه ,, تفتح النفس .. واصل وإستمر بارك الله فيك

[Yamato]

فيري كوول أوف يو مستر ياماتو
سانك يو سير.. اي ام هونورد

ههههه .. نعم , نفس الإحساس تماماً
ايه صدق ياخي.. الا ليت الزمان يرد رييي-وس

it sure was
انا ابلتي كانت عجوز شمطاء (الله يذكرها بالخير بس من ناحيتي ما اظن.. سببت لي عقد)


والله مواضيعك رهيبه ,, تفتح النفس .. واصل وإستمر بارك الله فيك
ار يو شور..

الماستر شرفنا هني..
يسعدني انه مشاركتي 4000 هي رد عليك..

[7_Dark Soul]

حتى انا بالاضافة الى التشييك الدوري على الثوب لا يتوصخ

اكبر مصيبة من تجي من العيال

.......مع اني ما احب العيال واجد..... بس هم يموتون فيني..... ليش؟؟.......على كلام الناس.. دايما يقلون لي انت فيك حنان الامومة... طبعا كل ما قالي احد انا وجهي يصير

....اخخخخ... ايام الروضة....ايام البرائة...الحين صرنا مجرمين.....بس جيل ذي الايام صار جيل وصخ

يعي تخيلو.... واحد عمره 9 سنوات قالي يلعن امك....انا وجهي صار

و الحقه و ينحاش... وانا اصارخ عليه..... تعال يا ابن الكلب....بس قدر يدخل بيتهم وينحاش

صاور مجرمين جيل ذي الايام

[leopard_1]

اكثر شي الامهات موجودات مع اطفالهن..

دام السالفه جي .. عيل كل يوم بتسير الروضه

اضافة الى انه في الشارع الثاني مدرسة ثانوية.. والملاقيع كل واحد جاي بسيارة خاصة به

احم احم .... بس صدق تخطيط غلط ... يعني مدرسه ثانويه ... وجدامها ابتدائيه ...وين عايشين ...بتستوي مجزره ياريال